San Lucas 7

1 Na ornu blazh mniim lo de mbecy, orzeê zam tub gyedz nu la Capernaum. 2 Orzeê zeê rcyiiñ tub mbecy nu riib ic tub gaynal soldad Rom. Zeê zu tub moz niy nu dzi rcay. Orzeê moz zeê mbish rat yu. Se nu gat ziêl yu. 3 Na ornu mbecy nu riib ic zeê güeñ yu riidz nu rnii mbecy ni de coz nu ricy Jesuuz, orzeê bzuu nez yu la be yu bel ni de mbecy Israeel nu cha nishbaa dey lo Jesuuz, gun orzeê cham gyicy yac mi moz niy. 4 Orzeê de yu bel zeê gua dey mnishbaa dey lo Jesuuz. Orzeê na dey rab yum: âYad ñi nir nu locyuub ru mbecy zeê, 5 gun dzi rcay de mbecy Israeel. Nunu laab yu bicy yu nu byaa yuê nu rsya̱ê de̱ riidz ni Ãgyoozh âna dey. 6 Orzeê Jesuuz za num dey par yuê mbecy nu riib ic zeê. Na ornu bi ya gaab dem zeê nu zub yuêy, orzeê yu nu riib ic zeê bzuu nez yu amig niy nu cha nii dey lo Jesuuz. Orzeê na dey rab yu Jesuuz: âJesuuz, yu nu riib ic de soldad mniiy nu yap ne̱e̱ lor nu walagy yu gyicy seed yu ru, gun wangyap yu nu char yuêy. 7 Nunu ndeê nu ni wancyiid cheel ub yu ru. Nomaas nu nii ziêl ru nu gyac moz niy. Orzeê gyac yu nay. 8 Gun niê yu zeê ricy yu de coz nu rnii de yu nu gya zir zu par ub yu, nay. Nunu niê yuê gaê soldad nu gash zir zu par ub yu, nay. Na ornu niiy lo tub yu nu chay, orzeê chay. Na ornu rbedz yu tuubaêy nu chay loy, orzeê rzay. Na ornu rniiy lo moz niy nu gyicy yu tub riiñ niy, orzeê ricy yuñ âna amig ni yu nu riib ic zeê. 9 Na ornu güeñ Jesuuz de riidz zeê, tonaê la za nu ic mi. Orzeê bish cyam bgüiim lo de mbecy nu za ca ich mi. Orzeê nam rab mi dey: âYa̱ rishli rne̱e̱ lo der nu lat de mbecy Israeel nigul gyapa̱ ni tub la mbecy nu ricy cup consuel lo̱ gal nu na consuel nu ricy cup yu ii ânam. 10 Orzeê de amig zeê niy bish cyay yay. Na ornu bri dey na, orzeê bi byac moz ni yu nu riib ic tub gaynal soldad zeê. 11 Na ornu bded de nu ndeê na, orzeê Jesuuz zam tub gyedz nu la Naíñ. Orzeê de yu nu rsyaê lom, gal nu zigy de mbecy za nu dey mi. 12 Na cuanzir nu brim ruê gyedz na, orzeê bzaac mi nu yad de mbecy nu yad cach dey añ. Añ zeê, yu zeê tub zi lay zuy ni ñaay. Nunu ñaay, mi zeê tub byud. Orzeê zigy mbecy gyedz zeê yad nu dey añ zeê. 13 Na ornu Shuaan na bzaac mi, orzeê gushni lagy mim. Orzeê nam rab mim: âCueê gun ru ânam. 14 Orzeê bechaêm lo gyiñ ni añ zeê. Orzeê gul yaam ñii. Orzeê de mbecy nu za nu gyiñ zeê guchuê ri la dey. Orzeê na Jesuuz rab mi añ zeê: âYu feñ, ya̱ rne̱e̱ du̱ ru: “¡Wes su!” ânam. 15 Orzeê mbecy nu gut zeê gusub yu nañ gyiñ zeê. Orzeê brugyiê rniiy. Orzeê Jesuuz byabic mi yu ni ñaay. 16 Orzeê dela mbecy nu bzaac de ndeê tonaê la gudzib dey. Orzeê brugyiê nu ryabic dey gyel mbecy ni Ãgyoozh. Orzeê na dey: âBi bruu zac tub yu lily nu rnii por cuen ni Ãgyoozh lat de ub na âna dey. Orzeê rnii gaê dey: âÃgyoozh yad mi nu locyuub mi de mbecy nim âna dey. 17 Orzeê brush las de coz nu bicy Jesuuz par dutuub la lo de yu ni Judea gal nu de lugaar nu yuê gaab ga. 18 Orzeê mnii de yu nu rsyaê lo Waa nu driib nis mbecy dela coz nu ricy Jesuuz. Orzeê bredz yu cyup de yu zeê. 19 Orzeê bzuu nez yu de yu zeê nu cha tugyiê dey lo Shuaan na Jesuuz ben a laab mi biñ nu ca lo cuen nu cyid, o ti cuez dey nu cyid reñaêm. 