Efesios 3

1 Nu nac nu ndeê, ya̱ Baly, ri̱ pres nu nac Jesucrisht. Ri̱ pres nu nac nu blocyuuba̱ de ru mbecy nu walab mbecy Israeel. 2 Tees de ru segur la bi neñ der nu Ãgyoozh dzi nap mi. Ndeê nu bduêm riiñ ya̱a̱, gun nu ndeê coz nu cyiiñ par de ru. 3 Ãgyoozh briic mi nu gad lagya̱ de coz nu bloo ic mi nu gyicy mi. De ndeê coz nu wangad lagy de mbecy gulas. Ya̱ bi pca̱a̱ ñumiê de riidz nu brica̱ nu gad lagy der. 4 Na ornu syaê der ñii, orzeê gad lagy der de coz nu ya̱ rad lagya̱ ni Crisht. Ndeê de coz nu wangad lagy mbecy gulas. 5 Ãgyoozh wancuic mi nu gad lagy ni tub la mbecy de coz zeê gulas, tees na Espiriit Yon nim briic mi nu gad lagy de aposht nim gal nu de yu nu mnii por cuen nim. 6 Zeê de riidz nu wangad lagy mbecy zeê, ndeê nu nac de riidz nu sac ni Crisht, coz nu cuic Ãgyoozh ni de mbecy Israeel, laabaê ndeê cuic mi ni de mbecy nu walab mbecy Israeel. Orzeê gac dey gal nu na tub ziêl cuerp. Nunu de coz nu mnii Ãgyoozh nu segur la gyicy mi nu nac Jesucrisht, orzeê de coz zeê gazaê de mbecy nu walab mbecy Israeel dugyiy ñi. 7 Ãgyoozh bduêm riiñ ya̱a̱ nu gyicya̱ riiñ ni de riidz zeê mas rila wangyapa̱ nu ni gyicy num ya̱. Mi zeê bduêm ñii ya̱a̱ nu nac nu dzi coz ily ricy mi. 8 Ya̱ naca̱ mbecy nu gash zir zu par de mbecy nu blaazhaê zir gash zu nu yuê lat de mbecy ni Ãgyoozh. Mas ni, tees Ãgyoozh nap bicy num ya̱ ornu bduêm riiñ ya̱a̱ nu shaala̱ de riidz nu blaazhaê la ñgyup sac ni Crisht lat de mbecy nu walab mbecy Israeel. 9 Bduêm de riiñ zeê ya̱a̱ nu gyicya̱ nu gad lagy dela mbecy ca na de coz nu bloo ic Ãgyoozh nu gyicy mi. Nese gulas tonaê la wangad lagy de mbecy de coz nu bloo ic Ãgyoozh zeê. Nunu laab mi psaê lagy mi dela coz. 10 Ni bicy mi, gun orzeê dela mbecy nu riib ic gyibaa gad lagy dey la na de lo la shcab nim nu nac de mbecy ni Crisht. 11 Ãgyoozh, ni bicy mi ñii, gun ndeê coz nu nil rlagy mi nu gyicy mi nese nu bzub gyiê tiem. Orzeê briib mi ñii ic Shuaan den Jesucrisht nu gyicy mi ñii. 12 Orzeê nu nac Crisht rila wadzib lagy den nu gyechaên lo Ãgyoozh. Nunu wadzib den nu gyechaên lom nu nac consuel nu ricy cup na lom. 13 Ndeê nu ya̱ rnishba̱a̱ lo der nu cueê shiêñ der baloor nu nac nu rzac zi̱ nu nac de ru, gun de nu rzac zi̱ ii, nii coz nap par de ru. 14 Nu nac de nu ndeê, orzeê ya̱ rzu tiba̱ lo Ãgyoozh Uz den. 15 Orzeê lo Ãgyoozh bruu nu la dela de mbecy nim: de yu nu yuê gyibaa, gal nu de mbecy nu yuê gyishlombecy ii. 16 Ya̱ diña̱ lo Ãgyoozh, Uz den, nu cuic mi faboor cyit na nim ni der, faboor lily nu gruu lat zañ de faboor cyit na nu ricy cup mi. Nunu faboor nu cuic mi zeê, ndeê nu gyicy mi nu cyiiñ der, nunu cuic mi fers ni der nañ lardoor nu nac Espiriit Yon nim. 17 Nunu diña̱ lom nu Crisht cyiiñ mi nañ lardoo der nu nac nu ricy cup der consuel lom. Orzeê de ru zaab fert zir ca der Ãgyoozh. 18 Gun orzeê gad lagy dela mbecy ni Ãgyoozh nu tonaê la coz ily rca Crisht dey. Gyel rca nim, ndeê nañ gal nu na tub coz nu blaazhaê la she, nu blaazhaê la tuñ, nu blaazhaê la gyi, nu blaazhaê la gya. 19 Rdiña̱ lom nu gad lagy der nu rcam de ru. Tees par de nu ndeê tonaê la coz ily, ndeê nu wagagyee shcab ni der nu gad lagy ru. Rlagy ñi nu gad lagy der nu rcam de ru, gun orzeê gyicy cup zaê la der Ãgyoozh. 20 Orzeê na rlagy ñi gyabic den gyel mbecy ni Ãgyoozh. Mi zeê biñ nu gac gyicy coz ilyaê zir gazeê de coz nu rdiñ na lom, nunu coz ily zir ricy mi gazeê de coz nu rnii too den. Gyicy mi ñii nu nac de mod nu ricy mi nañ lardoo den. 21 ¡Orzeê dela mbecy ni Crisht rlagy ñi nu gyabic dey gyel mbecy ni Ãgyoozh nu nac Jesucrisht tub la, nunu dub laa tiem! ¡Laab ni gac ñii!