San Mateo 6

1 ‘Bzu der altant nu nac de coz nu gyicy der par Ãgyoozh. Cueê glyuu der ñii lo mbecy par nu gzac dey coz nu ricy der, gun benu ni gyicy der, orzeê Ãgyoozh, uz den, biñ nu zub gyibaa rila wabic mi i der. 2 ‘Ornu cuic ru gun ni tub mbecy nu ricy falt ñi ni, orzeê cueê cuic ru nu gad lagy mbecy. Gun ni ricy de mbecy rzuu lo nañ de yuê nu rsyaê der riidz ni Ãgyoozh nu lat de cay. Ni mod ricy dey par nu dela mbecy gyabic dey gyel mbecy niy. Tees ya̱ rishli rne̱e̱ lo der nu gyel mbecy nu byabic ziêl dey niy, ndeê ziêl dela i dey. 3 Zeê ornu ru cuic ru gun ni mbecy nu ricy falt ñi ni, orzeê cueê cuic ru nu gad lagy par ni tub amig nir. 4 Sinu dze ga gyicy ru ñii. Orzeê Ãgyoozh uz na zac mi de coz nu ricy de ru dze ga. Orzeê gyabic mi i der. 5 ‘Na de ru ornu nii nu der Ãgyoozh, orzeê cueê gyicy der gal nu ricy de mbecy rzuu lo, gal nu ricy de mbecy nu yet lagy nu gyes su nii nu Ãgyoozh nañ de yuê nu rsyaê den riidz nim, nu de zeê nu yacyup laê nez. Ni ricy dey par nu gzac dela mbecy de coz nu ricy dey. Ya̱ rishli rne̱e̱ lo der nu ndeê ziêl dela i dey. 6 Tees ru ornu nii nur Ãgyoozh, guê nañ yuê nir nunu soow ru roê nir. Orzeê mnii nu Ãgyoozh, uz ru, biñ nu zu lor. Orzeê Ãgyoozh, uz ru, biñ nu rad lagy de coz nu ricy mbecy dze ga, mi zeê gyabic mi i der. 7 ‘Lat nu rnii nu der Ãgyoozh, cueê zañ tir gniir riidz nu wacyiiñ gal nu ricy de yu nu a̱ê yuê lo Ãgyoozh. De mbecy zeê rnii tooy nu segur la cuic mi de coz nu rgyiiñ dey nu nac nu dzi zañ riidz rnii dey, rziiy. 8 Orzeê cueê gyicy der gal nu ricy de yu zeê, gun Ãgyoozh, uz den, bi rad lagy mi ca na coz nu cyiiñ ni der anzir nu cyiñ der lom. 9 De ru, i mod gnii nu der Ãgyoozh ânamâ. Ãgyoozh, Uz de̱, ru biñ nu zub gyibaa. Rlagy ñi ca lagy de̱ lor. 10 De̱ ya̱ rdiñ de̱ nu cyid gyel gubier nir lat de̱. Rdiñ de̱ lor nu gac ñii gyishlombecy ii gal nu rlagy ru, nunu gal nu rac gyibaa. 11 Dzi na doo coz nu rlagy ñi nu da̱w de̱. 12 Bicy sulagy ne̱ de̱ ni de coz cyi nu ricy de̱ gal nu de̱ ya̱, ricy sulagyaê de̱ ni de yu nu shiñ ricy nu de̱ ya̱. 13 Cueê zaan ru nu gyet lag de̱ lo preb, sinu bloo chu de̱ ya̱ lat de coz a̱ê nap. Gun ru nac ru biñ nu riib ic nunu ru nac ru biñ nu gac gyicy dela coz nunu ru nac ru biñ nu lily na. Ni nac ru par tub la. Ni gac ñii. 14 ‘Se benu de ru gyicy sulagy der ni reñaê mbecy nu shiñ ricy nuy ru, orzeê niê ziêl Ãgyoozh, uz den, biñ nu zub gyibaa, gyicy sulagyaêm ni der. 15 Tees benu wagyicy sulagy der ni reñaê mbecy, orzeê niê ziêl Ãgyoozh, uz den, wayicy sulagy mi ni de cyi nu ricy der. 16 ‘Ornu de ru ca der ni ub ru nu cueê gow ru gyit lat nu rzu bich der nu nac Ãgyoozh, cueê gyicy der nu gabe nu ricy shnir gal nu ricy de mbecy rzuu lo. De yu zeê rash dey tub mod par nu gabe nu ni ricy dey lo Ãgyoozh. Ya̱ rishli rne̱e̱ lo der nu ndeê ziêl dela i dey. 17 De ru, ornu gyicy ru ndeê par lo Ãgyoozh, orzeê bdaab lo der nunu bzu caacy der, 18 gun