Romanos 12

1 Ndeê nu der bicy na, como Ãgyoozh dzi nap ricy num den, ya̱ rnishba̱a̱ lo der nu gyicy der ub ru par tub gun mbañ nu rbic der ni Ãgyoozh, par tub gun nu zu chu par tub lo ziêl riiñ ni Ãgyoozh, par tub gun nu dzi gyet lagy mi, gun ndeê mod rishli nu rlagy ñi griib zily den Ãgyoozh. 2 Nunu cueê gyicy der mod nu ricy cualcyer la mbecy nu yuê gyishlombecy, sinu gush der tub shcab cub, gun orzeê gac der tub mbecy nu reñaê na par mod nu na der gulas. Gun orzeê gad lagy der de coz nu rlagy Ãgyoozh. Gad lagy der la na de coz nap. Gad lagy der la na coz nu rlagy mi. Gad lagy der la na coz nu sac falt ni. 3 Como Ãgyoozh nap bicy num ya̱ nu bzum ya̱ riiñ ii, orzeê na ne̱e̱ tub coz lo dela der. Cueê gyicy der ub ru par tub mbecy nu gya zir zu par mod nu na der, sinu tub ga la der rlagy ñi gash ru schab mod ni mbecy raso̱o̱ ben lac na ub der. Dub gal lac ricy nu Ãgyoozh tub ga la der dub ni rlagy ñi gash der shcab ben lac na der. 4 Gun tub cuerp ni mbecy ricy cup ñi zañ lugaar niñ, nunu tub ga la lugaar rcyiiñ ñi par reñ ga la riiñ. 5 Niê ziêl de ub na. Mas zigy den yuên, tees nac den tub ziêl cuerp nu nac Crisht. Orzeê na den gal nu na de reñ ga la lugaar ni laab tub ziêl cuerp zeê. 6 Dub gal lac rlagy Ãgyoozh, dub ni ricy mi nu cyiiñ tub ga la den nu gyicy na reñ ga la riiñ nim. Orzeê rlagy ñi nap gyicy den riiñ zeê. Benu Ãgyoozh gyicy mi nu cyiiñ tub den nu shaal na riidz nu druu lom, orzeê niê ziêl rlagy ñi nu gyicy den, dub gal lac mod nu ricy num den. 7 Benu Ãgyoozh gyicy mi nu cyiiñ tub den nu gyicy na coz nu rlagy reñaê mbecy, orzeê rlagy ñi nu nap gyicy nañ. Orzeê benu Ãgyoozh gyicy mi nu cyiiñ tuubaê den nu lyuun ni losaên, orzeê rlagy ñi nu ni gyicy na. 8 Benu Ãgyoozh gyicy mi nu cyiiñ tuubaê den nu gric na baloor ni losaên, orzeê ni gyicy na. Cyu ziêl mbecy nu rbic coz ni losaê, rlagy ñi nu cueê nu ziy coz nu cuic yu ni losaêy. Yu nu riib ic losaê rlagy ñi nu mod nap gyub ic yuy. De yu nu nap ricy nu losaê, rlagy ñi nu dub gusht la gyicy yuñ. 9 Rlagy ñi nu rishli ca der losaêr. Guzi lagy der lo de coz a̱ê nap. Bzu fert der nu nac de coz nap. 10 Pca tub pca tub ziêl der losaêr como nac yu bicy der nu nac Crisht. Bzu der altant par nu ca lagy der lo losaêr. 11 Cueê gazed der, sinu bloo lo der nu dutuub la lardoor lat nu gyicy der de coz nu rlagy Shuaan den. 12 Gucyit lagy der nu nac nu rgyish lo der lo Ãgyoozh. Bicy cup der pase̱z ornu deet rzac der. Nunu dub laa tiem bdiiñ der lo Ãgyoozh. 13 Ornu galagy ñi la coz ni de mbecy ni Crisht, orzeê briic der ñii ni dey, nunu nap bicy nu der de yu nu ryiid yuêr. 14 Bdiiñ der lo Ãgyoozh nu nap gyicy num de mbecy nu rshet zi de ru. Bdiiñ der lom nu nap gyicy num dey. Cueê ca nu shiñ gyicy num dey. 15 Ornu tub mbecy racyit lagy yu, orzeê niê ziêl de ru gucyitaê lagy der. Nunu ornu ricy shni dey, orzeê niê ziêl bicy shni gaê der. 16 Nap guê der nu losaêr. Cueê gac der mbecy leê. Nunu pshet ic der nu chesa nur de mbecy shni. Cueê nii too der nu dzi yuê shcab ni der. 17 Benu tub mbecy shiñ ricy nuy de ru, orzeê cueê gyicy gal ga der ñii. Byub der tub mod nu gyicy ru coz nu nap par dela mbecy. 18 Bicy der ca na la coz nu gac gyicy ru par nu nap chuê der nu de losaêr. 19 Rila cueê gyicy gal ga der ornu mbecy shiñ ricy nuy der, sinu zaan der nu Ãgyoozh cuic mi cashtig ni dey. Gun lat de riidz nim rniiñ: “Ãgyoozh nam: ndeê cuen ne̱ ya̱ nu grica̱ cashtig. Ya̱ naca̱ biñ nu gyabic i mbecy nu shiñ ricy, nam.” Ni rniiñ. 20 Lugaar nu gyicy gal gaa der, orzeê i mod rniiñ nu gyicy der: “Benu losaê yuur ran yu, orzeê briic coz nu goy. Benu rbigy yu nis, orzeê briic nis goêy, gun ornu ni gyicy ru, orzeê gyicy ru nu gat loy”, rniiñ. 21 Cueê zaan der nu gyicy coz a̱ê nap gan der, sinu bicy der coz nap. Orzeê gyicy der gan, cueê gyicy der coz a̱ê nap.