San Mateo 12

1 Na tiem zeê, tub sab, dzi nu rzu lagy mbecy Israeel, Jesuuz bded mi lat tub nac trig. Orzeê de yu nu rsyaê lom briib nu ran dey. Orzeê brugyiê rcyug dey zaê ni trig. Orzeê bdow dey ñi. 2 Na ornu bzaac de mbecy fariseo, orzeê na dey rab yu Jesuuz: âGüii de yu nu rsyaê lor. Ricy dey tub coz nu a̱ê yad ñi nu gyicy den sab âna dey. 3 Orzeê nam rab mi dey: â¿Walab gaal nigul syaê der coz nu bicy Dabi lat nu byan yu nu sac coz nu gow yu? 4 Orzeê guêy nañ yuê ni Ãgyoozh nu de yu nu rded nuy. Nunu bdow dey gyishtily nu bzeeñ mbecy zeê. Ndeê gyishtily nu zu riiñ lo Ãgyoozh. Bdow dey ñi mas a̱ê yad ñi nu ni gyicy dey. Gun gyishtily zeê, de uz ziêl gac gow yuñ. 5 ¿O a niê nigul syaê der leey ni Moisees zeê nu rniiñ nu de uz ricy dey coz nu zañ contr ni leey ni dzi nu rzu lagy mbecy; tees ndeê a walab nu cyi na nu ni ricy dey? 6 Ya̱ rne̱e̱ lo der nu lat de ru na zu tub coz nu zily zir nac gazeê yuê nu driib zily den Ãgyoozh. 7 De ru wangyet lag der cuen lac yaruu de riidz ni Ãgyoozh, zeê nu rniiñ: “Ya̱ rlagya̱ nu gashni lagy der losaêr. Walagya̱ nu cut ru bañcyug nu cyid gun lo̱, na Ãgyoozh”, rniiñ. Benu ñgyet lag der cuen, orzeê wanii der nu yuê cyi mbecy ornu sac cyiy. 8 Gun ya̱, biñ nu byac mbecy, riib ica̱ dzi nu rzu lagy mbecy ânam. 9 Orzeê bruu Jesuuz lugaar zeê zam. Orzeê guêm nañ tub yuê nu rsyaê de mbecy riidz ni Ãgyoozh. 10 Zeê nañ yuê zeê ri tub mbecy yaa gush beñ. Nunu yuê gaê la be mbecy nu ryub dey tub mod par nu griib dey cyi too Jesuuz. Orzeê na dey rab yum: â¿A gruu nap ñi par lo leey ni Moisees nu gyicy yac den tub mbecy rat sab, dzi nu rzu lagy mbecy? âna dey. 11 Orzeê na gaê Jesuuz rab mi dey: â¿A grusu tub der lat ii benu yuê shily ni der, zeê gyet lag tub ma gyeryuu, a waya boo der ma dzi nu rzu lagy mbecy? 12 Tees dzi zir sac tub mbecy gazeê tub shily. Ndeê nu nap gruuñ par lo leey zeê nu nap gyicy den sab, dzi nu rzu lagy mbecy ânam. 13 Orzeê nam rab mi mbecy rat zeê: âBzaab yaar lo̱ ânam. Orzeê mbecy rat zeê bzaab yaay lom. Orzeê lueg la byanap ñi gal nu na tuubañ. 14 Orzeê de mbecy fariseo bruu chu dey lom. Orzeê brugyiê ro dey riidz nu lac mod gyicy dey par nu cut yum. 15 Na ornu gud lagy Jesuuz nu ni rnii dey, orzeê bruum lugaar zeê zam. Nunu zigy mbecy za ca dey ich mi. Orzeê bicy yac mi dela mbecy rat nu yuê lat dey. 16 Nunu pcach mi ruê dey nu cueê nii dey lo de mbecy cyu nac mi. 17 Ni bicy mi gun par nu gyuê ni de riidz nu pcaa Isaías ornu mniiy: Orzeê Ãgyoozh nam: 18 Ii zu biñ nu pcui̱ nu gyicy riiñ ne̱. Mi zeê biñ nu rca̱ nunu biñ nu gyedzuê lagya̱. Ya̱ zeeda̱ Espiriit Yon ne̱ nu gac num mi zeê. Orzeê mi zeê cuic mi nu gad lagy dela mbecy ni gyel fushtiz ne̱, gashtal de mbecy nu walab mbecy Israeel. 