orzeê deê zir mbecy wad lagy dey ti ni ricy der. Tub zi la Ãgyoozh, Uz den, biñ nu zu ngach nu de ru, rad lagy mi. Orzeê Ãgyoozh, Uz den, biñ nu rzac de coz nu ricy der dze ga, orzeê mi zeê gyabic mi i der. 19 ‘Cueê cyaañ der de gyel nap nir gyishlombecy ii, gun de gyel nap nu yuê gyishlombecy ii gac gnit lo bigyich ñi, gac griib guul ñi, gac chuê gubaan nañ yuê coy ñi nu cha nuy. 20 Nap zir pcyaañ der gyel nap nir gyibaa. Gun lugaar zeê wac nit lo bigyich ñi, nunu warib guul ñi. Ni gubaan wac chuêy nu cha nuy ñi. 21 Gun zeê nu rcyaañ ru gyel nap nir, zeê lugaar nu ric la añ nir lo. 22 ‘Urlor, ndeê nañ gal na tub candiil nu rbic yaa nañ shcab nir. Orzeê benu gyicy ru coz nap nu urlor, orzeê gzu yaa nañ dutuub la shcab nir. 23 Tees benu gyicy ru coz cyi nu urlor, cow la zu nañ shcab nir. Nunu benu sac la yaa nañ shcab nir, orzeê cow la zu. Orzeê tonaê la shiñ zu nañ shcab nir. 24 ‘Rila wac nu tub mbecy gyicy yu riiñ ni cyup patro̱o̱ niy, gun benu ni, orzeê gazi lagy yu lo tub yu. Zeê tuubaêy cay yu. O nu gyicy paay nuy tub yu. Zeê tuubaêy güii naañ yu loy. Orzeê wac zu bich mbecy nu nac Ãgyoozh, nunu niê ziêl wac zu bich yu nu nac de gyel nap nu yuê gyishlombecy ii laab tub ziêl tiem. 25 ‘Ndeê nu ya̱ rne̱e̱ lo der: Cueê sug ic der nu nac de coz nu gow der o nu goê der par nu cui mbañ ru gyishlombecy ii. Ni cueê sug ic der nu nac shab ru. ¿A walab dzi zir sac nu cui mbañ der lo Ãgyoozh gazeê de coz nu gow der? Nunu ¿a walab nu dzi zir sac cuerp ni der gazeê shab ru? 26 Güii der de chigyiñ nu rded lo bi. Ni wagnuuz ma. Ni wagteê ma cosech par nu cuê choow ma ñii nañ ye. Tees Ãgyoozh uz den, biñ nu zub gyibaa, rgoow mi de ma. Zeê yegar de ru. ¿A walab sac zir der gazeê de chigyiñ? 27 ¿Ca na de ru nu nac nu dzi rsug ic der, orzeê gac tuuñ zir der lo yur mas ñuu se tub or? 28 ‘¿Lagu dzi rsug ic der nu nac shab ru? Bduê cuen der lac mod raly de ya gyee nu nash ngush. Ni wagyicy ñi riiñ. Ni wagriêñ iily. 29 Tees ya̱ rne̱e̱ lo der nu rey Salomoong, mas tonaê la guaniêñ yu, tees wansuy tub negy nu nsaap ñi gal nu na de gyee zeê. 30 Benu Ãgyoozh rtiish mi de gyish, de nu nash ngush na nunu ina gyañ lo gyi nañ yo, ndeê nu segur la tiish mi de ru, mbecy nu a̱ê ricy cup consuel lom. 31 Ndeê nu cueê dzi csug ic der. Orzeê niir: “¿Ca gad de coz nu dow na?”, o rnii gaê der: “¿Ca gad de coz nu doên?” o rnii gaê der: “¿Ca gad negy cuish naa?” rnii der. 32 Gun dela de coz zeê ricy ñi nu rsug ic mbecy nu walab mbecy ni Ãgyoozh. Tees de ru, zu Ãgyoozh uz der, biñ nu zub gyibaa nunu mi zeê bi rad lagy mi nu de ndeê coz nu galagy ñi ni der. 33 Orzeê nu loga la bzub lo der nu nac gyel gubier ni Ãgyoozh, nunu niê bzub lo der ni nu rlagy mi nu gyanap der lom. Orzeê ub mi cuic mi dela coz nu galagy ñi ni der. 34 Orzeê cueê dzi gash der shab par nu nac ina, gun yuê gaê coz par ina nu gash der shcab. Tub dzi ga yuê zir coz nu gash der shcab ânamâ.