San Marcos 3

1 Orzeê tuubaê dzi, orzeê gua gaê Jesuuz nañ tub yuê nu rsyaê mbecy riidz ni Ãgyoozh. Zeê ri tub mbecy yaa gush beñ. 2 Orzeê de yu nu rzi lagy lom psiiñ dey nim ben a gyicy yac mi mbecy rat zeê sab, dzi nu rzu lagy mbecy, gun dzi ga ñgyaad tub mod nu riib dey cyi ic mi. 3 Orzeê nam rab mi mbecy yaa gush beñ zeê: âWes su. Da lo̱ gashtal gazel ii ânam. 4 Gazeê nu nam rab mi de yu nu rzi lagy lom: â¿A nap zuñ par lo leey ni Moisees nu gyicy den coz nap sab, dzi nu rzu lagy mbecy? ¿A nap nu gyicy den coz nap uti nu gyicy den coz a̱ê nap? ¿A nii tub dzi nu gloo mbañ naa mbecy uti tub dzi nu gnit lon mbecy? ânam. Tees wannii la dey. 5 Orzeê bgüii tañ mi lo dey, nunu bicy mi sentiir, gun sac gyel rashni lagy ni dey. Gazeê nu nam rab mi mbecy rat zeê: âBzaab yaar lo̱ ânam. Orzeê mbecy zeê bzaab yaay lom. Orzeê byanap lañ. 6 Gazeê nu lueg la bruu chu de mbecy fariseo. Byatublaazh dey nu de mbecy ni Herodes nu bee dey riidz ben lac mod zaê lo dey Jesuuz. 7 Tees Jesuuz za num de mbecy nu rsyaê lom gal ruê nisyudoo. Nunu tonaê la mbecy zigy za ca dey ich mi. Yuê mbecy nu bruu de lo yu ni Galilea. Yuê mbecy nu bruu de lo yu ni Judea. 8 Yuê mbecy nu bruu Jerusaleeng. Yuê mbecy nu bruu lo de yu nu la Idumea. Yuê mbecy nu bruu tub laê gaê ni gyoow Jordaang. Nunu yuê gaê mbecy nu bruu lo de yu ni Tiro nu Sidón. Dela zeê bruu dey za güii dey Jesuuz gun güeñ dey de coz ily nu bicy mi. 9 Gazeê nu mniim lo de yu nu rsyaê lom nu zu lily dey tub barc nu ruu chum nu nac de mbecy zigy nis cyiêñ zu dey mi. 10 Gun dela mbecy rat byatublaazh dey lom nu rlagy dey gal yaa dey mi nu nac nu bi bicy yac mi zigy mbecy. 11 Nunu dela de yu nu bicy ni nuras, ornu rzac dey mi, yes saa la dey lom. Orzeê dub ruê la dey rbish ti nuy mi. Orzeê rnii dey: â¡Ru nac ru iêñ Ãgyoozh! ârnii dey. 12 Orzeê tonaê la fert mniim lo dey nu cueê nii dey lo mbecy cyu nac mi. 13 Despuees ndeê gazeê nu za Jesuuz tub logyiê. Orzeê bredz mi ca na de yu nu rlagy mi. Orzeê gua dey lom. 14 Gazeê nu bloo zum trocyup dey par nu chesa num yu nunu par nu zuu nez mi dey chay cha shaal dey de riidz ni Ãgyoozh. 15 Nunu briic mi rishbeey ni dey par nu co chu dey de nuras. 16 Orzeê nii nu la de trocyup yu nu pcuim zeê. Gush lañ: Simo̱o̱, yu nu bloo lam Bed, 17 nu Santiag nu bicy yu Waa, de iêñ Zebedeo. De yu zeê bloo lam Boanerges. Riidz zeê yaruuñ: De Iêñ guzii. 18 Zeê tuubaêy Ndrees, nu Lip, nu Bartol, nu Mateo, nu Tomaas, nu Santiag, iêñ Alfeo, nu Tadeo, nu Simo̱o̱, yu nu nac partid nu la Celote, 19 nu Judas Iscariote, yu nu bish cya ich mi. 20 Orzeê Jesuuz guêm nañ yuê. Orzeê zeê byatublaazhaê de mbecy zigy lom tuubaê tir gal wangacaê la ñgyow mi gyit nu de yu nu rsyaê lom. 21 Orzeê de famil nim güeñ dey de coz nu guc. Orzeê za dey lom nu ricy pee dey cha nu dey mi por fers la, gun mnii mbecy nu guton mi. 22 Tees de mbecy nu bruu Jerusaleeng, de yu nu rlyuu leey ni Ãgyoozh, mnii dey nu Beelzebé, yu nu riib ic de nuras, bicy niy mi, nunu bicy yu nu cyiiñ yu ii nu co chuy deê zir nuras, na dey. 23 Orzeê Jesuuz bredz mi dey nu gyechaê dey lom. Gazeê nu mniim lo dey nu riidz tiily. Orzeê nam: â¿Walab gaal gac co chu nuras laab losaê nuras yu? 24 Benu tub nac mbecy dulew dey nu chucoo dey laab nu losaê ziêl yu, orzeê rila wazu dey. 25 Nunu benu tub famil chu cooy laab nu losaê ziêl yu, orzeê niê ziêl wazu dey. 26 Nunu benu de nuras dulew dey nunu chu coo dey laab nu losaê dey, orzeê niê ziêl wazu dey, sinu nit lo dey ânamâ. 27 ‘Tees rlagy ñi nu gyicy mbecy gan yu nu riib ic de nuras zub lo. Gazeê nu gac co chuy deê zir nuras nu zaab ich. Gun ni tub la mbecy wac chuêy yuê tub mbecy fert nu coy suuy benu wacyiigy dey yu loga. Tees benu nu loga la cyiig dey yu, gazeê nu gac chuê dey yuêy nu coy suuy. 28 ‘Rishli, ya̱ ne̱e̱ lo der nu Ãgyoozh gac gyicy sulagy mi ni de mbecy ni de lo la cyi nu ricy yu nunu de lo la riidz a̱ê nap nu rniiy, 29 tees cyu ziêl mbecy nu nii zi ni Espiriit Yon nim, yu zeê wayicy sulagy mi niy. Ndeê cyi nu rila wac gyecy âna Jesuuz rab mi de mbecy nu shiñ mnii zeê. 30 Ni mniim lo dey gun mnii dey nu bicy ni nuras mi. 31 Orzeê bruêña ñaam nu de bicy mi. Yuê dey gashtal ich yuê. Gazeê nu bzeed dey raso̱o̱ lo Jesuuz nu cham lo dey. 32 Orzeê na de mbecy zigy nu nguaa lom zeê rab yum: âGal ich yuê re zu ñaar nu de bicy ru ryub dey ru âna dey. 33 Orzeê nam rab mi dey: â¿Cyu ña̱a̱ nunu cyu de bicya̱? ânam. 34 Gazeê nu bgüiim dub yub la lom. Orzeê nam rab mi dey: âIi nguaa ña̱a̱, nunu ii nguaa bicya̱. 35 Cyu ziêl mbecy nu ricy coz nu rlagy Ãgyoozh, de yu zeê nac dey bicya̱, zana̱, nu ña̱a̱ ânam.