19 Mi zeê wo zim riidz nu de mbecy, nunu wabish tim. Nunu waya sam niim lat cay par nu gyeñ mbecy. 20 Nunu waca chu lom lo ni tub la mbecy shni. Nunu niê ziêl washiêñ mi baloor shni nu ricy cup dey. Sinu rzu fert mi gashtal zu nap lam gyel fushtiz nim. 21 Nunu de lo la nez mbecy cyish lo dey lom, na Ãgyoozh, na Isaías. 22 Orzeê bruêña nu de mbecy tub gop lom, nunu caê loy. Ni nay par nu bicy ni nuras yu. Orzeê Jesuuz bicy yac mi yu. Orzeê byanap urloy nunu brugyiê rac rniiy. 23 Orzeê tonaê la za nu ic de mbecy nunu brugyiê rgugyiê dey lo losaêy. Orzeê na dey: â¿A walab gaal yu ii yu nu nac nez Dabi? âna dey. 24 Na ornu güeñ de mbecy fariseo, orzeê na dey: âBeelzebé, yu nu riib ic de nuras, yu zeê bicy yu nu cyiiñ yu ii nu co chuy deê zir de nuras âna dey. 25 Na ornu gud lagy Jesuuz de coz nu rnii too dey, orzeê nam rab mi dey: âBenu tub nac mbecy dulew dey nu chucooy laab nu losaê ziêl yu, orzeê nit lo dey. O benu tub famil o de mbecy nu yuê tub gyedz chucooy laab nu losaê ziêl yu, niê ziêl wazu dey. 26 Benu tub nuras co chuy laab nu losaê nuras yu, orzeê gyach dey, nunu wazu laa riiñ nu gyicy dey. 27 De ru rnii der nu Beelzebé bicy yu nu cyiiñ ya̱ nu loo chu̱ nuras. Zeê benu ni, orzeê ¿cyu briic rishbeey ni de losaêr nu ni ricy yu? Ndeê nu de losaêr zeê gac lyuu dey lo der nu de ru radza der. 28 Tees Espiriit Yon ni Ãgyoozh ricy mi nu ya̱ rac rloo chu̱ nuras, nunu nu nac nu ndeê rabee nu bi bri gyel gubier ni Ãgyoozh lat der. 29 ‘Tees rlagy ñi nu gyicy mbecy gan nuras zub lo, gazeê nu gac co chu dey deê zir nuras nu zaab ich. Gal nu ricy nu dey tub mbecy fert. Benu rlagy dey chuêy yuêy, orzeê nu loga la rlagy ñi cyiig dey yu. Gazeê nu gac chuê dey yuêy par nu co dey suuy. 30 ‘Gun yu nu waya faboor ne̱, yu zeê zay contr ne̱. Nunu yu nu walocyuub ya̱ nu te̱ê de mbecy, yu zeê tush las yu dey. 31 ‘Ndeê nu ya̱ rne̱e̱ lo der nu Ãgyoozh gac gyicy sulagy mi ni cyu ziêl mbecy ni de lo la cyi nu ricy yu nunu de lo la riidz a̱ê nap nu driib ruêy. Tees cyu ziêl mbecy nu nii zi ni Espiriit Yon nim, yu zeê wayicy sulagy mi niy. 32 Cyu ziêl mbecy nu nii zi ne̱ ya̱ biñ nu byac mbecy, Ãgyoozh gac gyicy sulagy mi niy. Tees yu nu nii zi ni Espiriit Yon nim, de yu zeê wayicy sulagy mi ni dey tiem nu yuên na, gal nu tiem nu yad par lo. 33 ‘Benu tub yag nap nañ, orzeê nap na uugy rbic ñi. Zeê benu tub yag a̱ê nap nañ, orzeê rbic ñi uugy shiñ na. Ndeê nu gyuê lo der la na tub yag nu nac uugy nu rbic ñi. 34 ¡De ru, mbecy a̱ê nap! ¿Lac gyicy der gniir coz nap, zeê nac der mbecy a̱ê nap? Gun nu ruê mbecy rniiy lac na de coz nu dzi yuê nañ lardooy. 35 Benu tub mbecy nap, yu zeê rniiy coz nap gun coz nap yuê nañ lardooy. Benu tub mbecy a̱ê nap, rniiy coz a̱ê nap. Ni rniiy gun yuê coz a̱ê nap nañ lardooy. 