Santiago 5

1 ¡Na de ru mbecy guaniêñ bzuub gyidag der ne̱! ¡De ru gun der, nunu cush ti der nu nac de gyel zi nu gzac der! 2 De gyel nap ni der bi rtop ñi, nunu de shab der bi row bigyich ñi. 3 De or gal nu de plat ni der bi driib guul ñi. Nunu guul zeê, ndeê tub teshtig nu shiñ ricy der. Ndeê tub coz nu nit loñ der gal nu ricy gyi nu tub la coz. Na ornu bi rlazh tiem, orzeê cyaañ der gyel nap nir. 4 Nunu ni wangyabic der i de yu nu bicy riiñ nir, de yu nu rteê cosech ni der. Nunu ndeê zañ contr ni der. Nunu Shuaan na, biñ nu riib ic de anc zigy, reñ mi ornu de yu nu bicy riiñ ni der zeê rguê cyiy de ru lom nu nac riiñ nu bicy dey nir. 5 Gyishlombecy ii tonaê la zu baa der nunu ricy der gusht nir. Nunu bicy reêñ der ub ru gal nu ricy reêñ dey tub chigud nu cut yu. 6 Rnii der nu yuê falt ni de mbecy nu sac falt ni, nunu rut der dey. Ii se la la coz bicy dey ornu gut yu. 7 Ndeê nu der bicy na, bicy cup der pase̱z gashtal cyid la Shuaan na. Bduê cuen der mod nu ricy mbecy nu rnuuz la coz. Nu pase̱z rbez yu nu teêy cosech nu dzi sac. Nu loga la rbez yu nu pase̱z nu gri gyey loga. Niga rbezaêy nu gri gyey cyup. 8 Orzeê ni rlagy ñi nu gyicy cup der pase̱z. Cueê shiêñ der baloor, gun bi shuub dzi nu cyid Shuaan den tuubaê tir. 9 Der bicy na, tub ga la der walagy ñi nu nii deet ru nu nac de losaêr, gun orzeê Ãgyoozh waniim ti yuê falt ni der. Tees Ãgyoozh, biñ nu gri bee ni mbecy, bi yad shuub dzi nu ruêñam. 10 Der bicy na, pcaa ic der de yu nu psaa raso̱o̱ ni Shuaan den, de yu nu mnii por cuen nim gulas, gun orzeê gad lagy der lac mod gyicy ru. Benu rlagy der gad lagy ru lac mod gagyer ornu gzac zir, orzeê bduê cuen der lac mod gugyee dey ornu bzac ziy. 11 De ru rad lagy der nu de ub na ricy na de mbecy nu ragyee ornu rzac zi par tub mbecy nu dzi ni. Bi rad lagy der nu Job gugyeey ornu bzac ziy. Rad lagy der lac mod bicy nu Ãgyoozh yu. Nunu rad lagy der nu Shuaan den dzi gushni lagy mi yu. Nunu nap bicy num yu. 12 Der bicy na, mod nu ricy zir ñi presis, benu nii der tub coz lo losaêr, cueê zat der ni tub la coz par nu gabe nu rishli gal nu rnii der. Cueê zat der gyibaa. Ni cueê zat der gyishlombecy. Ni cueê zat der ni tub la coz. Tees benu laab ni rlagy der niir, orzeê laab ni niir. Nunu benu walab ni rlagy der niir, orzeê walab ni niir. Gun orzeê Ãgyoozh waniim ti yuê falt ni der. 13 ¿A yuê mbecy lat der nu dzi rzac zi dey? Orzeê rlagy ñi nu cyiñ yu lo Ãgyoozh. ¿A yuê mbecy lat der nu zu cyit lagy yu? Orzeê rlagy ñi nu gul yu nunu gyabicy yu gyel mbecy nim. 14 ¿A yuê mbecy rat lat der? Orzeê rlagy ñi nu cuedz dey de yu bel nu zu riiñ lat de mbecy ni Crisht. Orzeê cyiñ dey lo Ãgyoozh nu nac yu rat zeê. Nunu coo dey asecy tooy. Orzeê nii dey lo Shuaan den nu gyicy yac mi yu. 15 Orzeê nu nac nu gyicy cup dey consuel lo Ãgyoozh lat nu cyiñ yu lom, orzeê yu rat zeê gyac yu. Nunu Ãgyoozh gyicy yac mi yu. Nunu gyicy sulagy mi de cyiy. 16 Orzeê tub ga la der bicy caacy der cyir lo losaêr. Nunu tub ga la der bdiiñ der lo Ãgyoozh ni losaêr. Nunu ornu tub mbecy nap cyiñ yu lo Ãgyoozh nu dutuub la lardooy, orzeê tonaê la coz ily gyicy ñi. 17 Elías, tub yu nu mnii por cuen ni Ãgyoozh, guc yu tub mbecy gal nu na de ub na. Na ornu bdiiñ yu lo Ãgyoozh nu dutuub la lardooy nu cueê gyet gyey, orzeê gyey wangyet ñi lugaar zeê chon ñaên nu. 18 Na despuees ornu bdiiñaêy lo Ãgyoozh, orzeê brugyiê gaê nu yet gyey, nunu yu briic ñi cosech. 19 Der bicy na, benu rusu tub mbecy lat der nu ruu chuy lo de coz rishli, nunu benu tuubaê mbecy gyicy yu nu cush cya gaêy lo coz rishli, 20 orzeê bi neñ der nu cyu ziêl mbecy nu gyicy yu nu mbecy cyi zaan yu de coz a̱ê nap nu ricy yu, nunu orzeê cush cyay lo Ãgyoozh, orzeê yu nu ni bicy zeê gyicy yu nu gruu mbañ mbecy cyi zeê, nunu gyicy yu nu gyicy sulagy Ãgyoozh dela cyiy.