San Mateo 24

1 Orzeê bruu Jesuuz loliê ni yuê nu driib zily de mbecy Ãgyoozh zam. Orzeê bruêña de yu nu rsyaê lom. Orzeê brugyiê rlyuu dey de yuê zeê lom. 2 Orzeê na Jesuuz rab mi dey: â¿A rzac der dela coz ii? Ya̱ rishli rne̱e̱ lo der nu sac tub gyitaê ii nu gyiyeeñ ñi too losaêñ. Delañ dudily ñi ânam. 3 Orzeê za num dey par too bicy ni ya Oliva. Orzeê gusub mi. Orzeê de yu nu rsyaê lom byatublaazh dey lom par nu cugyiê reñ dey lom. Orzeê na dey: âMnii lo̱ de̱ nu gul gac de ndeê. ¿La na muesht gruu zac ornu cyid ru tuubaê tir? Nunu ¿gul shuub dzi ni tiem nu yuên na? âna dey. 4 Orzeê na Jesuuz rab mi dey: âBzu der cuidad nis guu mbecy der, 5 gun tonaê la zigy mbecy grusac yu nu gash yu nu la̱. “Ya̱ Mesías, biñ nu ca lo cuen nu co mbañ mbecy”, niiy. Orzeê gyicy yu nu tonaê la zigy mbecy gadza̱ dey. 6 Ornu gyeñ der nu bi yuê gyel yuu gaab ga, gal nu de zeê nu zet, tees cueê dzib der, gun ndeê coz nu rlagy ñi nu gac. Tees gabee nigul shuub dzi nu gyaê lo dela coz. 7 Gun tub nac mbecy chuêy gyel yuu nu tub nacaê mbecy. Nunu tub gubier chuêy gyel yuu nu tuubaê gubier. Nunu cyid cubiñ. Nunu grib duru zañ lugaar ni gyishlombecy. 8 Tees dela ndeê nu gzub ziêl gyiêñ nu gzac zi de mbecy. 9 ‘Orzeê guê dey de ru yaa mbecy par nu shet zi dey de ru nunu par nu cut dey de ru. Nunu dela de mbecy gazi lagy dey lo der par nu nac ya̱. 10 Nunu tiem zeê zigy de ru checa der nu gyicy cup ru consuel lo̱. Nunu gazi lagy der lo losaêr. Nunu cush cyaê tub, cush cya tub ziêl der ich losaêr. 11 Nunu gruu sac zigy mbecy rguu, mbecy nu nii nu nac mbecy nu rnii por cuen ni Ãgyoozh. Nunu gyicy dey nu gadza zigy mbecy. 12 Nunu par nu tonaê la gyañ nu shiñ gyicy de mbecy, orzeê checa dey nu rcay losaêy. 13 Tees yu nu gagye gashtal gat la, yu zeê yu nu co mbañ Ãgyoozh. 14 Nunu de riidz nu sac ni gyel gubier ni Ãgyoozh grush las ñi dutuub la gyishlombecy par nu gad lagy de lo la mbecy. Gazeê nu shuub dzi zeê. 15 ‘Na Ãeel, yu nu mnii por cuen ni Ãgyoozh, bzeeñ yu riidz ni coz bag nu gyicy ñi nu nit lo. Ornu zac der nu chuêñ lugaar ni Ãgyoozh, (Mbecy nu csyaê de riidz ii rlagy ñi nu gyicy yu nu gyet lag yu cuen.) 16 orzeê de mbecy nu yuê lo de yu ni Judea rlagy ñi nu ruu chu dey chay par logyiê. 17 Nunu mbecy nu zub too yuê walagy ñi nu gyet yu nu chuêy nañ yuêy nu coy la coz anzir nu ruu chuy. 18 Mbecy nu ri ricy riiñ lat naa, walagy ñi nu cush cyay cha gyiy shab yu. 19 ¡Tees cuaa de biñ mñaa nu secyi zu tiem zeê! ¡Cuaa de biñ nu rgagy mdoo tiem zeê! 20 Bdiiñ der lo Ãgyoozh nu cueê nu ruu chu der tiem rag, ni sab, dzi nu rzu lagy mbecy. 21 Gun tiem zeê dzi zir zac zi mbecy gazeê de tiem nu bded gaal ziêl nu bzub gyiê gyishlombecy, nunu gazeê deê zir tiem nu yad par lo. 22 Nunu benu Ãgyoozh wayicy shub mi tiem zeê, orzeê ni tub la mbecy waruu mbañ yu. Tees gyicy shuub mi tiem zeê par nu nac de mbecy nu bi pcuim. 23 ‘Orzeê benu ca na mbecy niiy lo der: “Güii ii zu Mesías, biñ nu ca lo cuen nu co mbañ mbecy” o “Güii re rim”, niiy. Tees de ru cueê cheña lagy der. 24 Gun grusu mbecy rguu nu niiy nu nac yu Mesías. Nunu grusu mbecy rguu nu niiy nu nac yu mbecy nu rnii por cuen ni Ãgyoozh. Zañ muesht lyuu dey, nunu zañ nusuriidz gyicy dey par nu gad mod nu guu dey mbecy. Mas gashtal de mbecy nu bi pcui Ãgyoozh guu mbecy zeê dey, benu gac. 25 Bzuub gyidag der, ya̱ tiem bi mne̱e̱ lo der. 26 Ndeê nu benu mbecy niiy lo der: “Güii der, tub lugaar ub zi ri Mesías”, niiy, cueê cha der loy. O benu nii gaê dey: “Guii der, re ri ngach mi”, nii dey, cueê cheña lagy der. 27 Gun ya̱, biñ nu byac mbecy, sij ziêl gruêña̱ gal nu ricy yaa ni guzii ornu rzuñ dutuub la baa. 28 Gun zeê nu nguaa de cuerp gut, zeê gyatublaazh dela lyash ânamâ. 