Romanos 1

1 Ya̱ Baly, tub yu nu ricy de coz nu rnii Jesucrisht. Ãgyoozh bzum ya̱ nu naca̱ aposht nunu pcuim ya̱ par nu shaala̱ de riidz nu sac nim. 2 Riidz nu sac zeê, ndeê tub coz nu tonaê la gulas mnii Ãgyoozh nu segur la gyicy mi. Ni mniim lat de riidz nim nu bzeeñ de yu nu mnii por cuen nim. 3 Riidz zeê rniiñ de coz ni Iêñ mi, Shuaan den Jesucrisht. Byac mi tub mbecy gyishlombecy nu nac nu bruum lat nez Dabi. 4 Tees Espiriit Yon bicy mi nu gud lagy den nu mi zeê nac mi iêñ Ãgyoozh nu nac coz ily nu guc ornu byabañ mi nu gut mi. 5 Nunu nap bicy nu Ãgyoozh ya̱ ornu bicy mi nu Jesuuz bzum ya̱ nu gaca̱ aposht. Ni bicy mi, gun orzeê locyuuba̱ de mbecy nu yuê gabiê naañ la ni gyishlombecy nu gyicy cup dey consuel lom, nunu zuub gyidag dey nim, gun orzeê ca lagy dey lom. 6 Gazaê de ru de mbecy Rom nu bzu Ãgyoozh nu gac ni Crisht. 7 Ndeê nu ya̱ zeeda̱ gyicy ii lo de ru, de mbecy ni Crisht nu yuê Rom. Ãgyoozh rcam de ru, nunu bzum der par nu gac der mbecy nim. Ãgyoozh Uz na nu Shuaan den Jesucrisht gyicy dem faboor nu nap gyicy num der, nunu gyicy mi nu cheti ri añ ni der. 8 Nu loga la, nu nac Jesucrisht ya̱ drica̱ gras ni Ãgyoozh nu nac dela der, gun de ga la lugaar bi rnii de mbecy nu fert ricy cup der consuel lo Crisht. 9 Nu dutuub la lardo̱o̱, ricya̱ de coz nu rlagy Ãgyoozh ornu rshaala̱ riidz ni Iêñ mi, Jesuuz. Nunu mi zeê rad lagy mi nu rzata̱ der lat nu rne̱e̱ du̱m. 10 De tir la ornu rne̱e̱ du̱m, ya̱ rdiña̱ lom nu cuic mi tub mod nu yap güi̱i̱ der, benu ndeê coz nu rlagy mi. 11 Rlagya̱ yap güi̱i̱ der par nu locyuuba̱ der nu de coz nu druu lo Espiriit Yon ni Ãgyoozh, gun orzeê gyafert zir der nu nac de coz ni Crisht. 12 Mod nu rne̱e̱ ii, nii nu locyuub na losaên. Ya̱ locyuuba̱ de ru nu nac de coz nu ricy Crisht num ya̱, nunu de ru locyuub der ya̱ nu nac de coz nu ricy Crisht num de ru. 13 Der bicy na, ya̱ rlagya̱ nu gad lagy der nu zañ tir bicy pe̱e̱ nu nyap güi̱i̱ der, tees mas gashtal dzi na wagad mod nu yapa̱. Rlagya̱ yapa̱, gun orzeê zaê lo̱ ñuu riiñ ni Crisht lat de ru, gal nu bicya̱ lat deê zir de mbecy nu walab mbecy Israeel. 14 Ya̱ yad ñi ne̱ nu shaala̱ riidz ni Crisht lo dela mbecy: mas lo de yu lily, nunu mas lo de mbecy riidz, mas lo de mbecy nu nap rad lagy, nunu mas gal lo de yu nu wagad lagy, tees yad ñi ne̱ nu shaala̱ riidz zeê lo dey. 15 Ndeê nu ric la añ ne̱ nu shaala̱ de riidz nu sac ni Crisht lo de ru, mbecy nu yuê Rom. 16 Ya̱ wagat lo̱ nu nac de riidz nu sac ni Crisht, gun nu nac de riidz zeê Ãgyoozh co mbañ mi de mbecy nu gyicy cup consuel lom. Nu loga la co mbañ mi de mbecy Israeel, tees niê ziêl co mbañ mi de mbecy nu walab mbecy Israeel. 17 Gun riidz zeê ricy ñi nu gad lagy den lac mod ricy Ãgyoozh par nu gyanap den lom. Tub zi la nu nac nu gyicy cup den consuel lom, orzeê gyanap den par lom. Gun lat de riidz ni de yu nu mnii por cuen nim rniiñ: “Yu nu gyanap par lo Ãgyoozh nu nac nu ricy cup yu consuel lom, orzeê yu zeê cui mbañ yu”, rniiñ. 