San Lucas 11

1 Tub tir Jesuuz zub mi rnii num Ãgyoozh tub lugaar. Na ornu blazh mnii num Ãgyoozh na, orzeê na tub yu nu rsyaê lom: âShuaan de̱, blyuu ne̱ de̱ lac mod ne̱e̱ du̱ de̱ Ãgyoozh gal nu Waa blyuuy ni de yu nu rsyaê loy ânay rab yum. 2 Orzeê Jesuuz nam rab mi yu: âOrnu nii nu der Ãgyoozh, orzeê i mod nii der: Ãgyoozh, uz de̱, rlagy ñi ca lagy de̱ lor. De̱ ya̱ rdiñ de̱ nu cyid gyel gubier nir lat de̱. 3 Tub dzi ga cuic ru de coz nu rlagy ñi nu da̱w de̱. 4 Bicy sulagy ne̱ de̱ ni de coz cyi nu ricy de̱, gal nu de̱ ya̱ ricy sulagyaê de̱ ni de yu nu shiñ ricy nu de̱ ya̱. Nunu cueê zaan ru nu gyet lag de̱ lo preb ânam. 5 Orzeê na gaê Jesuuz rab mi dey: âGyicy peen zu tub amig ni ca na de ru. Orzeê char loy tub guzeel rel. Orzeê niir loy: “¿A zu ru? Ya̱ yapa̱ lor ben a sac chon gyishtily nir cuic ru lo̱. 6 Gun saa la bri tub amig ne̱ nu guay byaj. Zeê ya̱ rila sac coz ne̱ nu rica̱ gow yu”, niir. 7 Orzeê amig zeê nir nii gaêy gab yu ru gal ri ziêl yu nañ yuê. Orzeê niiy: “Cueê gyicy seed ru ya̱, gun roê ne̱ noow ñi, nunu ya̱ nu de yu nguzh ne̱ bi rib das de̱ lo nuun. Ndeê nu wayeshte̱ nu rica̱ la coz nir”, niiy. 8 Orzeê ya̱ ne̱e̱ lor nu mas wayeshtey nu cuic yu coz nu rlagy ru par nu nac yu amig nir, tees ca ni gaal cuic yu dela coz nu cyiiñ nir nu nac nu zaab rgyiiñ lar loy. 9 Ndeê nu ya̱ rne̱e̱ lo der: Bdiiñ der lo Ãgyoozh, gun Ãgyoozh cuic mi de coz nu cyiiñ ni der. Byub der ñii, gun orzeê gyad ñi ni der. Mnii nu der mi, gun orzeê shaal mi roê ni der. 10 Gun cyu ziêl mbecy nu rgyiiñ gad ñi niy. Nunu cyu ziêl mbecy nu ryub gyad yuñ. Nunu cyu ziêl mbecy nu rnii num shaal mi roê niy. 11 ‘¿Walab gaal grusu tub mbecy lat der nu cuic yu tub bily ni iêñ yu ornu rgyiiñ yu tub bel loy? 12 O ¿walab gaal grusu tub mbecy nu cuic yu tub gune ni iêñ yu ornu rgyiiñ yu nguu gyid loy? 13 Gunca de ru nac der mbecy a̱ê nap rad lagy der lac mod rbic ru coz nap ni iêñ ru, zeê yegar Ãgyoozh, uz den, biñ nu zub gyibaa, wabic mi Espiriit Yon ni de yu rgyiiñ lom âna Jesuuz rab mi de yu nu rsyaê lom. 14 Tub tiem Jesuuz bloo chum nuras, gun nuras zeê bicy yu nu byagop tub mbecy. Na ornu nuras bruu chuy lo yu nu byagop zeê, orzeê yu zeê brugyiê rniiy. Orzeê de mbecy nu yuê zeê za nu la ic dey nu nac ndeê. 15 Zeê yuê gaê mbecy nu rniiy: âBeelzebé, yu nu riib ic de nuras, yu zeê bicy yu nu cyiiñ yu ii nu co chuy deê zir de nuras âna dey. 16 Zeê yuê gaê mbecy nu byub yu tub mod par nu gyicy yu nu gadzam. Mniiy lom nu cuic mi tub muesht baa. 17 Tees gud lagy mi de coz nu rnii too dey. Orzeê nam rab mi dey: âBenu tub nac mbecy dulew dey nu chucooy laab nu losaê ziêl yu, orzeê rila wazu dey. Nunu benu tub famil chucooy laab nu losaê ziêl yu, orzeê niê ziêl wazu dey. 18 Nunu benu de nuras dulew yu nunu chucoo dey laab nu losaê ziêl yu, orzeê niê ziêl wazu dey, sinu nit lo dey. Ni rne̱e̱ gun de ru rnii der nu ya̱ rlo̱o̱ chu̱ nuras nu nac rishbeey ni Beelzebé, yu nu riib ic de nuras. 