San Juan 4

1 De mbecy fariseo güeñ dey nu zigy zir de mbecy nu za ca ich Jesuuz, gazeê de yu nu za ca ich Waa. Nunu rbic zir mi nu zu nis mbecy gazeê Waa. 2 Mas walab ub la Jesuuz driib nis mi mbecy, sinu de yu nu rsyaê lom rbic dey nu zu nis mbecy. 3 Na ornu gud lagy Jesuuz de nu ndeê, orzeê bruum lo yu ni Judea, orzeê yam par de lo yu ni Galilea. 4 Na zeê nu yam rlagy ñi nu ded mi lo de yu ni Samaria. 5 Orzeê bruêñam tub gyedz nu la Sicar nu ri lo yu ni Samaria. Gyedz zeê gare ga ri tub nac yu nu briic Jacob ni iêñ yu See. 6 Lugaar zeê zub zo nu rnii dey, “Zo ni Jacob.” Zeê gusub Jesuuz nu rzu lagy mi gun gutsiñ mi nu tuñ bzam nez. Ndeê tub or widoo. 7 Orzeê de yu nu rsyaê lom bzeeñ dey mi. Orzeê za dey lat gyedz nu za zii dey coz nu gow yu. Orzeê bruêña tub biñ mñaa Samaria, bruêñam ruê zo zeê nu za gyiim nis. Orzeê na Jesuuz rab mi biñ mñaa zeê: âDoo ñuu nis nir do̱ê ânam. 9 Orzeê na biñ mñaa zeê rab mi Jesuuz: âRu nac ru tub mbecy Israeel. Zeê ya̱ naca̱ tub biñ mñaa Samaria. Orzeê ¿lagu rgyiiñ ru nis goêr lo̱? ânam. Gun de mbecy Israeel wagac gyicy dey ni tub la coz nu mbecy Samaria, gun a̱ê nap yuê dey. 10 Orzeê na gaê Jesuuz rab mi biñ mñaa zeê: âBi bicy na nu ru gad lagy ru la na coz nu rbic Ãgyoozh, nunu bicy na nu gad lagy ru cyu nac ya̱, nu rdiña̱ nis do̱ê lor, orzeê ru cyiñ ru nis lo̱ ya̱ goêr. Orzeê ya̱ rica̱ nis nu rbic gyel mbañ nu rishli nu goêr. 11 Orzeê biñ mñaa Samaria zeê nam rab mi Jesuuz: âZeê ru, ni a̱ê nur la nu par nu cor nis, gun zo ii gyi ri nis nañ ñi. Zeê ru, ¿ca cor nis nu cuic gyel mbañ zeê ne̱? 12 Gyitoo bel ne̱ de̱ Jacob bzeeñ mi zo ii ne̱ de̱ ya̱. Nunu laab ii goêm nis gal nu de iêñ mi nu de bañcyug nim. ¿Walab gaal lily zir na ru gazeê gyitoo bel ne̱ de̱ zeê? âna biñ mñaa zeê. 13 Orzeê na Jesuuz: âDela de mbecy nu goê nis ii, wayeca nu cuigy zir dey nis. 14 Zeê de mbecy nu goê nis nu ya̱ grica̱, de mbecy zeê rila wabigyaê dey nis. Gun nis nu ya̱ grica̱, ndeê gyicy ñi nu gyac nañ lardoo dey gal na tub zeê nu driib nis. Nis zeê gyicy ñi nu cui mbañ dey tub la ânam. 15 Orzeê na biñ mñaa zeê rab mi Jesuuz: âBeni, orzeê cuic ru nis zeê do̱ê gun cueê gaê nu cuigya̱ê ñii nunu cueê gaê gyap gyi̱i̱ ñii ii âna biñ mñaa zeê. 16 Orzeê na gaê Jesuuz: âYaa, ya te ñgyeer, nunu cyid nur yu ii âna Jesuuz. 17 Orzeê na gaê biñ mña̱a̱ zeê: âSac ñgye̱e̱ ya̱ ânam. Orzeê na gaê Jesuuz: âRu gaal rishli rniir nu sac ñgyeer, 18 Gun bi bzu gaay ñgyeer. Zeê yu nu zu gaê na, yu zeê walab ñgyeer. Ru rishli mniir lo̱ nu sac ñgyeer ânam. 19 Ornu biñ mñaa zeê güeñ mi nu ndeê, orzeê nam rab mi Jesuuz: âNa bet laga̱ cuen nu ru nac ru tub biñ nu rnii por cuen ni Ãgyoozh. 