San Mateo 20

1 Orzeê na gaê Jesuuz: âMod nu rac nu gyel gubier ni Ãgyoozh, ndeê nañ gal nu na mod nu guc nu tub mbecy nu bicy cup tub nac lyucy urbyay. Tub or napor bruuy yuêy guay gua yub yu moz nu gyicy yu riiñ lat lyucy urbyay niy. 2 Orzeê bzaê lo nuy dey nu cyish yu tub tiñ plat ni dey tub dzi ga. Orzeê bzeed yu dey zay gyicy yu riiñ lat lyucy urbyay niy. 3 Na tub gyiib gaa or napor bruuy guay lat yagyiê tuubaê tir. Orzeê bzaac yu la be mbecy nu zu nat yu. 4 Orzeê nay rab yu de mbecy zeê: “Niê de ru gua der gyicy ru riiñ lat lyucy urbyay ne̱, nunu grisha̱ê ni der ca na nu yad ñi”, nay. Orzeê de yu zeê gua dey. 5 Na tub or wi doo niê ziêl bicy yu. Na tub gyiib chon or gudze, niê ziêl bicy yu. 6 Na ornu sñuu ga gyap or gyiib gaay, orzeê bish cya gaêy lat yagyiê. Orzeê byapaêy tub nacaê moz yuê nat yu. Orzeê nay rab yu dey: “Zeê ¿lagu ni yuê der ii? ¿Gua la dzi wangyicy der riiñ?” nay. 7 Orzeê na de moz zeê: “Ndeê gun ni tub la mbecy wancuic yu riiñ nu gyicy de̱”, na dey. Orzeê na gaêy rab yu dey: “Niê de ru gua der gyicy ru riiñ lat lyucy urbyay ne̱”, nay. 8 ‘Na or becheñ, orzeê na yu nu guni lyucy urbyay zeê rab yu yu nu riib ic de moz: “Bredz de moz nu gyatublaazh dey. Orzeê gyabic ru i dey. Nu loga la gyabic ru i de yu nu guê lo riiñ or gudze. Orzeê gazeê nu gyabic ru i de yu nu guê lo riiñ nese or napor”, nay. 9 Orzeê brugyiê rgyish yu ni de yu nu guê lo riiñ gyiib gaay or gudze nu tub ga tiñ plat. 10 Na ornu bdugyi de yu nu guê lo riiñ or napor nu gyash niy, orzeê mnii too dey nu sheñ zir gyad niy. Tees niê ziêl byabic yu ni dey tub ga ziêl tiñ plat. 11 Na ornu byad i dey, orzeê brugyiê rnid ruê dey nu rzat zi dey yu nu guni lyucy urbyay zeê. 12 Orzeê na dey rab yu yu nu guni lyucy urbyay zeê: “De yu nu bruêña or gudze se tub or zi bicy yu riiñ. Zeê de̱ ya̱ gua la dzi gugye̱e̱ de̱ lo riiñ, nunu gua la dzi taê de̱ lo ba”, na dey. 13 Tees yu nu guni lyucy urbyay zeê nay rab yu tub de yu zeê: “A̱ cue, par ya̱ walab nu bicy ras du̱ ru. ¿A walab nu bzaê lo du̱ ru nu grisha̱ tub tiñ plat nir par tub dzi?” nay. 14 “Nap zir O la mnii. Yaa la, yaa nu ca na la nu bi guud nir, gun ya̱ rlagya̱ risha̱ ni yu nu bruêña or gudze niê ziêl gal nu brisha̱ ni ru. 15 ¿A walab seêñ benu ya̱ gyicya̱ ca na la nu yad ica̱ nu tiñ ne̱? ¿O ti rasaap lagy ru nu ya̱ naca̱ mbecy nap lagy?” nay. 16 ‘Ndeê nu de mbecy nu gash zu na, de yu zeê gyac yu mbecy nu gya zir zu. Zeê de mbecy nu gya zu na, de yu zeê gyac yu mbecy nu gash zir zu ânam. 17 Orzeê lat nu rca Jesuuz zam par Jerusaleeng, za nu reñ mi de trocyup yu nu rsyaê lom. Orzeê nam rab mi dey: 18 âGal nu de ru rzac ru, rcan zan par Jerusaleeng. Orzeê guê dey ya̱, biñ nu byac mbecy, yaa de uz zub lo gal nu yaa de yu nu rlyuu leey nu bzeeñ Moisees. Orzeê nii dey nu rlagy ñi nu gata̱ nu yuê falt ne̱. 