San Marcos 5

1 Orzeê bruêña dey tub laê gaê ruê nisyudoo lo yu ni Gerasa. 2 Orzeê cuanzir nu bruu Jesuuz nañ barc zeê, orzeê lueg la bdzeel mi tub mbecy nu bruu lat de blyuu nu rcach de mbecy añ. Yu zeê tub mbecy nu bicy ni nuras. 3 Nunu lat de blyuu zeê rcyiiñ yu. Nunu ni tub la mbecy wagac cyiig yuy. Mas nu caden wagac gag yu, 4 gun zañ tir pcyiig dey gyiêy nu yaay nu caden. Tees rsug yu caden zeê. Nunu ni tub la mbecy wagac gyicy yu nu cuez seêy. 5 Zaab za lay dzi rel la rded yu de logyiê nu lat de blyuu zeê. Rbish tiy, nunu rshiêñ yu ub yu nu gyitaê. 6 Tees ornu bzaac yu Jesuuz zet ruê nu zam, orzeê gush yu carer zay lom. Orzeê gusu tib yu lom. 7 Gazeê nu na Jesuuz rab mi yu: âBruu chu lo mbecy ii nuras ânam. Orzeê dub ruê la nuras zeê rbish tiy. Gazeê nu nay rab yu Jesuuz. â¿La ryub ru yad ru lo̱ Jesuuz, iêñ Ãgyoozh, biñ nu zily zir nac? ¡Cyoozh cueê sheed zir ya̱! ânay. 9 Orzeê na Jesuuz rab mi yu: â¿La lar? ânam. Gazeê nu nay rab yum: âYa̱ la̱ bee miily gun zigy de̱ naca̱ ânay. 10 Orzeê tonaê mnishbaay lom nu cueê co chum yu lugaar zeê. 11 Na par gyiê bicy zeê tonaê la cuch zigy rded ma row ma. 12 Orzeê dela nuras zeê mnishbaa dey lo Jesuuz. Gazeê nu na dey: âBzuu nez de̱ ya̱ lo de cuch re gun orzeê chu̱ê de̱ nañ ma âna dey. 13 Orzeê briic Jesuuz rishbeey nu gruu dey. Gazeê nu bruu dey lo mbecy zeê. Guêy nañ de cuch zigy zeê. Orzeê rzab la de ma bzu tiily ma par gyoow. Bet lag de ma lo nisyudoo. Gut de ma lo nis. Cyup la miily cuch zeê gut ma lo nis. 14 Orzeê de yu nu rña de cuch zeê gush dey carer ya niiy de coz nu guc lo de mbecy nu yuê lat gyedz nu lo de mbecy nu yuê ngush. 15 Na ornu bruêña de mbecy zeê lo Jesuuz nunu ornu bzaac dey mbecy nu bicy ni de nuras zeê, zub yu, zuy shab yu, nunu byanap shcab niy, orzeê tonaê la gudzib dey. 16 Orzeê dela de mbecy nu bzaac coz nu guc zeê mniiy lo de mbecy zigy zeê lac mod guc nu de cuch zeê nunu lac mod guc nu mbecy nu bicy ni nuras zeê. 17 Orzeê brugyiê rnishbaa dey lo Jesuuz nu ruum ledz dey. 18 Na ornu guê Jesuuz nañ barc zeê, orzeê yu nu bicy ni nuras zeê mnishbaay lom nu cha num yu. 19 Tees Jesuuz wansaan mi. Orzeê nam rab mi yu: âYaa lo de famil nir nunu niir de coz ily nu bicy Ãgyoozh num ru. Niir nu Ãgyoozh gushni lagy mi ru ânam. 20 Gazeê nu mbecy zeê gush nez yu zay. Orzeê brugyiê rniiy lo dela mbecy nu yuê lo de yu ni Decápolis de coz ily nu bicy Jesuuz num yu. Orzeê tonaê la za nu ic de mbecy zeê. 21 Orzeê Jesuuz guêm nañ barc gulaêm tub laê gaê dzu ruê nisyudoo. Orzeê tonaê la mbecy zigy byatublaazh dey lom. Laab ruê nisyudoo zeê zum. 22 Orzeê bruêña tub mbecy nu la Jairo, yu nu riib ic nañ tub yuê nu rsyaê mbecy riidz ni Ãgyoozh. Laab bzaac lay