Apocalipsis 1

1 De riidz ii rshaal ñi de coz nu rnii Jesucrisht. Ãgyoozh bicy mi nu Jesucrisht pshaal mi ñii lo de mbecy nu ricy de coz nu rlagy mi par nu gad lagy dey ni de coz nu sñuu ga gac. Briic mi nu gad lagy dey nu nac nu bzuu nez mi anc nim biid yu lo ya̱, Waa, tub yu nu ricy coz nu rlagy mi. 2 Orzeê pca̱a̱ dela coz nu rishli nu bzaaca̱, nunu naca̱ teshtig ni de riidz ni Ãgyoozh. Naca̱ tub yu nu rzat Jesucrisht lo de mbecy. 3 Dzi ni de mbecy nu rsyaê de riidz nu bruu lo Ãgyoozh ii. Nunu dzi ni de mbecy nu reñ ñi gal nu de yu nu rzuub gyidag ni de riidz nu bi ca ii, gun bi yad shuub tiem nu gac ñii. 4 Ya̱ Waa. Ya̱ gzeeda̱ gyicy ii lo gagy nac mbecy ni Crisht nu yuê lat de gyedz ni Asia. Orzeê Ãgyoozh, Shuaan den, gal nu Jesucrisht, gal nu Espiriit Yon nim gyicy dem faboor nu nap gyicy num der, nunu gyicy dem nu cheti ri añ ni der. Laab Ãgyoozh nac mi biñ nu nac na, nunu nac mi biñ nu guc par ich, nunu nac mi biñ nu cyid par lo. Na Espiriit Yon nim nac mi biñ nu nash numbr gagy, nunu nac mi biñ nu zu lugaar zeê nu riib ic mi. 5 Na Jesucrisht nac mi biñ nu ricy paa nu de riidz nu rniim. Nunu nac mi biñ nu byabañ nu loga la ornu gut mi. Nunu riib ic mi dela gubier nu riib ic gyishlombecy ii. Orzeê de mi zeê gyicy mi faboor num de ru, nunu gyicy dem nu cheti ri añ ni der. Na Crisht tonaê la rcam de ub na, nunu bicy mi nu bla den ni de coz ily nu ricy nu cyi den nu nac nu pshu reñ mi. 6 Bicy mi nu gyub ic den dun mi. Bicy mi nu nac naa uz par nu zu biich na nu nac Uz mi, biñ nu nac Ãgyoozh nim. ¡Yad ñi nim nu dugyim gyel lily nim nunu yad ñi nu dugyim nu nac mi biñ nu gac gyicy dela coz dub laa tiem! ¡Laab ni gac ñii! 7 Crisht yad mi lat za baa. Orzeê dela mbecy zac dey mi. Gashtal de yu nu bicy nu gut mi, nunu de lo la nez mbecy nu yuê gyishlombecy gyicy dey sentiir, nunu gun dey nu nac mi. ¡Laab ni gac ñii! 8 Orzeê na Ãgyoozh Shuaan den: “Ya̱ naca̱ A, nunu naca̱ zeta. Nunu naca̱ biñ nu nil zu nese nu loga. Nunu naca̱ biñ nu nil zu ornu gyaê loñ.” Ni na Ãgyoozh, biñ nu nac na, biñ nu guc par ich, nunu biñ nu cyid par lo. Mi zeê biñ nu gac gyicy dela coz. 9 Ya̱ Waa bicy de ru. Gyub ic den tublaazh la zeê nu gyub ic Ãgyoozh. Nunu tublaazh la zac zin nu nac Crisht. Nunu Ãgyoozh cuic mi fers ni den nu gagyen. Dela ndeê ricy Ãgyoozh nu nac Crisht. Ya̱ ri̱ pres lo tub nac yu nu ri gazel nisyudoo nu la Patmos. Ri̱ pres nu nac nu pshaala̱ de riidz ni Ãgyoozh, nunu nu nac nu bzata̱ Jesucrisht lo dela mbecy. 10 Orzeê tub dzi noming, dzi ni Shuaan den, orzeê byub ic Espiriit Yon ni Ãgyoozh ya̱. Orzeê par icha̱ güeña̱ nu zaab tiê mbecy. Ye rniiy gal nu zaab tiê tub trompet. 11 Orzeê nay: âPcaa lo tub cuader de coz nu rzac ru. Orzeê zeed ru ñii lo gagy nac mbecy ni Crisht. Zeed ru ñii lo de mbecy ni Crisht nu yuê Ãfeso, gal nu lo de mbecy nu yuê Esmirna, nu lo de mbecy nu yuê Pérgamo, nu lo de mbecy nu yuê Tiatira, nu lo de mbecy nu yuê Sardis, nu lo de mbecy nu yuê Filadelfia, gal nu lo de mbecy nu yuê Laodicea. Lo de yu zeê zeed ru ñii âna mbecy nu zaab tiê rnii zeê. 12 Orzeê bish cya̱ bgüi̱i̱ par icha̱ zeê nu zaab tiê mbecy nu rnii nu ya̱ zeê. Na ornu bish cya̱, orzeê bzaaca̱ gagy candeler or. 13 Nunu lat de gagy candeler zeê zu tub mbecy nu rlyu nu nac yu mbecy nu yuê gyishlombecy. Mi zeê zum tub nertub zily duñ. Zaab ñi gal yeñ gyiê lam. Nunu ri tub sinch lyush mi nu byaañ nu or. 14 Nunu gyich toom cacy iily lañ. Caacy ñi gal nu caacy gyey. Nunu rabee urlom gal nu rabee lyush gyi. 15 Nunu ryal gyiêm gal nu ryal gyiib cach nu ryanap nañ yo. Nunu tiêm rzigy ñi gal nu rzigy zeê nu yet nis. 16 Zeê nu yaa beem zu yaam gagy bel baa. Zeê ruêm briib tub coz nu na gal nu na mandzicy nu rup dzu laê la ruê riêñ. Zeê lom ryal ñi gal nu ryal doo güidz ornu tonaê la nap rzu yaa. 17 Ornu bzaaca̱m, orzeê wes sa̱a̱ la̱ yeñ gyiêm. Gugyita̱ gal nu zegyit tub mbecy gut. Orzeê briib mi yaa beem icha̱. Orzeê nam: âCueê dzib ru. Ya̱ naca̱ biñ nu nil zu nese nu loga la, nunu naca̱ biñ nu nil zu ornu gyaê loñ. 18 Nunu naca̱ biñ mbañ. Guta̱ tees na cui mbaña̱ tub la. Nunu ya̱ ricy cupa̱ rishbeey nu shaala̱ nez nu ya par zeê nu yuê mbecy nu bi gut. 19 Pcaa lo gyicy dela coz nu rzac ru. Pcaa dela coz nu rac na gal nu dela coz nu gac par lo. 20 Lo gagy bel baa nu rzac ru nu zu yaa be̱e̱, gal nu gagy candeler ii, de nii yaruuñ tub coz nu wagad lagy la mbecy. Na do̱o̱ rishlor lac yaruuñ. De gagy bel baa zeê, ndeê yaruuñ gagy anc ni de gagy nac de mbecy ne̱. Zeê gagy candeler or zeê, ndeê yaruuñ laabaê de gagy nac mbecy ne̱.