San Juan 13

1 Anzir nu shuub dzi nu chuê saê ni Pas, orzeê bi gud lagy Jesuuz nu bi pshuub or nim nu ruum gyishlombecy nu gyam lo Ãgyoozh uz mi. Nunu dub laa tiem pcam de mbecy nu bicy cup consuel lom gyishlombecy ii. Nunu ni laa bicy mi gashtal pshuub la dzi nim. 2 Na Jesuuz gusub mi nu gyicy mi che nu de yu nu rsyaê lom. Orzeê nuras bi bicy yu nu mnii too Judas Iscariote iêñ Simo̱o̱ nu cush cyay ich mi. 3 Zeê Jesuuz gud lagy mi nu Ãgyoozh briic mi fers nim nu gac gyicy mi dela coz. Nunu gud lagy mi nu lo Ãgyoozh bruum. Nunu gud lagy mi nu cush cyam nu gyam lo Ãgyoozh. 4 Orzeê Jesuuz wes sum zeê nu zub mi ricy mi che. Orzeê bloom shab mi nu riib par ich. Orzeê gush mi tub negy nu cuiigy mi dey. Orzeê brim ñii nañ mi. 5 Orzeê bduêm nis nañ tub casuel. Orzeê brugyiê nu rgyiib mi gyiê tub ga de yu nu rsyaê lom, nunu pcuiigy mi gyiê dey nu negy nu bri nañ mi zeê. 6 Na ornu bdugyi Bed nu cyib mi gyiêy, orzeê nay rab yum: âShuaan na, ¿walab gaal ru cyib ru gyi̱ê ya̱? ânay. 7 Orzeê na Jesuuz rab mi yu: âNa na la wagyet lag ru cuen de coz nu ricy du̱ ru, tees par lo, orzeê gyet lag ru cuen ânam. 8 Orzeê na gaê Bed: â¡Mas lac ruê ya̱ washet ica̱ nu ru cyib ru gyi̱ê! ânay. Orzeê nam rab mi yu: âZeê benu wadiba̱ gyiêr, orzeê wac gac ru mbecy ne̱ ânam. 9 Orzeê na gaê Simo̱o̱ Bed: â¡Zeê benu ni, orzeê cueê nu gyiê ziêla̱ cyib ru, sinu niê ziêl ya̱a̱ gal nu to̱o̱! ânay. 10 Orzeê na Jesuuz rab mi yu: âCyu ziêl mbecy nu bi blaagy, yu zeê walagy ñi nu cyib yu deê zir lugaar ni cuerp niy. No maas gyiê ziêl yu rlagy ñi nu cyib yu, gun dutuub la cuerp niy bi byacaacy ñi. Zeê de ru bi byacaacy der, tees walab dela der ânam. 11 Jesuuz mniim nu walab dela dey byacaacy yu, gun bi gud lagy mi nu ca na yu nu cush cya ich mi. 12 Na ornu blazh nu bdiib mi gyiê dey, orzeê bzu gaêm shab mi nu riib par ich zeê. Orzeê bish cya gaêm nu gusub mi lo mez tuubaê tir. Orzeê nam: âDe ru, ¿a bet lag der cuen coz nu bicy du̱ der ii na? 13 De ru rnii der nu ya̱ naca̱ moscuel nunu naca̱ Shuaan der. Nunu laab ni gal nu de ru rniir nu naca̱. 14 Tees como ya̱ naca̱ moscuel ni der, nunu naca̱ Shuaan der, se ya̱ bdiba̱ gyiê der, ndeê nu niê de ru rlagy ñi nu cyib tub, cyib tub ziêl der gyiê losaêr. 15 Nii tub mod nu blyu̱u̱ ni der, gun orzeê niê ziêl mod gyicy nu der losaêr: gal nu ya̱ bicy du̱ de ru. 16 Ya̱ rishli rne̱e̱ lo der, nu ni tub la moz walab nu zily zir nac yu gazeê patro̱o̱ niy. Nunu ni tub la mbecy nu rza nu raso̱o̱ walab nu zily zir nac yu gazeê yu nu rzuu nez yu. 17 Na como bi gyet lag der cuen de coz ii, orzeê dzi ni der benu gyicy der gal nu ya̱ mne̱e̱. 18 ‘Walab nu rzata̱ dela de ru, gun rad lagya̱ la na lardoo de mbecy nu bi pcui̱. Tees rlagy ñi nu gyuê niñ gal nu rniiñ lat de riidz ni Ãgyoozh zeê nu rniiñ: “Tub mbecy nu bdow nu ya̱ gyishtily, mbecy zeê cush cyay icha̱”, rniiñ. 19 Ya̱ tiem ne̱e̱ de riidz ii lo der, anzir nu gac ñii, gun orzeê ornu gac ñii, de ru cheña lagy der nu ya̱ naca̱ biñ nu naca̱. 