19 Gazeê nu guê dey ya̱ yaa de mbecy yad par nu gubdzaa dey ya̱, nunu gaaz dey ya̱ nu cuart nunu caa dey ya̱ lo cruuz. Tees dzi chon gyabaña̱ ânam. 20 Orzeê bruêña ñaa de iêñ Zebedeo lom. Bruêña num de iêñ mi. Orzeê gusub tib mi lo Jesuuz par nu bdiiñ mi tub faboor lom. 21 Orzeê na Jesuuz rab mi biñ mñaa zeê: â¿La coz rlagy ru? ânam. Orzeê na biñ mñaa zeê: âYa̱ rlagya̱ nu ornu bi riib ic ru, orzeê gyicy ru mandaar nu tub iêña̱ gzub ñi par yaa beer, Zeê tuubaêñ gzub ñi par yaa reg ru ânam. 22 Orzeê na Jesuuz: âDe ru wagad lagy der la coz rgyiiñ ru lo̱. ¿A gagye de ru nu gzuub ruêr taz nu gzuub dey ru̱ê? ânam. Orzeê na dey: âGac gagye̱ de̱ âna dey. 23 Orzeê na gaêm rab mi dey: âRishli gaal taz nu zuub dey ru̱ê ya̱, laabaê ndeê zuub dey ruê de ru. Tees par nu gzub der par yaa be̱e̱ o par yaa rega̱, ndeê walab cuen ne̱ ya̱ nu gyicya̱ ñii du̱ der; sinu de lugaar zeê, ndeê par de yu nu bi pcui Ãgyoozh, uz den ânam. 24 Na ornu güeñ se tii gaê de yu nu rsyaê lom zeê, orzeê bdzaê dey ni cyup de yu zeê nuy bicy yu. 25 Orzeê Jesuuz bredz mi dey. Orzeê nam: âDe ru rad lagy der nu de mbecy nu ricy gyel gubier ni reñaê lugaar, dzi ricy dey gyel lily niy nu de mbecy shni. De mbecy zub lo zaab ricy lay mandaar dey. 26 Tees lat de ru walab ni mod rlagy ñi. Zeê benu ca na tub mbecy nu ri lat der rlagy yu nu gac yu tub yu lily, orzeê rlagy ñi nu gyicy yu coz nu rlagy deê zir losaêy. 27 Nunu benu ca na tub yu nu ri lat der rlagy yu gac yu mbecy zub lo, orzeê rlagy ñi nu gyicy yu de coz nu galagy ñi ni deê zir losaêy. 28 Ndeê nu niê ziêl mod ya̱, biñ nu byac mbecy, a̱ê yapa̱ nu gyicy mbecy coz nu rlagya̱, sinu par nu gyicya̱ coz nu rlagy mbecy nunu par nu gata̱, gun grisha̱ nu gruu zigy mbecy lo cashtig ânam. 29 Na ornu bruum gyedz Jericó, orzeê tonaê la zigy mbecy za ca dey ich mi. 30 Na zu cyup mbecy lo caê gusub dey cuit nez nu zam. Ornu güeñ dey nu yad mi, orzeê brugyiê rbish ti dey. Orzeê na dey: â¡Jesuuz nez Dabi, gushni ñuu lagy de̱ ya̱! âna dey. 31 Orzeê de mbecy zigy bdzaê dey niy, nunu mnii dey nu cueê cush ti dey. Tees de yu zeê rbish ti gaê zir dey. Orzeê na dey: â¡Jesuuz nez Dabi, gushni ñuu lagy de̱ ya̱! âna dey. 32 Gazeê nu gusu Jesuuz. Orzeê bredz mi de lo caê zeê. Orzeê nam rab mi dey: â¿La coz rlagy der nu gyicya̱ du̱ de ru? ânam. 33 Orzeê na dey: âDe̱ ya̱ rlagy de̱ nu gyanap urlo de̱ âna dey. 34 Orzeê Jesuuz gushni lagy mi dey. Orzeê gul yaam urlo dey. Orzeê laab or la zeê byanap urlo dey. Orzeê za ca dey ich mi.