Colosenses 4

1 Na de ru patro̱o̱, bicy der mod nu seêñ nu de mbecy nu nac moz por fers la ni der. Bicy der nu gyezaê lagy ru nu niê de ru zu tub patro̱o̱ nir gyibaa. 2 Nunu zaab mnii nu laa der Ãgyoozh. Zaab zu laa der altant nu cuic ru gras nim lat nu rnii nu der mi. 3 Nunu niê ziêl bdiiñ der lom par nu nac de̱ ya̱, gun orzeê cuic mi mod nu shaal de̱ de riidz ni Crisht, de riidz nu wangad lagy de mbecy gulas. Gun par nu nac de riidz zeê ri̱ pres. 4 Orzeê bdiiñ der lom, gun cuic mi mod nu naal la ne̱e̱ lo de mbecy gal mod nu rlagy ñi nu gyicya̱. 5 Bicy der tub mod nu raso̱o̱ nu de mbecy nu wagyicy cup consuel lo Crisht. Cueê zaan der nu nit lo tiem ornu gad mod nu gyicy der riiñ ni Crisht. 6 Dub laa tiem, ornu go der riidz nu de mbecy, orzeê mnii der riidz nap, gal nu riidz nu gyet lagy dey. Nunu rlagy ñi nu gad lagy der lac mod tush cyar riidz lo tub ga mbecy. 7 Bicy den Tíquico, yu nu dzi rcaan, guc yu tub yu nu bicy paa ornu blocyuub yu de ub na, nunu ricy yu riiñ ni Shuaan den Jesuuz nu ya̱. Yu zeê cyid nuy raso̱o̱ ne̱ lo der. 8 Ndeê nu ya̱ zuu neza̱ yu cyid yu lo der. Orzeê niiy lo der lac yu̱ê de̱ par ii. Orzeê cuic yu baloor ni der. 9 Laab nu Tíquico cyid bicy na Onésimo, yu nu dzi ricy paa. Yu zeê laab losaê de ru. De yu zeê gyooy rishlo der dela coz nu rac par ii. 10 Aristarco, losa̱ê nu ri̱ nañ yuê gyiib, zeed yu ñgyoozh ni der. Niê ziêl Marc zeedaêy ñgyoozh ni der. Yu zeê bicy cueñ Bernabee. De ru bi bri tub gyicy lo der nu rzat ñi Marc. Benu cyid güiiy de ru, orzeê nap bicy nu der yu. 11 Niê ziêl Jesuuz, yu nu rnii dey Jusht, zeed yu ñgyoozh ni der. Nomaas de yu ii ziêl yu nu yuê lat de mbecy Israeel nu ricy cup consuel lo Crisht nu yuê du̱ ii. De yu ii ziêl ricy du̱ riiñ ni gyel gubier ni Ãgyoozh. De yu ii nac dey tub consuel ily ne̱. 12 Epafras niê ziêl zeed yu ñgyoozh ni der, nunu nac yu tub yu nu ricy riiñ ni Jesucrisht. Yu zeê laab losaê de ru. Dub laa tiem rnishbaay lo Ãgyoozh par nu nac de ru ornu rnii nuy mi, gun orzeê gyafert der, nunu gac nap la der, gal nu na mbecy nu gul shcab ni. Gac der mbecy nu wagyicy cyup ic, nunu gyicy der gal nu rlagy mi. 13 Ya̱ Baly naca̱ teshtig ni dela coz nu ricy Epafras. Tonaê la rzu bich yu nu nac de ru gal nu de mbecy nu yuê Laodicea, gal nu de mbecy nu yuê Hierápolis. 14 Luc, yu nu nac doctoor, yu nu dzi rca den, zeed yu ñgyoozh ni der. Niê ziêl Demas. 15 Gab der de bicy na nu yuê Laodicea shnu dey. Gab der Ninfa shnuñ gal nu de mbecy ni Crisht nu ryatublaazh yuêñ. 16 Na ornu lazh lab der lo gyicy ii, orzeê gzeed der ñii chañ lat de mbecy ni Crisht nu yuê gyedz Laodicea. Gun orzeê niê ziêl de yu zeê lab dey loñ. Zeê na niê ziêl de ru labaê der lo gyicy nu gruu gyedz zeê. 17 Nii der lo Arquipo ni raso̱o̱ nu zeeda̱ ii: nu ca ic yu nu gyicy yu de riiñ nu bduê Shuaan den Jesuuz yaay. 18 Ya̱ Baly ca̱a̱ de riidz ii nu ya̱a̱ nu letr ne̱ nu zeeda̱ ñgyoozh ni der: Ca ic der nu ya̱ ri̱ nañ yuê gyiib. Ãgyoozh gyicy mi faboor nu nap gyicy num der.