19 Tees benu ni, orzeê cyu briic rishbeey ni de losaêr nu ni ricy yu. Ndeê nu de losaêr ricy dey nu rabee nu radza der. 20 Gun benu ya̱ gac loo chu̱ nuras nu nac coz ily nu ricy Ãgyoozh nu nac ya̱, orzeê ndeê yaruuñ nu bi bri gyel gubier ni Ãgyoozh lat der. 21 ‘Gun benu tub mbecy fert zu tañ yu nu rñay yuêy, orzeê de coz nu yuê choow nañ yuêy nguaa segur ñi. 22 Tees benu ruêña tuubaê mbecy nu fert zir, orzeê yu zeê gyicy yu gan yu. Orzeê coy dela gyiib dañ nu rgyish loy lo zeê. Nunu gyash yu dela coz nu ricy cup yu. 23 ‘Gun yu nu waya faboor ne̱, yu zeê zay contr ne̱. Nunu yu nu walocyuub ya̱ nu te̱ê de mbecy, yu zeê tush las yu dey ânamâ. 24 ‘De ru na der gal na tub mbecy ornu druu chu nuras loy. Orzeê nuras zeê rzay tub lugaar wach. Rded yu ryub yu tub lugaar zeê nu zu lagy yu. Na ornu wagad lugaar zeê, orzeê rnii tooy: “Nap zir cush cyan laabaê zeê nu bruun”, rnii tooy. 25 Na ornu griy na, orzeê gyap yu mbecy zeê nay gal nu na tub yuê nu nat laa nañ. Nunu se cyudz la zu nañ ñi nu bdulyuub. 26 Orzeê chay nu cha teêy tub gagyaê nuras nu shiñ zir ricy gazeê ub yu. Orzeê chuê dey nañ mbecy zeê cyiiñ yu. Orzeê mbecy zeê yashiñ zir na mod nu nay gazeê nu loga ânam. 27 Lat nu mnii Jesuuz de riidz zeê, orzeê bruu zac tub biñ mñaa lat de mbecy zigy zeê. Orzeê nam rab mi Jesuuz: â¡Dzi ni biñ mñaa, biñ nu bgaal ru, nunu briic mi nu gugy ru! ânam. 28 Orzeê na Jesuuz: â¡Dzi zir dzi ni mbecy benu zuub gyidag yu de coz nu rnii Ãgyoozh nunu gyicy yac yu niñ! ânam. 29 Na lat nu rdeê de mbecy zigy lo Jesuuz na, orzeê brugyiê rniim lo dey. Orzeê nam: âDzi ga a̱ê nap de mbecy nu yuê na. Rgyiiñaê dey tub muesht ni nusuriidz lo̱, tees ya̱ warica̱ ñii ni dey. Nomaas muesht ni Jonás, yu nu mnii por cuen ni Ãgyoozh, ndeê ziêl muesht nu gad ni de yu zeê. 30 Tees gal nu Jonás guc yu tub muesht ni de mbecy gyedz Nínive, ndeê nu niê ziêl ya̱, biñ nu byac mbecy, gaca̱ tub muesht ni de mbecy nu yuê tiem na. 31 Ornu shuub dzi nu ri bee Ãgyoozh ni dela mbecy nu yuê tiem na, orzeê biñ mñaa nu riib ic tub nasyoong nu ri par yaa been, ornu güiin par zeê nu driib doo, gazaêm gyes sum niim nu yuê cyi der, mbecy nu yuê na. Gun mi zeê zet zir bruum biid mi nu bzuub gyidag mi de coz nu mnii Salomoong. Nunu ya̱, biñ nu zu ii na, gya zir zu̱ gazeê Salomoong. 32 Nunu ornu shuub dzi nu ri bee Ãgyoozh ni dela mbecy, orzeê dela mbecy nu yuê gyedz Nínive gyes su gaê dey nu nii dey nu yuê cyi der mbecy nu yuê tiem na. Gun de mbecy Nínive mneê dey cyiy ornu güeñ dey de riidz ni Ãgyoozh nu pshaal Jonás lo dey. Nunu ya̱ biñ nu zu ii na, gya zir zu̱ gazeê Jonás ânamâ. 33 ‘Ni tub la mbecy wacaay gyi tub candiil nu riiy ñi tub lugaar ngach. Ni wariiy ñi nañ tub cajo̱o̱, sinu zuub yuñ seêñ, gun orzeê cuic ñi yaa lo de mbecy nu rzuê nañ yuê. 34 Urlor, ndeê nañ gal na tub candiil nu rbic yaa nañ shcab nir. Orzeê benu gyicy ru coz nap nu urlor, orzeê gzu yaa nañ dutuub la shcab nir. Tees benu gyicy ru coz cyi nu urlor, orzeê cow la zu nañ shcab nir. 35 Orzeê bicy cuidad, gun dzi ga walab yaa yuê nañ shcab nir, sinu zu cow la nañ shcab nir. 36 Tees benu dutuub la nañ shcab nir yuê yaa nunu benu sac ni ñumiiñ zeê nu cow, orzeê naal la zac ru dela coz, gal nu rzac ru ornu tub candiil rbic