20 De gyitoo bel ne̱ de̱, de biñ Samaria, briib zily dem Ãgyoozh too bicy ii. Zeê de ru rnii der nu gal Jerusaleeng rlagy ñi nu riib zily mbecy Ãgyoozh, rnii der âna biñ mñaa zeê. 21 Orzeê na Jesuuz rab mi biñ mñaa zeê: âBiñ mñaa, guña ñuu lagy riidz nu rne̱e̱. Shuub tub dzi nu de mbecy griib zily dey Ãgyoozh, uz den. Orzeê walagyaêñ nu cyid dey too bicy ii, ni nu gya dey Jerusaleeng. 22 De ru mbecy Samaria wagad lagy der la na biñ nu driib zily ru. Tees de̱ ya̱ mbecy Israeel rad lagy de̱ la na biñ nu driib zily de̱, gun lat de mbecy Israeel gruu mod par nu gruu mbañ mbecy. 23 Tees shuub dzi, nunu na la ndeê ornu de mbecy nu rishli gaal griib zily Ãgyoozh uz na gyicy dey ñi tub mod nu rishli, mod nu rlagy Espiriit Yon ni Ãgyoozh, gun ndeê mod nu rlagy Ãgyoozh uz na. Ndeê mod nu rlagy mi nu gyicy de yu nu griib zily mi. 24 Gun Ãgyoozh nac mi Espiriit, nunu de yu nu griib zily mi rlagy ñi nu gyicy dey ñi tub mod nu rishli, tub mod nu rlagy Espiriit Yon nim ânam. 25 Orzeê na biñ mñaa zeê rab mi Jesuuz: âRad lagya̱ nu cyid Mesías, biñ nu pcui Ãgyoozh nu co mbañ mi den. Laab mi zeê lam Crisht. Ornu mi zeê cyid mi, orzeê shaal mi dela coz lo̱ de̱ ânam. 26 Orzeê na gaê Jesuuz: âMi zeê nac ya̱, biñ nu rnii nu ru na la ânam. 27 Laab or la zeê bri de yu nu rsyaê lom. Orzeê za nu la ic dey nu Jesuuz rom riidz nu tub biñ mñaa. Tees ni tub la dey wancuic yu baloor nu ngugyiêy lo biñ mñaa zeê la coz rlagy mi, o nu ngugyiê dey lo Jesuuz ben lagu ro num biñ mñaa zeê riidz. 28 Orzeê biñ mñaa zeê bzeeñ ga lam reê nim. Yam lat gyedz. Orzeê nam rab mi de mbecy: 29 âDa der gun cha güiir tub biñ gyeey nu mniim dela coz nu bicya̱. ¿Ben a chii la a walab mi zeê Mesías? âna biñ mñaa zeê. 30 Orzeê bruu de mbecy lat gyedz zeê za dey lo Jesuuz. 31 Lat nu ya biñ mñaa zeê, orzeê de yu nu rsyaê lo Jesuuz rnishbaa dey lom nu gow mi gyit. Orzeê na dey: âMasht, bdow mas ñuu miê âna dey. 32 Orzeê nam rab mi dey: âYa̱ ricy cupa̱ coz nu da̱w. Tees de ru wagad lagy der la coz ndeê ânam. 33 Orzeê de yu nu rsyaê lom brugyiê rgugyiê dey lo losaêy. Orzeê na dey: â¿Walab gaal bi biid nu ca na mbecy coz nu gow mi? âna dey. 34 Orzeê na gaê Jesuuz rab mi dey: âOrnu gyicya̱ coz nu rlagy Ãgyoozh, biñ nu bzuu nez ya̱, nunu ornu gzaê lo̱ riiñ nim, orzeê ndeê nañ gal na de coz nu da̱w. 35 De ru mbish tub riidz nu rnii der: “Gabee ricy falt ruê tap beey par nu teên cosech”, rnii der. Zeê ya̱ rne̱e̱ lo der nu güiir lo de mbecy nu yad ii. Na dey gal nu na tub nac gyel. Güii la nañ. Bi guc niñ nu dudeê cosech, gun bi zu lily dey nañ lardooy nu gyicy cup dey consuel lo̱ âna Jesuuzâ. 