Jesuuz, orzeê wes saay lom. 23 Nunu tonaê la mnishbaay lom. Orzeê nay rab yum: âIêña̱ se nu gat ziêl lañ. Cua̱a̱ ya̱ chan gal yaar ñii gun, orzeê gyac ñi, nunu cui mbañ ñi ânay. 24 Orzeê Jesuuz za num yu. Tonaê la mbecy zigy za ca dey ich mi gal rcyiêñ su la dey mi. 25 Orzeê lat de mbecy zeê ri tub biñ mñaa nu bzaê trocyup ñaên rshu reñ mi. 26 Zigy doctoor bicy nuy mi zañ lo guñaa. Mnit lo dela tiñ nim, nunu wangyac mi. Ca nu bicy ye zir ñi. 27 Na ornu guê gyidag mi de coz nu bicy Jesuuz na, orzeê bechaêm par ich Jesuuz lat de mbecy zigy zeê, nunu gul yaam shab mi. 28 Gun mnii toom nu mas ñuu shab Jesuuz gal yaam, orzeê gyac mi. 29 Orzeê laab or la zeê guca reñ zeê, nunu gud lagy lam nu byac mi ni güii zeê. 30 Lueg la gud lagy Jesuuz nañ lardoom nu bruu fers nim. Orzeê bish cyam bgüiim par ich mi lat de mbecy zigy. Gazeê nu nam: â¿Cyu gul shaba̱? ânam. 31 Orzeê de yu nu rsyaê lom na dey rab yum: âRu rzac ru nu de mbecy zigy rcyiêñ su dey ru. Zeê ii nar: “¿Cyu gul ya̱?” nar âna dey. 32 Tees gabee rgüii ruêm dub yub la lom par nu zac mi cyu gul mi. 33 Orzeê bruêña biñ mñaa zeê. Tonaê la gudzib mi, nunu rash la bis mi, gun gud lagy mi coz nu bzac mi. Orzeê wes saam yeñ gyiê Jesuuz, nunu mniim dela coz nu rishli. 34 Gazeê nu na Jesuuz rab mi biñ mñaa zeê: âBiñ mñaa, ru byac ru gun bicy cup ru consuel lo̱. Orzeê dub gusht la yaa, nunu bi mnit güii nu rat ru ânam. 35 Lat nu gabee rnii nu ruê Jesuuz biñ mñaa zeê, orzeê bruêña tub mbecy nu bruu yuê mbecy nu riib ic zeê. Orzeê nay rab yu yu nu riib ic zeê: âIêñ ru bi guut ñi. Cueê gaê gyicy seed zir ru Masht ânay. 36 Tees Jesuuz wangyicy cuen lam de riidz nu rniiy. Orzeê nam rab mi yu nu riib ic zeê: âCueê dzib ru. Bicy cup ziêl consuel lo̱ ânam. 37 Orzeê wansaanaêm cha ca zir mbecy ich mi nomaas Bed, nu Santiag, nu Waa, bicy yu za num. 38 Gazeê nu ornu bruêñam yuê yu nu riib ic zeê, orzeê bzaac mi nu se byach ziêl mbecy yuêy. Yuê mbecy ruun yu. Yuê gaêy rbish tiy. 39 Na ornu guêm nañ yuê na, orzeê nam rab mi dey: â¿Lagu dzi rded deet der? ¿Lagu ruun der? Zeê fiñ nguzh ii nu nas ñi; walab nu guut ñi ânam. 40 Orzeê brugyiê rigy nu naañ dey mi. Orzeê bloom dela dey par ich yuê zeê. Orzeê guêm nu uz fiñ nguzh zeê nu ñaañ nu chon de yu nu rsyaê lom zeê par zeê nu mbish ñi. 41 Orzeê bduê yaam yaañ. Gazeê nu nam rab mi ñii: âTalita cum ânam. Benu gyal riidz zeê, orzeê nam: Fiñ nguzh, ya̱ rne̱e̱ du̱ ru weshte, nam. 42 Orzeê laab or la zeê weshte fiñ nguzh zeê brugyiê rded ñi. Na fiñ zeê bi yuêñ tub ñaên trocyup. Orzeê tonaê la za nu ic de mbecy. 43 Tees Jesuuz pcach mi ruê dey nu cueê la cuic dey nu gad lagy mbecy nu ni bicy mi. Nunu mniim nu cuic dey coz nu gow fiñ nguzh zeê.