ñi yaa ânam. 37 Na ornu blazh mnii Jesuuz de nu ndeê na, orzeê tub mbecy fariseo bredz yu Jesuuz nu cham yuêy nu gow mi gyit. Orzeê guêm nañ yuê gusub mi lo mez. 38 Na ornu bzaac yu nu wanaam gal mod nu rnii leey ni dey anzir nu gom gyit, orzeê za nu la ic yu. 39 Orzeê nam rab mi yu: âDe ru mbecy fariseo ich ziêl taz rgyiib der, nunu niê ziêl ricy der nu gyaên. Zeê par nañ lardoo der dza laa yuê coz a̱ê nap nu ricy der. Yuê gaê gyel gubaan nu ricy der. 40 ¡Mbecy ton! ¿A wagad lagy der laab biñ nu bzaa nañ ñi, laab mi bzaam par ich ñi? 41 Benu cuic der coz nu yuê nir ni de mbecy zi, orzeê caacy nañ lardoor. 42 ‘¡Cuaa de ru mbecy fariseo! Gun mas lo tii nac loow comid, rboo reñ der tub nac ñii nu rbic der ni Ãgyoozh. Ni ricy der nu menta, nu rud, nunu nu deê zir gyish loow comid. Tees wagyicy cuen der mod nu rlagy ñi par nu chuê den par lo Ãgyoozh, nunu ni waca der mi. De ndeê rlagy ñi gyicy der, nunu walagy ñi laa yaa der deê zir coz nap nu bi ricy der. 43 ‘¡Cuaa de ru mbecy fariseo! Gun yet lagy der gzub der lo yashily ni mbecy zub lo nañ yuê nu rsyaê mbecy riidz ni Ãgyoozh. Nunu yet lagy der ornu mbecy ca lagy dey lo der ornu nii nu dey der lat yagyiê. 44 ‘¡Cuaa de ru! Na der gal nu na baa ni añ nu wacabee ca ri. Orzeê de mbecy rded dey par ich ñi, tees wagad lagy dey ti rded dey tooñ ânam. 45 Orzeê na tub yu nu rlyuu leey ni Ãgyoozh rab yum: âMasht, ornu ni rniir, orzeê niê ziêl rnii zi gaêr ni de̱ ya̱ ânay. 46 Orzeê nam rab mi yu: â¡Niê ziêl cuaa de ru mbecy nu rlyuu leey ni Ãgyoozh! Gun rzuub der yuu ich mbecy. Ni wagyee ni tub la mbecy nu guy yuu zeê. Zeê de ru walagy der locyuub der losaêr nu guy yuu zeê ni nu tub mbiz ru. 47 ‘¡Cuaa de ru! Ricy zig der ruê baa ni de yu nu mnii por cuen ni Ãgyoozh, de yu nu guê gulas. Tees na der gal nu na de gyitoo bel ni der, gun de yu zeê biit dey de yu nu mnii por cuen ni Ãgyoozh. 48 Orzeê rabee nu gal gaa la na der gal nu na gyitoo bel ni der. Gun de yu zeê biit yu de yu nu mnii por cuen ni Ãgyoozh. Zeê de ru ricy zig der ruê baa ni dey. 49 ‘Ndeê nu como Ãgyoozh rad lagy mi dela coz, orzeê mniim: “Ya̱ gzuu neza̱ yu nu gnii por cuen ne̱, nunu gzuu neza̱ de aposht. Tees yuê nu cut dey yu. Nunu yuê gaê nu shet zi dey yu”, nam. 50 Ndeê nu Ãgyoozh zeed mi cashtig too de mbecy nu yuê na nu nac dela yu nu mnii por cuen nim nu biit mbecy nese nu bzub gyiê gyishlombecy. 51 Nese nu biit dey Abeel, gashtal nu biit dey Zacarí, yu nu biit dey loliê ni yuê ni Ãgyoozh par gazel ni mez nu rcuaa der gun lom nu yuê yon nim. Orzeê Ãgyoozh zeed mi cashtig ni de mbecy nu yuê tiem na nu nac nu gut dela de yu zeê. 52 ‘¡Cuaa de ru, mbecy nu rlyuu leey ni Ãgyoozh! De ru ricy cup der mod nu cuic der nu gad lagy de mbecy de coz nu rishli. Per walab tub lo ziêl nu walagy der gad lagy ru de coz nu rishli, sinu niê ziêl wazaan der nu gad lagy deê zir mbecy ânam. 53 Na ornu mniim de nu ndeê, orzeê de yu nu rlyuu leey, nu de mbecy fariseo tonaê la bdzaê dey. Orzeê brugyiê nu ricy seed dey mi nu rgugyiê dey zañ lo coz lom. 54 Bicy dey preb mi ben a wad mod nu riib dey cyi toom.