Apocalipsis 12

1 Orzeê gazeê nu bruu zac tub muesht ily gyibaa. Ndeê tub biñ mñaa. Shab mi nu zum nañ gal nu na doo güidz. Zeê gyiêm ca tub coz nu na gal nu na beey. Orzeê toom zub tub coron nu ricy cup trocyup bel baa. 2 Orzeê mi zeê se nu gaal ziêl mi mdoo. Orzeê rbish tim nu rac nim nu gaal mi mdoo. 3 Orzeê bruu zacaê tuubaê muesht gyibaa. Ndeê tub low dañ. Tonaê la zily ma. Nunu ña coloor ma. Ma zeê zub gagy too ma. Nunu zub tii nguaz ma. Nunu ri tub ga la coron tub ga too ma. 4 Orzeê lo dela bel nu taê baa ptel ne ma tub nac ma. Orzeê byeeñ cyup nac de bel zeê. Orzeê pshet lag ma de ma zeê lo yu. Orzeê low zeê gusu ma lo biñ mñaa nu sñuu ga gal mdoo zeê, gun orzeê gow ma mdoo cuanzir nu gal mi. 5 Orzeê biñ mñaa zeê bgaal mi tub mdoo gyeey. Orzeê mdoo zeê, mi zeê gyub ic mi de lo la mbecy nu tub garot gyiib. Gazeê nu byash mbecy mdoo zeê. Orzeê gua nu dey mi lo Ãgyoozh, zeê nu riib ic mi. 6 Orzeê biñ mñaa zeê bruu chum carer zam tub lugaar ub zi. Zam tub lugaar nu bi bzu lily Ãgyoozh. Gun zeê gad coz nu cyiiñ nim trocyup gaynal zub gayon dzi. 7 Gazeê nu brugyiê tub gyel yuu gyibaa. Orzeê Miguel nu de anc niy gua dey contr ni low dañ zeê gal nu de anc ni ma zeê. 8 Tees wangagyee low dañ zeê. Orzeê wangadaê lugaar nu ñcyiiñ ma nu de anc ni ma gyibaa. 9 Orzeê pcyuu nu dey ma. Orzeê laab low dañ zeê, ma zeê bily nu nil zu nese gulas. Ma zeê bañ nu rnii dey nuras, bañ nu rguu dela mbecy gyishlombecy. Orzeê pshet lag dey ma nu dela anc ni ma lo yu ii. 10 Orzeê ye la zaab tiê nu rnii gal gyibaa. Orzeê na: âNa bi pshuub dzi nu co mbañ Ãgyoozh mbecy. Pshuub dzi nu gyicy mi coz ily, nunu pshuub dzi nu gyub ic mi gal nu ricy rey. Nunu shuub dzi nu gyub icaê Mesías nim. Gun bi pcyuu nu dey yu nu driib gyidza too de losaê den. Yu zeê zuy dzi rel la lo Ãgyoozh nu driib yu gyidza too dey. 11 Tees de losaên bicy dey gan yu zeê nu nac reñ biñ nu nac Shily nu gua gun lo Ãgyoozh nunu nu nac de riidz rishli nu mnii dey. De yu zeê wanchib dey nu gat yu, sinu “O la” mnii dey mas gat yu. 12 Orzeê gucyit lagy de mbecy nu yuê gyibaa. Tees cuaa de ru mbecy nu yuê lo yu gal nu lo nisyudoo. Gun nuras bi bet yu lat der. Nunu tonaê la rzi lagy yu, gun bi rad lagy yu nu wazu tuñ yu âna gal gyibaa. 13 Na ornu gud lagy low dañ zeê nu bi pshet lag dey ma lo yu, orzeê brugyiê nu zaab ma ich biñ mñaa nu bgaal mdoo gyeey zeê. 14 Orzeê guud cyup loweê ily ni psi ni biñ mñaa zeê, gun orzeê gyes nañ mi cham tub lugaar ub zi. Orzeê byazet mi lo bily zeê. Orzeê zeê gad dela coz nu cyiiñ nim chon ñaên nu. 15 Orzeê bily zeê bloo ma nis ruê ma, gun orzeê byac ñi tub gyoow nu cha nuñ biñ mñaa zeê. 16 Tees yu blocyuub ñi biñ mñaa zeê. Orzeê byaal loñ. Goêñ nis nu bruu ruê low dañ zeê. 17 Orzeê tonaê la guzi lagy ma lo biñ mñaa zeê. Orzeê gush nez ma za ma nu chucoo nu ma deê zir nez mi nu bruu zac despuees, gal nu dela mbecy nu rzuub gyidag de riidz nu mnii Ãgyoozh, laab de yu nu ricy paa nu de riidz rishli nu rshaal mbecy nu nac Jesucrisht.