San Lucas 5

1 Guc ñi tub tiem nu Jesuuz brim ruê nisyudoo tub gyedz nu la Genesaret. Orzeê de mbecy rcyiêñ su laa dey mi, gun rlagy dey gyeñ dey de riidz ni Ãgyoozh nu rniim. 2 Orzeê Jesuuz bzaac mi cyup barc zuñ ruê nisyudoo. Nat laa nañ ñi, gun de yu nu rub bel bruu dey nañ ñi nu za tiib dey gyish niy. 3 Orzeê Jesuuz guêm nañ tub barc zeê. Orzeê barc zeê, ndeê barc ni Simo̱o̱. Gazeê nu mniim lo Simo̱o̱ nu gyicy zet zir yu barc zeê par ruê nisyudoo. Orzeê gusub mi, nunu brugyiê rlyuum ni mbecy gal nañ barc zeê. 4 Na ornu blazh blyuum ni dey na, orzeê nam rab mi Simo̱o̱: âGua nu barc nir zeê nu gyi ni nisyudoo. Orzeê neêr gyish nir lo nis par nu cub ru bel ânam. 5 Orzeê na Simo̱o̱ rab yum: âMasht, gua la rel ricy de̱ riiñ nu rdub de̱ bel. Zeê ii rila wangad la ma ni de̱. Tees na como ru mniir, orzeê ya̱ ne̱ê gyish ne̱ lo nisyudoo ânay. 6 Na ornu mneê dey gyish niy lo nisyudoo na, orzeê tonaê la guud bel ni dey. Gashtal riêñ la gyish ni dey tantaê nu yuê bel nañ ñi. 7 Gazeê nu bicy yaa dey lo losaêy, de yu nu yuê nañ reñaê barc par nu cha locyuub dey yu. Gazeê nu gua nu de yu zeê barc niy. Orzeê bdzaa la nañ rup laa barc ni dey nu yuê bel. Se nu ches ti ziêl barc ni dey lo nisyudoo tantaê nu yuê ma nañ ñi. 8 Na ornu Bed bzaac yu de nu ndeê, orzeê gusu tib yu lo Jesuuz. Orzeê nay rab yum: âBruu chu lo̱ Shuaana̱, gun ya̱ naca̱ mbecy cyi ânay. 9 Ni mniiy gun gudzib yu, nunu niê ziêl gudzibaê deê zir mbecy nu nac de bel zañ nu guud zeê. 10 Gazaê Santiag nu Waa, de iêñ Zebedeo, gudzib dey. De yu zeê losaê Simo̱o̱. Orzeê Jesuuz nam rab mi Simo̱o̱: âCueê dzib der, gun nese na la gal nu rub der bel, niê ziêl teê der de mbecy, gun orzeê cyid ca dey icha̱ ânam. 11 Gazeê nu gua zeeñ dey de barc niy par lo yu bigy. Orzeê zeê bzeeñ dey barc niy. Orzeê za ca̱ dey ich mi. 12 Tub dzi Jesuuz zam tub gyedz. Orzeê zeê bruêña tub mbecy nu rat tub lo gyedz nu la lepra. Na ornu bzaac yu Jesuuz, orzeê wes saa tiily yu gashtal lo yu la. Orzeê mnishbaay lo Jesuuz. Orzeê nay rab yum: âBenu rlagy ru, ru gac gyicy yac ru ya̱ ânay. 13 Orzeê Jesuuz gul yaam yu. Orzeê nam: âRlagya̱. Orzeê na byac ru ânam. Orzeê lueg la mnit la gyedz zeê cuerp niy. 14 Orzeê na gaê Jesuuz rab mi yu: âCueê niir lo ni tub la mbecy, sinu gua lo uz cha lyuur ub ru loy. Orzeê cuic ru gun nu rlagy ñi par nu gyacaacy ru par lo Ãgyoozh gal nu mnii Moisees nu gyicy na, gun orzeê gad lagy dela mbecy nu bi byac ru ni güii nu rat ru ânam. 15 Mas ni mniim, tees de coz nu bicy mi bzu zir ñi. Nunu tonaê la mbecy zigy byatublaazh dey lom par nu zuub gyidag dey nim, nunu par nu gyicy yac mi de güii nu rat dey. 16 Tees Jesuuz bruu chum lo dey zam tub lugaar ub zi nu nii num Ãgyoozh. 17 Tub dzi zub Jesuuz rlyuum ni de mbecy. Lat zeê nguaa la be mbecy fariseo nu de yu nu rlyuu leey ni Ãgyoozh. De yu zeê bruu dey dela lugaar ni Galilea, nu de lugaar ni Judea, gal nu de lugaar ni Jerusaleeng. Nunu rabee nu Ãgyoozh ricy mi coz ily nu nac Jesuuz nu nac nu bicy yac mi de mbecy rat. 18 Orzeê bruêña nu dey tub mbecy chi̱ lom riib yu lo tub nuun. Bicy pee dey nu chuê nu dey mbecy chi̱ zeê nañ yuê zeê nu zub Jesuuz par nu cyish dey yu lom. 19 Tees wangad mod nu chuê nu dey mbecy chi̱ zeê, gun dzi yuê mbecy. Gazeê nu gup dey par too yuê. Gazeê nu blaat dey tub gyeegy lat de tej. Gazeê nu pshet dey nuun nu riib mbecy rat zeê lat de mbecy zigy zeê nu zub Jesuuz. 