20 Orzeê de yu zeê za dey lo Jesuuz. Na ornu bruêña dey na, orzeê na dey rab yum: âWaa nu driib nis mbecy bzuu nez yu de̱ ya̱ nu yap tugyi̱ê lor ben a laab ru biñ nu ca lo cuen nu cyid, o ti lez de̱ nu cyid reñaêm âna dey. 21 Orzeê laab or la zeê bicy yac mi zigy mbecy rat. Ricy yac mi mbecy nu rzac zi nu nac güii. Nunu ii rboo chum nuras nu bicy ni mbecy. Nunu ricy mi nu zigy lo caê rzac yu. 22 Gazeê nu lueg la mniim lo cyup yu nu bzuu nez Waa zeê. Orzeê nam: âYaa nii der lo Waa dela coz nu bzaac der, gal nu dela coz nu güeñ der. Nii der nu de lo caê bi rzac dey. Zeê de mbecy coj rac rza nap la dey. Zeê de mbecy rat nu taê gyedz nu la lepra bi byac dey. Zeê de mbecy go̱ê bi reñ dey. Nunu de mbecy nu bi gut byabañ dey. Nunu dunii de riidz nu sac ni Ãgyoozh lo de mbecy zi. 23 Dzi ni mbecy nu wayeca nu ricy cup consuel lo̱ ânam. 24 Na ornu bi ya de yu zeê na, orzeê Jesuuz bzat mi Waa lo de mbecy zigy. Orzeê nam: âOrnu gua der gua güiir Waa tub lugaar ub zi, ¿la nay guzii der? ¿O ti guzii der nu nac yu mbecy nu ricy cyup ic, gal nu na tub yagyi nu rguul bi par re par ii la guzii der? 25 Zeê benu walab, orzeê ¿la na tub mbecy gua güii der? ¿A gua güii der tub mbecy nu zu negy cyit na? Walab, gun rad lagy der nu yu nu zu negy cyit na, nunu zu baay, yu zeê rcyiiñ yu yuê rey. 26 ¿Orzeê la gaal na tub mbecy nu gua güii der? ¿A gua güii der tub yu nu rnii por cuen ni Ãgyoozh? Laab, como ya̱ rne̱e̱ lo der nu gua güii der tub mbecy nu zily zir nac gazeê de yu nu mnii por cuen ni Ãgyoozh. 27 Gun laab Waa rzat riidz ni Ãgyoozh zeê nu rniiñ: Ãgyoozh nam rab mi biñ nu ca lo cuen nu cyid: Ya̱ zuu neza̱ yu nu nii por cuen ne̱ nu cha gay lor, gun orzeê zu lily yu nez nu char, nam. Ni rnii riidz ni Ãgyoozh. 28 Gun ya̱ rishli rne̱e̱ lo der nu ni tub la mbecy a̱ê zily zir nac yu gazeê Waa par lo Ãgyoozh. Tees yu nu gash zir zu lat de yu nu gyub ic Ãgyoozh, yu zeê gya zir zuy par Waa ânam. 29 Orzeê dela mbecy mas mbecy nu rboo tiñ por cuen ni gubier Rom, ornu güeñ dey de riidz nu mnii Jesuuz, orzeê mnii dey nu mod nu rlagy Ãgyoozh, ndeê mod nu laab ñi. Gun anzir Waa briic yu nu zu nis dey. 30 Tees de mbecy Fariseo, gal nu de yu nu rlyuu leey ni Ãgyoozh, wangalagy dey nu ndriib nis Waa dey, ca nu bzu chu dey mod nu rlagy Ãgyoozh nu gyicy num dey. 31 Orzeê na gaê Jesuuz: â¿La ñuu tub coz nu saapa̱ de mbecy nu yuê tiem na? ¿La ñuu na dey? 32 Na dey gal nu na yu nguzh nu nguaa rgyit lat yagyiê. Orzeê ye la rbish ti dey nguaay. Orzeê na dey rab yu losaêy: “Bla̱a̱ de̱ di gyel cyit nu bdzi. Tees wangulgyiê der. Na ornu bdulruê de̱ tub di nu shni za, ni wanguun der”, na dey. 33 Gun de mbecy nu yuê na wangalagy dey ni tub la mod. Gun Waa biid yu wangow nap yu. Nunu wangoêy ñup. Orzeê de ru