36 Ya̱ rne̱e̱ lo der nu ornu shuub dzi nu ri bee Ãgyoozh ni dela mbecy, orzeê rlagy ñi nii der la gyiê nu mnii der tub ga de riidz ton nu briib ruê der. 37 Gun dub gal na riidz nu mnii der, dub ni ri bee Ãgyoozh ni der, ben a nu gruu nap der o nu gruu fals der ânam. 38 Orzeê la be de mbecy fariseo gal nu de yu nu rlyuu leey ni Ãgyoozh brugyiê rnii dey. Orzeê na dey rab yu Jesuuz: âMasht, de̱ ya̱ rlagy de̱ nu zaca̱ nu gyicy ru tub nusuriidz par nu gad lagy de̱ nu laab ru âna dey. 39 Orzeê na Jesuuz rab mi dey: âPar de mbecy a̱ê nap, de yu nu wagyicy paa nu yuê tiem na, wadaê muesht par nu zac dey. Nomaas muesht ni Jonás, yu nu mnii por cuen ni Ãgyoozh, ndeê ziêl muesht nu gad ni de yu zeê. 40 Gal nu Jonás briy chon dzi nu chon rel nañ tub bel ily, ndeê nu niê ziêl ya̱, biñ nu byac mbecy cui̱ chon dzi nu chon rel zeê nu yuê añ. 41 Ornu shuub dzi nu ri bee Ãgyoozh ni dela mbecy nu yuê tiem na, orzeê de mbecy gyedz Nínive gyes su dey nu niiy nu yuê cyi der. Gun de mbecy Nínive mneê dey cyiy ornu güeñ dey de riidz ni Ãgyoozh nu pshaal Jonás loy. Nunu na la, zu tub mbecy lat der nu gya zir zuy par Jonás. 42 Gun niê ziêl biñ mñaa nu riib ic tub nasyoong nu ri par yaa been ornu güiin par zeê nu driib doo, gazaêm gyes sum ornu shuub dzi nu gri bee Ãgyoozh ni dela mbecy. Orzeê gazaê biñ mñaa zeê gyes suum nu niim nu yuê cyi der, gun mi zeê bruum tub lugaar nu tonaê la zet par nu guam bzuub gyidag mi shcab lily ni rey Salomoong, nunu na la zu tub mbecy lat der nu gya zir zuy gazeê rey Salomoong. 43 ‘De ru na der gal nu na tub mbecy ornu druu chu nuras loy. Orzeê nuras zeê rzay tub lugaar wach. Ryub yu tub lugaar nu zu lagy yu. Na ornu wagad lugaar zeê, orzeê rnii tooy: 44 “Nap zir cush cyan, laab zeê nu bruun”, rnii tooy. Na ornu griy, orzeê gyap yu mbecy zeê nu nay gal nu na tub yuê nu nat laa nañ, nunu se cyudz la zu nañ ñi nu bdulyuub. 45 Orzeê chay nu cha teêy tub gagyaê nuras nu shiñ zir ricy gazeê ub yu. Orzeê chuê dey nañ mbecy zeê nu cyiiñ yu. Orzeê mbecy zeê yashiñ zir na mod nu nay, gazeê nu loga. Ndeê mod nu gzac de mbecy a̱ê nap nu yuê na ânam. 46 Gabee rnii ruê Jesuuz nu de mbecy, ornu bruêña ñaam nu de bicy mi. Yuê dey gashtal ich la yuê nu rlagy yu nii nuy Jesuuz. 47 Orzeê tub mbecy byooy rishlom: âÃaar nu de bicy ru yuê dey gashtal ich yuê re. Rlagy dey nii nuy ru âna dey. 48 Orzeê Jesuuz nam rab mi yu nu byoo rishlom zeê: â¿Cyu ña̱a̱, cyu de bicya̱? ânam. 49 Orzeê blyuu yaam lo de yu nu rsyaê lom. Orzeê nam: âIi nguaa ña̱a̱ nunu ii nguaa de bicya̱. 50 Cyu ziêl mbecy nu ricy coz nu rlagy Ãgyoozh, uza̱ nu zub gyibaa, de yu zeê nac dey bicya̱ nu zana̱ nu ña̱a̱ ânam.