18 Rabee nu gal gyibaa gruu cashtig nu gzeed Ãgyoozh lat de mbecy nu ricy coz cyi, nunu lat de mbecy nu ricy coz a̱ê nap nu losaê, gun tonaê la rzi lagy mi lo dey. De mbecy a̱ê nap zeê ricy dey nu wagac gad lagy de mbecy de coz rishli nim nu nac de coz a̱ê nap nu ricy dey. 19 Tees naal la rabee de coz nu gac gad lagy dey nim, gun laab mi pshaal mi ñii lo dey. 20 Gun de coz nim nu wac zac dey, gac gad lagy dey ñi nu nac nu rzac dey de coz nu psaê lagy mi. Gaal zi nese nu bzub gyiê gyishlombecy rad lagy dey nu mi zeê nac mi Ãgyoozh, nunu rad lagy dey nu rila walazh fers nim. Rad lagy dey ndeê nu nac de coz nu psaê lagy mi. Ndeê nu sac rishtoê lo ni dey. 21 Gun mas rguê lo dey mi, tees waca lagy dey lom gal nu yad ñi nu gyicy dey lom, nunu ni wancuic dey gras nim. Lugaar nu gyicy dey ndeê, ca nu guton too dey, nunu mnu shcab ni dey. Wangac nii too dey ca na coz nu nap. 22 Rnii dey nu nac yu mbecy nu yuê lo, tees nac dey mbecy ton. 23 Pchaa dey gyel lily ni Ãgyoozh biñ nu rila wat. Orzeê brugyiê driib zily dey tub nab mbecy nu gat. Driib zily dey nab chigyiñ, driib zily dey nab bily, driib zily dey nab de bañcyug tap gyiê. Dela ndeê driib zily dey. 24 Nu nac de ndeê, orzeê bzaan Ãgyoozh nu ricy dey de lo la coz a̱ê nap nu druu nañ lardooy. Bzaan mi nu ricy dey de lo la coz toê lo nu losaêy. 25 Lugaar nu zuub gyidag dey de riidz rishli nim ca coz rguu rzuub gyidag dey. Driib zily dey de coz nu psaê lagy mi, nunu rzu bich dey nu nac de coz zeê. Ni ricy dey lugaar nu griib zily dey biñ nu psaê lagy dela coz. Rlagy ñi gyabic den gyel mbecy nim par tub la. Laab ni gac ñii. 26 Par nu nac ndeê, Ãgyoozh bzaan mi nu de coz toê lo nu druu nañ lardoo dey chetib ic ñiy. Mas de biñ mñaa shiñ ricy dem. Lugaar nu dzeel mi yu gyeey mod nu rlagy ñi, ca nu losaê mñaa dem ral mi. 27 Niê ziêl de yu gyeey. Guca dey nu rdzeel dey biñ mñaa mod nu rlagy ñi. Ca nu ric la añ ni dey nu gal yu losaê gyeey yu. Ricy dey coz toê lo nu losaê gyeey yu. Ub la dey rnuy cuerp ni ub yu nu nac de coz a̱ê nap nu ricy yu. Ndeê cashtig nu ricy cup dey. 28 Orzeê Ãgyoozh bzaan mi nu byashiñ na shcab ni de mbecy, gun walagy dey caa ic yu de riidz rishli nim. Ndeê nu ricy dey de coz nu a̱ê yad ñi nu gyicy yu. 29 Dzi bded ruê gaê ricy dey de lo la coz a̱ê nap. Shiñ ricy nu dey losaêy. Ye rzac dey lo coz ni losaêy. Rzat zi dey losaêy. Rasaap lagy dey nu nac losaêy. Rut dey losaêy. Deet rzuê dey nu losaêy. Rguu dey losaêy. Ricy ras dey nuy losaêy. Ro dey rishcuen. 30 Rnii zi dey ni losaêy. Wayet lagy dey Ãgyoozh. Nac dey mbecy rnid ruê. Nac dey mbecy leê. Ricy zily dey ub yu. Rboo ic dey lac mod gyicy yu coz a̱ê nap. Wacsuub gyidag dey ni de mbel niy. 31 A̱ê nap dey. Wagyicy yac dey nu de riidz nu rniiy. Waca dey losaêy. Wagyag ic dey lo losaêy. Wagashni lagy dey losaêy. Dela ndeê coz nu ricy dey. 32 Nap rad lagy dey nu Ãgyoozh mniim nu cyu ziêl mbecy nu ni gyicy, orzeê yu zeê yad ñi niy nu gat yu. Tees walab tub lo ziêl nu zaab ricy la de ub yu de coz zeê, sinu shiñ zir ricy dey, gun gal yet la lagy dey ornu ni ricy reñaê mbecy.