36 ‘Gun de yu nu cha teê cosech zeê, bi gyad iy, nunu cosech nu rteê dey zeê, ndeê de mbecy par nu cui mbañ dey tub la, gun orzeê de yu nu rnuuz, gal nu de yu nu rteê tublaazh la gyet lagy dey. 37 Nii tub riidz nu rishli nu rnii mbecy: “Tub yu rnuuz yu. Zeê tuubaêy rteêy." 38 Ya̱ bzuu neza̱ der nu gua teêr lat tub nac gyel zeê nu wangyicy la der riiñ. Zeê reñaê dey bicy yu riiñ lat gyel zeê. Zeê de ru byash der cosech nu nac riiñ nu bicy reñaê dey ânam rab mi de yu nu rsyaê lom. 39 Na, tonaê la zigy de mbecy Samaria nu yuê gyedz zeê bicy cup dey consuel lo Jesuuz nu nac nu mnii biñ mñaa zeê lo dey. Orzeê nam: “Mi zeê mniim lo̱ dela coz nu bicya̱”, nam. 40 Na ornu bruêña de mbecy Samaria lom, orzeê mnishbaa dey lom nu gyiyeeñ mi num dey. Orzeê byeeñ num dey cyup dzi. 41 Orzeê zigy zir mbecy bicy cup dey consuel lo Jesuuz nu nac de riidz nu mniim. 42 Orzeê na dey rab yu biñ mñaa zeê: âNa ricy cup de̱ consuel lo Jesuuz walab nu nac riidz nu mnii ziêl ru, sinu nu nac nu güeñ gyidag la de̱. Nunu rishli gud lagy de̱ nu mi ii nac mi biñ nu co mbañ de mbecy nu yuê gyishlombecy âna dey rab yu biñ mñaa zeê. 43 Na ornu bded ni cyup dzi zeê, orzeê bruu Jesuuz Samaria nu yam par lo de yu ni Galilea. 44 Gun laab ub mi mniim nu tub yu nu rnii por cuen ni Ãgyoozh waca lagy de mbecy ledz yu loy, nam. 45 Na ornu brim lo de yu ni Galilea, orzeê de mbecy nu yuê de lugaar zeê nap bicy nu dey mi, gun bi bya dey saê ni Pas Jerusaleeng. Ndeê bi bzaac dey de coz nu bicy mi lat saê zeê. 46 Orzeê Jesuuz bish cyam zam Caná, tub gyedz nu ri lo yu ni Galilea. Laab lugaar zeê nu bicy mi nu byac nis ñup ni urbyay. Na zu tub mbecy nu zu riiñ ni gubier. Zeê iêñ yu mbish rat yu Capernaum. 47 Yu zeê, ornu güeñ yu nu bruum Judea nu brim Galilea, orzeê guay mnishbaay lom nu cham yuêy nu gyicy yac mi iêñ yu, gun bi zuu lay nu gat yu. 48 Orzeê Jesuuz nam rab mi yu nu zu riiñ zeê: âDe ru wagyicy cup der consuel lo̱ benu wazac der muesht o nusuriidz ânam. 49 Orzeê na yu nu zu riiñ zeê rab yu Jesuuz: âJesuuz, yaa chan gun nis gat iêña̱ ânay. 50 Orzeê na Jesuuz rab mi yu: âYaa la gun iêñ ru mbañ yu ânam. Orzeê mbecy zeê guña lagy yu de riidz nu mnii Jesuuz. Orzeê yay. 51 Na nez nu yay, orzeê gua cheel de moz niy yu. Orzeê na dey: â¡Iêñ ru mbañ yu! âna dey. 52 Orzeê bdugyiêy lo dey ben la or brugyiê nu zesu nap lagy iêñ yu. Orzeê na dey rab yuy: âNaag, tub gyiib tub or gudze, orzeê bruu zig yu âna dey. 53 Orzeê byezaê lagy yu nu laab or zeê mnii Jesuuz loy. Ornu nam: “Iêñ ru gruu mbañ yu”, nam. Orzeê bicy cup dey consuel lom nu dela famil niy. 54 Ndeê nusuriidz cyup nu bicy Jesuuz despuees nu bruum lo yu nu la Judea ornu zam par lo de yu ni Galilea.