20 Na ornu gud lagy mi nu ricy cup dey consuel lom na, orzeê nam rab mi mbecy chi̱ zeê: âRu, de cyir bi byecy ñi ânam. 21 Orzeê de yu nu rlyuu leey ni Ãgyoozh, nu de mbecy fariseo brugyiê nu rnii too dey: “¿Cyu mbecy yu ii? ¿Lagu rniiy coz nu za contr ni Ãgyoozh? Tub zi la Ãgyoozh gac gyicy sulagy mi de cyi nu ricy mbecy”, rnii too dey. 22 Tees Jesuuz gud lagy mi nu ni rnii too dey. Gazeê nu nam rab mi dey: â¿Lagu ni rnii too der? 23 Dzi zir a̱ê biigy par nu ne̱e̱ nu bi bicy sulagya̱ de cyir gazeê nu ne̱e̱ wes su nunu bza ânamâ. 24 Tees ya̱ ne̱e̱ lo yu re nu gyes suy nunu gzay, gun orzeê gad lagy der nu ya̱, biñ nu byac mbecy, ricy cupa̱ rishbeey nu gyicy sulagya̱ de cyi mbecy gyishlombecy ii ânam. Gazeê nu nam rab mi mbecy chi̱ zeê: âYa̱ ne̱e̱ du̱ ru wes su, gush nuun nir nunu yaa yuêr ânam. 25 Orzeê lueg la wes suy lo rgüii la de mbecy zigy zeê. Orzeê bduê yaay nuun nu byub yu lo zeê. Orzeê yay yuêy. Nunu ryabic yu gyel mbecy ni Ãgyoozh. 26 Orzeê dela yu nu nguaa zeê za nu la ic dey. Orzeê byabic dey gyel mbecy ni Ãgyoozh, nunu tonaê la gudzib dey. Orzeê na dey: âDzi na bzaac na tub nusuriidz ily âna dey. 27 Ornu bded ni de nu ndeê, orzeê bruu Jesuuz zam. Orzeê bzaac mi tub yu nu rboo tiñ por cuen ni gubier Rom. Yu zeê lay Leví. Zub yu zeê nu rboo dey tiñ. Orzeê na Jesuuz rab mi yu: âDa ca icha̱ ânam. 28 Orzeê wes suy. Bzeeñ ga lay de yu nu nguaa nuy zeê za cay ich mi. 29 Na despuees, orzeê Leví bicy yu tub saê ily yuêy nu nac Jesuuz. Nunu zeê nguaa gaê de yu nu rboo tiñ por cuen ni gubier Rom, gal nu zigy zir de mbecy. Tublaazh la nguaa dey lo mez row dey gyit. 30 Tees de mbecy fariseo, gal nu de yu nu rlyuu ley ni Ãgyoozh, brugyiê nu zi ga la rnii dey nu de yu nu rsyaê lo Jesuuz. Orzeê na dey: â¿Lagu row der, nunu lagu roê der nis nu de mbecy nu rboo tiñ por cuen ni gubier Rom, gal nu nu de mbecy cyi? âna dey. 31 Orzeê Jesuuz nam rab mi dey: âPar de mbecy ruub walagy ñi doctoor, tees par de mbecy rat rlagy ñi. 32 Gal nu doctoor wagyicy nuy mbecy ruub guñaa, niê ya̱ a̱ê yapa̱ nu redza̱ mbecy nu sac cyi, sinu dredza̱ de mbecy cyi par nu neê dey de cyiy ânam. 33 Orzeê na dey rab yu Jesuuz: âDe yu nu rsyaê lo Waa rca dey ni ub yu nu cueê goy gyit lat nu rzu bich dey nu nac Ãgyoozh. Nunu cyaê rnii nu dey mi. Nunu niê ziêl ricy de yu nu rsyaê lo de mbecy fariseo. Zeê de yu nu rsyaê lo ru de dzi la row dey nunu roê dey âna dey. 34 Orzeê Jesuuz nam rab mi dey: âYa̱ na̱ gal nu na tub nob. ¿Walab gaal gac ca de yu nu yuê lo fandang ni ub yu nu cueê goy gyit lat nu gabee rded nob lat dey? 35 Tees shuub tub dzi nu co mbecy nob zeê lat dey. Orzeê gazeê nu gac ca dey ni ub yu nu cueê goy gyit par nu gyicy shni dey. 36 Orzeê Jesuuz mniim tub riidz tiily lo dey. Orzeê nam: âGun mod nu bicy de gyitoo bel, ndeê nañ gal nu na tub negy gush. Ni tub la mbecy washiêñ mi tub negy cub nu gad tub laê negy nu gyicy mi rumien negy gush, gun nis gash beñ negy cub zeê. Orzeê gyicy ñi nu shaa negy cub zeê. Nunu negy cub zeê wagyap ñi negy gush zeê. 37 Nunu mod nu ricy de gyitoo bel, ndeê nañ gal nu na tub gyid gush nu rguê choow dey ñup ni urbyay. Ni tub la mbecy wac cuê choow dey ñup ni urbyay cub nañ gyid gush, gun nis cyich ñiñ. Orzeê shu dela ñup ni urbyay zeê, nunu nit lo gyid zeê. 38 Ndeê nu rlagy ñi cuê choow dey ñup ni urbyay cub nañ gyid cub, gun orzeê rup laañ wanit lom. 39 Nunu ni tub la yu nu roê ñup ni urbyay gush walagy yu goêy ñup ni urbyay cub, gun rnii dey nu “Nap zir roê ñup ni urbyay gush”, rnii dey ânam.