San Juan 16

1 ‘Ya̱ bzata̱ de riidz ii lo der par nu cueê checa der nu gyicy cup ru consuel lo̱. 2 Gun wabicaê dey lugaar nu gyatublaazh der nu dey nañ yuê nu rsyaê dey riidz ni Ãgyoozh. Nunu shuub dzi nu benu ca na tub mbecy cut yu de ru, orzeê rash yu shcab nu gyicy yu ndeê lo Ãgyoozh. 3 Ni mod ricy dey gun a̱ê yuê lo dey Ãgyoozh uza̱ nunu niê a̱ê yuê lo dey ya̱. 4 Tees ya̱ bzata̱ de riidz ii lo der gun orzeê ornu shuub dzi nu gac ñii, orzeê gyezaê lagy der de riidz nu mne̱e̱ lo der. De coz nu gyicy Espiriit Yon ni Ãgyoozh ‘Ya̱ walab nu mne̱e̱ de riidz ii lo der nese nu loga la nu brugyiê nu rsyaê der lo̱, gun nese tiem zeê bi nac du̱ ya̱ de ru. 5 Tees na bi gya̱ lo Ãgyoozh, biñ nu bzuu nez ya̱. Tees ni tub la der wacugyiêr lo̱ ca gya̱. 6 Nomaas ca nu ricy shni der ornu mne̱e̱ de riidz ii lo der. 7 Tees ya̱ rishli rne̱e̱ lo der nu nap zir nu gya̱ par de ru, gun zeê benu waya̱, orzeê Espiriit Yon, biñ nu glocyuub de ru, wayid mi lo der. Tees benu gya̱, orzeê ya̱ zuu neza̱m cyid mi lo der. 8 Ornu mi zeê cyid mi, orzeê naal la cuic mi nu gad lagy mbecy nu yuê cyiy, nunu cuic mi nu gad lagy dey nu gac gyanap dey lo Ãgyoozh, nunu cuic mi nu gad lagy dey nu Ãgyoozh ri beem ni dela mbecy nu nac cyi dey. 9 Cuic mi nu gad lagy dey nu yuê cyiy gun wagyicy cup dey consuel lo̱. 10 Cuic mi nu gad lagy dey nu gac gyanap dey gun ya̱ gya̱ lo Ãgyoozh uza̱, nunu wazacaê der ya̱. 11 Nunu cuic mi nu gad lagy dey nu gri beem ni de mbecy gun nuras, yu nu riib ic gyishlombecy ii, bi mnii Ãgyoozh nu gyay lo cashtig. 12 ‘Yuê ruê zañ coz nu rlagya̱ ne̱e̱ lo der, tees na na la ni wagyee gaê der. 13 Ornu cyid Espiriit Yon ni Ãgyoozh, biñ nu rnii de coz rishli, orzeê mi zeê gyoom rishlo der dela coz rishli ni Ãgyoozh. Walab nu gniim nu nac shcab ni ub ziêl mi, sinu gniim de coz nu gnii Ãgyoozh lom. Nunu cuic mi nu gad lagy der ni de coz nu gac par lo. 14 Mi zeê gyicy mi nu gyabic mbecy gyel mbecy ne̱, gun de riidz nu ya̱ gne̱e̱ lom, laabaê ndeê gniim lo de ru. 15 Gun dela coz nu rad lagy Ãgyoozh uza̱, niê ziêl ya̱ rad lagya̱ de coz zeê. Ndeê nu ya̱ mne̱e̱ lo der nu de riidz nu ne̱e̱ lo Espiriit Yon, laabaê ndeê gniim lo de ru. 16 ‘Nañ tub miiñ ziêl, orzeê wazacaê der ya̱. Tees nañ tub miiñaê ziêl, orzeê gzacaê der ya̱ ânam. 17 Orzeê la be de yu nu rsyaê lom bee nu dey losaêy riidz. Orzeê na dey: â¿Lac yaruu de riidz zeê nu nam nu nañ tub miiñ ziêl, orzeê wazacaê den mi; tees nañ tub miiñaê ziêl, orzeê bi gzacaê den mi, gun gyam lo Ãgyoozh, uz mi, nam? 18 ¿Lac yaruu de riidz zeê nu nañ tub miiñ? Rila wac gyet lag na cuen de coz nu mniim âna dey. 19 Orzeê Jesuuz guud lagy mi nu rlagy dey cugyiêy lom. Orzeê nam rab mi dey: âYa̱ bi mne̱e̱ lo der nu nañ tub miiñ ziêl orzeê wazac der ya̱. Orzeê nañ tub miiñaê ziêl, orzeê bi gzacaê der ya̱, mne̱e̱. ¿A walab riidz nu mne̱e̱ zeê, rgugyiê der lo losaêr? 