20 Ya̱ rishli rne̱e̱ lo der, benu ca na tub mbecy cueez yu tub yu nu gzuu neza̱ nu gyiyeeñ nuy yu, orzeê niê ziêl cueez yu ya̱ nu gyiyeeñ du̱ yu. Nunu cyu ziêl mbecy nu cueez ya̱, niê ziêl cueez yu Ãgyoozh biñ nu bzuu nez ya̱ nu yapa̱ ânam. 21 Na ornu blazh mnii Jesuuz de riidz zeê, orzeê tonaê la deet guc nañ lardoom. Orzeê naal la mniim lo dey. Orzeê nam: âYa̱ rishli ne̱e̱ lo der nu lat de ru gruu tub mbecy nu cush cya icha̱ ânam. 22 Orzeê de yu nu rsyaê lom, brugyiê nu rgüii tub, rgüii tub ziêl dey lo losaêy, gun wagad lagy dey cyu rniim. 23 Cuit Jesuuz gusub ya̱, tub yu rsyaê lom, nu gyicy du̱m che. Laab ya̱ yu nu dzi razañ lagy mi. 24 Orzeê Simo̱o̱ Bed briic yu nu gad lagya̱ nu rlagy yu nii nuy ya̱. Orzeê nay: âBdugyiê lom ben ca na den rzat mi ânay. 25 Orzeê byagaab zira̱ lo Jesuuz. Orzeê mne̱e̱: âShuaan de̱, ¿cyu ndeê? âmne̱e̱. 26 Orzeê na Jesuuz: âYa̱ sala̱ tub laê gyishtily. Orzeê yu nu grica̱ ñii ni zeê orzeê yu zeê ndeê ânam. Na ornu blazh mniim de riidz zeê, orzeê psal mi tub laê gyishtily. Orzeê briic mi ñii ni Judas, yu nu nac iêñ Simo̱o̱ Iscariote. 27 Nunu cuanzir gush Judas gyishtily zeê, orzeê nuras gutib ic yu nañ lardooy. Orzeê na Jesuuz rab mi yu: âNa bicy lal gua gyicy ru ca na coz nu gyicy ru ânam. 28 Tees ni tub la de yu nu nguaa lo mez zeê wangyet lag dey cuen lagu nu ni mniim gugy mi Judas. 29 Gun Judas nac yu yu nu riib ic nerbid tiñ. Orzeê la be de yu nu nguaa zeê mnii too dey nu Jesuuz mniim lo Judas nu cha ziiy coz nu cyiiñ par saê. O benu walab ni, orzeê nu cha leez yu la tub coz lat de mbecy zi, na dey. 30 Orzeê laab gush la Judas gyishtily zeê. Orzeê bruuy zay. Ndeê tub or bi rel. 31 Na despuees ornu bi bruu Judas nu zay, orzeê na Jesuuz: âNa bi pshuub dzi ne̱ ya̱, biñ nu byac mbecy, nu gabe nu dzi lily na̱, nunu nu nac ya̱ gabe nu dzi lily na Ãgyoozh uza̱. 32 Nunu benu gabe nu dzi lily na Ãgyoozh nu nac ya̱, orzeê niê ziêl Ãgyoozh gyicy mi nu gabe gyel lily ne̱ ya̱, nunu bi gyicy gyiily lam ñii. 33 De ru, yu nu na gal nu na iêña̱, walabaê nu tuñ tiem cyiiñ du̱ der. De ru yub der ya̱, tees niê ziêl rne̱e̱ lo der na gal nu mne̱e̱ lo de mbecy Israeel: “Wac gya der zeê nu ya̱ gya̱." 34 Ya̱ gzeeña̱ tuubaê riiñ cub nu gyicy der: nu ca tub, ca tub ziêl der losaêr. Gal nu ya̱ rca̱ de ru, niê ziêl gyicy der nu ca tub, ca tub ziêl der losaêr. 35 Zeê benu de ru ca tub, ca tub ziêl der losaêr, orzeê dela mbecy gad lagy dey nu de ru nac der mbecy nu rsyaê lo̱ ânam. 36 Orzeê na Simo̱o̱ Bed rab yu Jesuuz: âShuaan de̱, ¿zeê ca char? ânay. Orzeê na Jesuuz: âNa na la wac cyid car icha̱ zeê nu ya̱ gya̱. Tees par lo gac cyid car icha̱ ânam. 37 Orzeê na Bed rab yum: âShuaan de̱, ¿lagu wac yap ca̱ ich ru na la? ¡Ya̱ bi zu̱ la̱ ca na nu zu̱, mas gata̱ nu nac ru! ânay. 38 Orzeê na gaê Jesuuz rab mi yu: â¿A rishli gaal bi zur nu gat ru par nu nac ya̱? Ya̱ rishli rne̱e̱ lor nu anzir nu cuedz ngüel, orzeê chon tir niir nu a̱ê yuê lor ya̱ ânam.