Gálatas 1

1 Ya̱ Baly tub aposht, tub yu nu rded riiñ ni Jesucrisht. Riiñ nu bdugyi̱, ndeê walab coz nu bruu lo de mbecy, nunu walab riiñ nu briib mbecy ica̱, sinu Jesucrisht nu Ãgyoozh, uz na, briib mi ñii ica̱. Nunu Ãgyoozh, uz den bicy mi nu byabañ Jesucrisht. 2 Ya̱ nu de bicy na nu yuê ii zeed de̱ ñgyoozh ni dela mbecy ni Crisht nu yuê de gyedz nu yuê lo de yu nu la Galacia. 3 Orzeê Ãgyoozh, uz den, nunu Shuaan den Jesucrisht gyicy dem faboor nu nap gyicy num de ru, nunu gyicy mi nu cheti ri añ ni der. 4 Jesucrisht pshet ic mi nu gut mi par nu cyish mi cyi den. Ni bicy mi, gun orzeê locyuub mi den lat nu rded na lat de mbecy shiñ ricy nu yuê gyishlombecy ii. Ni bicy mi gun ndeê coz nu rlagy Ãgyoozh, uz den. 5 Rlagy ñi gyabic na gyel mbecy nim tub la. ¡Laab ni gac ñii! 6 Ya̱ tonaê la za du ica̱ nu wangac tuñ la bi rlaa yaa der Ãgyoozh, biñ nu pcui de ub na nu gac nim nu nac faboor nu bicy Crisht. Rlaa yaa der Ãgyoozh par nu ricy cup der consuel lo reñaê riidz nu rniiñ nu reñaê mod ruu mbañ naa. 7 Rishli walab nu yuê reñaê riidz nu rniiñ lac mod gruu mbañ mbecy, tees yuê la be mbecy nu rcan yu shcab ni der, nunu rlagy yu chaay de riidz nu sac ni Crisht. 8 Tees mas de̱ ya̱, o mas tub anc nu ruu gal gyibaa shaal yu tub riidz nu za contr ni riidz nu pshaal de̱ lo der, orzeê yu zeê byanduuy. 9 Gal nu bi mne̱e̱ lo der, laabaê ndeê ne̱e̱ ga̱ê na. Benu ca na mbecy shaal yu tub riidz nu za contr ni de riidz nu sac ni Jesucrisht, de riidz nu ricy cup der consuel lo zeê, orzeê yu zeê byanduuy. 10 Ya̱ wagne̱e̱ de coz nu yet ziêl lagy mbecy, sinu rne̱e̱ de coz nu yet lagy Ãgyoozh. Walab nu ricya̱ nu gyet lagy mbecy ya̱, gun benu ni gyicya̱ par nu gyet lagy mbecy ya̱, orzeê wagyicy yaca̱ nu de mandaar nu rnii Crisht. 11 Ya̱ rlagya̱ rica̱ nu gad lagy der bicy na, nu de riidz ni Jesuuz nu rshaala̱, ndeê walab coz nu bloo ic mbecy. 12 Ni walab lo mbecy blo̱o̱ ñii. Ni walab mbecy blyuuy ne̱. Sinu Jesucrisht bicy mi nu gud lagya̱ ñii. 13 Gun de ru bi güeñ der mod nu bicya̱ gulas, lat nu pca lagya̱ lo cushtom ni de mbecy Israeel. Ya̱ fert la bzaba̱ nu psheed zi̱ de mbecy ni Crisht. Nunu mnii to̱o̱ nu nit lo̱ dey. 14 Ya̱ bicy pa̱a̱ zira̱ nu de cushtom ni de mbecy Israeel gazeê deê zir de losa̱ê mbecy Israeel, de losa̱ê nu tub ziêl ñaên de̱, gun ya̱ tonaê la bicy zilya̱ de cushtom ni de gyitoo bel ne̱. 15 Tees Ãgyoozh nil bloo sum ya̱ nu gaca̱ nim nese anzir nu gala̱ ni ñaa. Orzeê bicy mi tub faboor ily briib mi riiñ nim ica̱. Nunu bet lagy mi 16 nu bicy mi nu guê lo̱ iêñ mi, Jesuuz, gun orzeê ya̱ gac shaala̱ riidz ni Jesuuz lat de mbecy nu walab mbecy Israeel. Ornu bicy mi ndeê, ya̱ wansaapa̱ riidz nu ni tub la mbecy. 17 Ni wancha̱ Jerusaleeng nu ñgya̱ güi̱i̱ deê zir de yu nu bi nac aposht anzir nu ya̱ gaca̱ aposht. Sinu lueg la gua̱ gal Arabia. Orzeê bru̱u̱ Arabia, gazeê nu bish cya̱ za̱ par Damasco. 18 Gal bzaê chon ñaên, gazeê nu bru̱u̱ Damasco ya̱a̱ par Jerusaleeng nu duê lo̱ Bed. Orzeê pcyiiñ du̱ yu tiiñ dzi. 19 Tees wansaca̱ deê zir de aposht. Nomaas Santiag bicy Shuaan den, yu zeê ziêl bzaaca̱. 20 Ãgyoozh rad lagy mi nu de coz nu ca̱a̱ lo gyicy ii, nii coz rishli. 21 Despuees gazeê nu bru̱u̱ Jerusaleeng. Gua̱ de lugaar ni Siria nunu gua̱ de lugaar ni Cilicia. 22 Nunu de mbecy ni Crisht, de yu nu yuê Judea, gabee nigul chuê lo dey ya̱ nu zac la dey lo̱. 23 Nomaas reñ ziêl dey nu zaab riidz nu rnii mbecy: “Yu nu bzab ich den gulas, na bi rded yu rshaal yu riidz nu ricy cup den consuel lo, riidz nu ngulagy yu nu nnit loy gulas”, rnii mbecy. 24 Orzeê ryabicy dey gyel mbecy ni Ãgyoozh nu nac ya̱.