20 Ya̱ rishli rne̱e̱ lo der nu de ru gun ru nunu gyicy shni der. Zeê de mbecy ni gyishlombecy cyit ni dey. De ru gyicy shni der tees gruu gyel shni zu lagy zeê ni der nunu gyet lagy der. 21 Ornu tub biñ mñaa bi rac ye nim nu gaal mi mdoo, orzeê ricy shnim gun bi pshuub or nim. Tees ornu bi bded nu gul mdoo nim, orzeê nit lagy mi nu gutow nim gun cyit nim nu bri mdoo lom gyishlombecy ii. 22 Niê ziêl de ru. Ricy shni der na. Tees ya̱ cush cya̱ nu yap güi̱i̱ der par lo. Orzeê gyel ni lardoo der nu gyet lagy ru. Nunu ni tub la mbecy wacgyicy dey nu checa der nu gyet lagy ru. 23 Ornu shuub dzi zeê, orzeê wugyiê gaê der lo̱. ‘Ya̱ rishli rne̱e̱ lo der nu Ãgyoozh, uza̱, cuic mi la ziêl coz nu cyiñ der lom nu nac ya̱. 24 Nunu mas gal dzi na ni tub la coz nigul cyiiñ der lom nu nac ya̱. Bdiiñ der lom nunu gad ñi ni der gun orzeê dub gal rii la lagy der gyet lagy ru. 25 ‘Ya̱ bi mne̱e̱ lo der de coz ii mod ni riidz tiily. Tees shuub dzi nu wane̱e̱ ga̱ê lo der nu riidz tiily, sinu naal la gne̱e̱ lo der nu nac de coz ni Ãgyoozh, uza̱. 26 Ornu shuub dzi zeê, orzeê wane̱e̱ lo der nu ya̱ diña̱ coz nu rlagy der lom, sinu ub la de ru cyiñ der coz zeê lom nu nac ya̱, 27 gun ub la Ãgyoozh, uza̱, rcam der. Rcam der gun de ru rca gaê der ya̱ nunu guña lagy der nu ya̱ bru̱u̱ lom. 28 Ya̱ bru̱u̱ lo Ãgyoozh, uza̱, yapa̱ gyishlombecy ii. Na ya̱ gru̱u̱ gyishlombecy ii par nu gya̱ lo Ãgyoozh, uza̱ ânam. 29 Orzeê na gaê de yu nu rsyaê lom rab yum: âNa gaal naal la rniir. Walab nu riidz tiily rniir. 30 Na gaal gud lagy de̱ nu ru rad lagy ru dela coz. Ni walagy ñi nu cugyiê mbecy lor par nu gad lagy ru la na coz nu rlagy yu. Ndeê gyicy ñi nu cheña lagy de̱ nu ru bruur lo Ãgyoozh âna dey. 31 Orzeê na gaê Jesuuz rab mi dey: â¿A ndeê nu gal na guña lagy der? 32 Na bi pshuub or, nunu na la ndeê, ornu de ru grush las der tub ga lar nu nez nir. Nunu gzeeñ ga der ya̱ ub zi̱. Tees walab ub zi gyiyeeña̱ gun Ãgyoozh, uza̱, gac num ya̱. 33 De la riidz ii rne̱e̱ lo der gun cheti ri añ ni der nu nac nu tub ziêl nac der nu ya̱. Gyishlombecy ii, de ru gzac zi der. Tees briic der baloor. Ya̱ bi bicya̱ gan gyishlombecy ânam.