rnii der nu tub nuras bicy niy yu. 34 Zeê ornu ya̱, biñ nu byac mbecy bri̱, orzeê ya̱ rda̱w la ziêl coz, nunu rdo̱ê la ziêl ñup. Orzeê rnii der nu naca̱ mbecy row shaad, nunu naca̱ mbecy roê ñup, nunu naca̱ amig ni de mbecy bduneê, nunu naca̱ amig ni de yu nu rboo tiñ por cuen ni gubier Rom. 35 Ni tub la mod wangyet lagy der. Tees rabee nu de mod nu psaê lagy Ãgyoozh, ndeê mod nap, nu nac nu gruu nap ñi ânam. 36 Orzeê tub mbecy fariseo bredz yu Jesuuz nu cha tom gyit yuêy. Orzeê guam yuêy. Na ornu bi zub mi lo mez na, 37 orzeê bruêña tub biñ mñaa lom. Orzeê mi zeê tub biñ nu rcyiiñ gyedz zeê, nunu nac mi mbecy a̱ê nap. Orzeê gud lagy mi nu Jesuuz za tom gyit yuê mbecy fariseo zeê. Orzeê bruêña num tub bas nu byaa nu gyitaê nu la alabastro. Zeê nañ bas zeê dza laa nu yuê nis zguul. 38 Orzeê gusub tiily mi yeñ gyiê Jesuuz. Ruun mi. Gazeê nu rcoom nis urlom gyiê Jesuuz. Orzeê gazeê nu rcuiigy mi ñii nu gyich ic mi. Lat zeê pca ruê biñ mñaa zeê gyiêm. Orzeê pcoo gaêm asecy zguul zeê gyiê Jesuuz. 39 Na ornu mbecy fariseo, yu nu bredz Jesuuz nu guam yuê zeê, bzaac yu de coz nu bicy biñ mñaa zeê, orzeê nay nañ lardooy: “Benu rishli gaal mbecy ii nac yu tub yu nu rnii por cuen ni Ãgyoozh, orzeê gad lagy yu la na biñ mñaa nu gul mi yu. Mi re tub biñ mñaa a̱ê nap”, rnii tooy. 40 Orzeê na Jesuuz rab mi mbecy fariseo zeê: âSimo̱o̱, ya̱ rlagya̱ ne̱e̱ tub coz lor ânam. Orzeê na mbecy fariseo zeê rab yu Jesuuz: âMnii lo̱, masht ânay. 41 Orzeê na Jesuuz: âCyup mbecy zaab yu tiñ ni tub mbecy nu rbic tiñ nu rboo losaê. Tub yu zaab yu gaay gaynal tiñ plat. Zeê tuubaêy zaab yu cyaal gaynal tiñ plat. 42 Orzeê como rup laa dey wangac gyabic yu tiñ zeê, orzeê yu nu rbic tiñ zeê bicy sulagy yu diêñ rup laa dey. Na mnii lo̱ Simo̱o̱: ¿ca na de yu zeê rca zir dey yu nu rbic tiñ zeê? ânam. 43 Orzeê na Simo̱o̱: âYa̱ rze̱e̱ nu mbecy nu coz ily zir bicy sulagy yu ni zeê, yu zeê rca zir yu yu nu briic tiñ zeê co dey ânay. Orzeê na Jesuuz rab mi yu: âLaab ni gal nu mniir ânam. 44 Orzeê lat nu rgüiim lo biñ mñaa zeê, orzeê na Jesuuz rab mi Simo̱o̱: â¿A rzac ru biñ ii? Ya̱, ornu gu̱ê nañ yuêr, orzeê wancuic ru nis nu diba̱ gyi̱ê. Zeê biñ mñaa ii bdiib mi gyi̱ê nu nis urlom, nunu pcuiigy mi ñii nu gyich toom. 45 Ru ni wanca ruêr ya̱, tees biñ mñaa ii nese nu guêm nañ yuê ii wanchecam nu rca ruêm gyi̱ê ânamâ. 46 ‘Ni wancoor asecy to̱o̱, tees mi ii pcoom asecy zguul gyi̱ê. 47 Ndeê nu ya̱ rne̱e̱ lor nu Ãgyoozh gyicy sulagy mi dela cyi zañ nu bicy mi, gun tonaê la rcam ya̱. Tees benu Ãgyoozh gyicy sulagy mi de cyi ñuu zi ni tub mbecy, orzeê yu zeê beñ zi rcay ya̱ ânam. 48 Orzeê nam rab mi biñ mñaa zeê: âÃgyoozh bi bicy sulagy mi de cyir ânam. 49 Orzeê de yu nu nguaa num lo mez brugyiê nu ro dey riidz nu losaêy. Orzeê na dey: â¿Cyu mbecy yu ii? Mas gashtal cyi mbecy ricy sulagy yu âna dey. 50 Orzeê nam rab mi biñ mñaa zeê: âRu bruu mbañ ru nu nac nu bicy cup ru consuel lo̱. Na yaa nu dub gusht la ânam.