San Mateo 1

1 Nu nii tub lisht ni de gyitoo bel ni Jesucrisht, biñ nu bruu lat nez gyitoo Dabi nu nez gyitoo Abraham. 2 Abraham guc yu uz Isaac. Zeê Isaac guc yu uz Jacob. Zeê Jacob guc yu uz Judá nu deê zir de bicy yu. 3 Zeê Judá guc yu uz Fares nu Zara. Zeê ñaa dey, mi zeê lam Tamar. Zeê Fares guc yu uz Esrom. Zeê Esrom guc yu uz Aram. 4 Aram guc yu uz Aminadab. Aminadab guc yu uz Naasón. Naasón guc yu uz Salmón. 5 Salmón guc yu uz Booz. Zeê ñaay lam Rahab. Zeê Booz guc yu uz Obed. Zeê ñaay lam Rut. Obed guc yu uz Isaí. 6 Isaí guc yu uz rey Dabi. Zeê Dabi guc yu uz Salomoong. Zeê ñaay, ndeê biñ nu guc mñaa Urías. 7 Salomoong guc yu uz Roboam. Zeê Roboam guc yu uz Abías. Zeê Abías guc yu uz Asa. 8 Asa guc yu uz Josafat. Josafat guc yu uz Joram. Joram guc yu uz Uzías. 9 Uzías guc yu uz Jotam. Jotam guc yu uz Acaz. Acaz guc yu uz Ezequías. 10 Ezequías guc yu uz Manasés. Manasés guc yu uz Amón. Amón guc yu uz Josías. 11 Josías guc yu uz Jeconías nu de bicy yu. Tiem zeê gua de mbecy Israeel pres gashtal lo yu ni Babilonia. 12 Despuees ornu bri dey Babilonia, Jeconías guc yu uz Salatiel. Salatiel guc yu uz Zorobabel. 13 Zorobabel guc yu uz Abiud. Abiud guc yu uz Eliaquim. Zeê Eliaquim guc yu uz Azor. 14 Azor guc yu uz Sadoc. Sadoc guc yu uz Aquim. Aquim guc yu uz Eliud. 15 Zeê Eliud guc yu uz Eleazar. Eleazar guc yu uz Matán. Matán guc yu uz Jacob. 16 Jacob guc yu uz See ñgyee Li. Fiñ zeê guc ñi ñaa Jesuuz, biñ nu rnii den nu nac Mesías, biñ nu ca lo cuen nu cyid nu co mbañ de mbecy. 17 Orzeê gush ñi nese tiem nu bzu Abraham gashtal tiem nu bzu Dabi guc trotap nac nez dey. Nunu gucaê trotap nac nez dey, gush ñi nese tiem nu bzu Dabi gashtal tiem nu gua dey pres gal Babilonia. Nunu gucaê tub trotapaê nac nez dey nese tiem nu gua dey pres zeê gashtal tiem nu gul Mesías, biñ nu ca lo cuen nu cyid nu co mbañ de mbecy. 18 Mod nu guc ornu gul Jesucrisht. Li, fiñ nu guc ñaam, bi byaê lo riidz nu chelaañ See, tees anzir nu gyatublaazh dey, orzeê bi rabee nu secyi zuñ nu nac coz ily nu bicy Espiriit Yon ni Ãgyoozh. 19 See, yu nu gac ñgyeeñ nac yu tub mbecy nu ricy coz nu seêñ. Orzeê wangalagy yu coy gyel mbecy niñ lo dela mbecy. Orzeê mnii tooy nu tily yu trat zeê dze ga nu wachelaay ñi. 20 Lat nu rash yu shcab nu nac ndeê, orzeê bruu zac tub anc ni Ãgyoozh loy lat pcaal yu. Orzeê anc zeê nay: âSee nez Dabi, cueê dzib ru nu gash ru Li nu gac mñaar, gun secyi zuñ nu nac Espiriit Yon ni Ãgyoozh. 21 Na gaal ñi tub mdoo gyeey. Orzeê co lar mi Jesuuz. Ni gruu lam gun mi zeê co mbañ mi de mbecy ledz mi nu nac cyi dey âna anc zeê. 22 Dela de coz ii ni guuc ñi par nu byuê niñ gal nu mnii Shuaan den lat de riidz nu bzeeñ tub yu nu mnii por cuen nim ornu nam: 23 Tub fiñ feñ yon chuê iêñ ñi. Orzeê gaal ñi tub mdoo gyeey. Mi zeê co la dey mi Emanuel, mniim. (Riidz Emanuel zeê yaruuñ: Ãgyoozh nac num de ub naa.) 24 Na ornu See briish yu yaa ni pcaal zeê, orzeê bicy yu gal nu mnii anc ni Shuaan den. Orzeê pchelaay Li. Byac ñi mñaay. 25 Tees wangal dey losaêy gashtal bi bded nu gul iêñ ñi. Nunu See bloo lay mi Jesuuz.