29 ‘Na ornu ded tiem nu zac zi de mbecy zeê, orzeê gyet cow lo doo güidz, nunu beey wabicaê ma yaa. De bel nu taê baa gyet lag ma. Nunu dela fers nu nash baa cueñ ñii. 30 Orzeê gruu sac muesht ne̱ ya̱, biñ nu byac mbecy, baa. Orzeê de lo la mbecy nu yuê gyishlombecy gun yu. Orzeê zac dey ya̱, biñ nu byac mbecy, nu yapa̱ lat za baa. Zac dey nu gac gyicya̱ coz ily, nunu zac dey nu tonaê la lily na̱. 31 Orzeê ya̱ zuu neza̱ de anc ne̱, ornu fert dulaa trompet par nu cha teê dey de mbecy nu bi bducui gashtal se tap la scyiñ ni gyishlombecy: gash ñi gashtal zeê nu bzub gyiê baa nu gashtal zeê nu byaê loñ ni gyiê baa. 32 ‘Psyaê der mod nu ricy ya las. Ornu bi rgaêñ nu driib lyag niñ, orzeê de ru bi rad lagy der nu bi yad tiem zig. 33 Niê ziêl mod ornu zac der gac dela coz nu mne̱e̱ lo der, orzeê bi neñ der nu ya̱, biñ nu byac mbecy, bi zu̱ la̱ nu yapa̱. 34 Ya̱ rishli rne̱e̱ lo der nu de mbecy nu yuê tiem zeê walazh dey gat yu gal gac la dela de coz zeê. 35 Baa nuñ gyishlombecy ii delañ ded niñ, tees riidz nu ya̱ rne̱e̱ ndeê rila waded niñ. 36 ‘Tees dzi zeê, nu or zeê, se cyu la rad lagy. Ni de anc nu yuê gyibaa, ni ya̱ iêñ Ãgyoozh wagad lagya̱, sinu tub zi la Ãgyoozh uz den rad lagy mi. 37 ‘Gal nu guc tiem ni Noé, niê ziêl gac ornu shuub dzi nu ya̱ yapa̱ tuubaê tir. 38 Tiem zeê anzir nu gyet gyey ily nu mnit lo gyishlombecy zeê, orzeê de mbecy pcyiiñ dey gyishlombecy ii. Nu bdow ziêl dey, nunu goêy, nunu pchelaa dey gashtal pshuub la dzi nu guê Noé nañ barc. 39 Tees ni wannii la too dey ti ni gac ñii gashtal bruêña la gyey. Orzeê za nuñ dey. Niê ziêl gac ornu shuub dzi nu ya̱ biñ nu byac mbecy yapa̱ tuubaê tir. 40 Orzeê tiem zeê cyup mbecy riy ricy yu riiñ lat naay. Tub yu gruuy gyishlombecy ii nu gyay. Zeê tubaêy gyiyeeñ yu. 41 Cyup biñ mñaa cam rom iiñ gyech. Tub mi gruum gyishlombecy ii nu gyam. Zeê tubaêm gyiyeeñ mi. 42 ‘Orzeê bzu der altant gun wagad lagy der ca dzi yap ya̱, biñ nu nac Shuaan der. 43 Tees bicy der nu gad lagy ru tub coz. Benu tub shuaan tub yuê gad lagy yu la or cyid gubaan, orzeê zu lily yu nunu wazaan yu nu chuêy nañ yuêy nu coy suuy. 44 Ndeê nu de ru rlagy ñi nu gyiyeeñ lily der, gun ya̱ biñ nu byac mbecy yapa̱ or nu rila a̱ê saê lagy der ânamâ. 45 ‘¿Ca na moz nu ricy paa nu moz nu yuê shcab ni? Yu zeê bduê patro̱o̱ niy riiñ yaay nu gyub ic yu deê zir moz nu yuê niy, par nu cuic yu nu gow de yu zeê or niñ. 46 Dzi ni moz zeê benu gyap patro̱o̱ niy yu ornu griy nu ricy yu gal nu mniiy loy. 47 Ya̱ rishli rne̱e̱ lo der nu patro̱o̱ niy cuêy riiñ yaay nu gyub ic yu dela coz niy. 48 Tees benu moz zeê nac yu mbecy a̱ê nap, orzeê nii tooy nu wari gyiily patro̱o̱ niy. 49 Orzeê gyicy ras nuy de losaê moz yu. Gow yu, nunu goêy nu de mbecy rzugy. 50 Orzeê gri patro̱o̱ niy tub dzi nu a̱ê saê la lagy yu. Griy tub or nu wagad lagy lay. 51 Orzeê tonaê la cashtig ily cuic yu ni moz zeê. Gyicy nuy yu gal nu ricy nu dey de mbecy rzuu lo. Orzeê gun yu, nunu siigy lay yu.