Colosenses 1

1 Ya̱ Baly naca̱ aposht ni Jesucrisht, gun ndeê coz nu rlagy Ãgyoozh. Ya̱ nu biicy na Timoteo tublaazh la zeed de̱ gyicy ii lo der, 2 lo de ru mbecy ni Ãgyoozh nu yuê Colosas, lo de ru bicy na nu ricy paa nu de coz ni Crisht. Ãgyoozh Uz den gyicy mi faboor nu nap gyicy num der, nunu gyicy mi nu cheti ri añ ni der. 3 Dub laa tiem ornu rne̱e̱ du̱ de̱ Ãgyoozh, Uz Shuaan den Jesucrisht, nu nac de ru, orzeê dric de̱ gras nim. 4 Gun bi gud lagy de̱ nu fert ricy cup der consuel lo Jesucrisht, nunu dzi rca der dela losaêr nu nac mbecy ni Ãgyoozh. 5 Nu nac nu rgyish lo der lo de coz nu bi yuê choow nir gyibaa, ndeê nu dzi rca der losaêr. De ru bi bzuub gyidag der de riidz ni de coz nu rgyish lo der lo zeê lat nu güeñ der de riidz nu rishli, de riidz nap nu rnii lac mod gruu mbañ de mbecy. 6 Orzeê de riidz nu bdunii lo der zeê, zaab za lañ dela lugaar ni gyishlombecy, nunu ricy ñi mod nu nap nu de mbecy, laab niê ziêl gal nu guc lat de ru nese ornu güeñ der nu rnii de mbecy nu nap ricy Ãgyoozh num den nunu gud lagy der nu rishli gal nu mnii dey. 7 De ndeê coz nu blyuu Epafras ni der, yu nu dzi razañ lagya̱ zeê. Yu zeê yu nu ricy riiñ lat de ru lugaar ne̱ ya̱. Nac yu tub yu nu ricy riiñ ni Jesucrisht lat der, nunu tonaê la ricy paay. 8 Nunu laab yu zeê mniiy lo̱ de̱ nu Espiriit Yon ni Ãgyoozh bicy mi nu tonaê la rca der losaêr, nay. 9 Ndeê nu nese dzi nu güeñ de̱ de nu ndeê, orzeê zaab rne̱e̱ du̱ la̱ de̱ Ãgyoozh nu nac der, nunu rdiñ de̱ lom nu nap gyet lag der cuen ni de coz nu rlagy mi, nunu rdiñ de̱ lom nu cuic mi de lo la shcab nap nu druu lo Espiriit Yon nim ni der. 10 Gun benu ni, orzeê gac cyiiñ der gal mod nu rlagy Shuaan den Jesuuz, nunu dub laa tiem gyicy der de coz nu gyet lagy mi. Nunu zañ coz nap gyicy der nu nac mod nu rcyiiñ der. Nunu cugyiê nu nap zir cuê lo der Ãgyoozh. 11 Nunu rdiñ de̱ lom nu gyicy fert mi der nu nac nu dzi lily nam ornu ricy mi de coz ily. Orzeê de ru nu pase̱z fert la ragyee der mas deet rac. 12 Bet lagy der, nunu briic der gras ni Ãgyoozh, Uz den, gun mi zeê bi bzu lily mi de ru nu gyash yaa der ca na coz nu ca lo cuen nu gad ni de mbecy nu nac num lugaar zeê nu yuê yaa nim. 13 Gun Ãgyoozh bi bloo nap mi de ub na lugaar zeê nu cow, zeê nu riib ic nuras. Orzeê ya num de ub na par lugaar zeê nu riib ic Iêñ mi nu dzi rcam. 14 Nu nac Iêñ mi zeê bloo mbañ mi de ub na, nunu bicy sulagy mi dela cyi den. 15 Ãgyoozh wac zac nam, tees gal nu na Ãgyoozh niê ziêl na Crisht, biñ nu gac zac na. Orzeê mi zeê Iêñ logam, biñ nu gya zir zu par dela coz nu psaê lagy Ãgyoozh. 16 Par nu nac Iêñ mi zeê psaê lagy mi dela coz nu yuê gyibaa, gal nu dela coz nu yuê gyishlombecy ii. Laab nu nac Iêñ mi psaê lagy mi de coz nu gac zac na, gal nu de coz nu wac zac na. Gazaê de anc nu riib ic, gal nu de anc fert, par nu nac mi zeê Ãgyoozh psaê lagy mi dela de yu zeê. Orzeê Ãgyoozh psaê lagy mi dela coz nu nac Iêñ mi, nunu psaê lagy mi dela coz par Iêñ mi. 17 Crisht nil zum nese anzir nu gruu zac dela coz, nunu par nu nac mi zeê, dela coz yuêñ gal mod nu rlagy ñi. 18 Dela mbecy ni Crisht na dey gal nu na tub cuerp. Zeê Crisht nac mi too cuerp zeê. Laab mi zeê zum nese nu loga la. Nunu laab mi byabañ mi nu loga la ornu gut mi, gun orzeê gya zir zum par dela coz. 19 Gal nu na Ãgyoozh niê ziêl na Jesucrisht, gun ndeê coz nu rlagy mi. 20 Gun par nu nac Crisht, Ãgyoozh rlagy mi zu nap mi dela coz nu psaê lagy mi, de coz nu yuê gyishlombecy ii, gal nu de coz nu yuê gyibaa. Gun orzeê nap yuê num dela coz par nu nac nu pshu reñ Jesuuz ornu pcam lo cruuz. 21 Gulas de ru walab mbecy ni Ãgyoozh nac der, sinu guc der losaê yuum nañ lardoor par nu nac de coz a̱ê nap nu bicy der. 22 Tees na laab Ãgyoozh bicy mi nu nap yuê nu der mi nu nac mod nu bzac Crisht ornu gut cuerp nim. Ni bicy mi, gun orzeê gad mod nu gyechaê der lom. Byac der mbecy nu bi zu chu par nu gac nim. Byac der mbecy cacy, mbecy nu sac falt ni. 23 Tees par nu ni ricy Ãgyoozh num de ru, orzeê rlagy ñi nu gzu fert der nu nac de coz nu bi ricy cup der consuel lo. Orzeê cueê glaa yaa der de coz nu rgyish lo der lo, de coz nu guud ni der ornu güeñ ru de riidz nu sac ni Jesucrisht. De ndeê riidz nu rdunii lo de mbecy dutuub la gyishlombecy. Nunu gaza̱ê ya̱ Baly rlocyuuba̱ nu rshaala̱ de riidz zeê. 24 Na ya̱ yet lagya̱ nu rzac zi̱ nu nac de ru, gun nil bi ca lo cuen nu tonaê la gzac zi de mbecy. Na ya̱ rzac zi̱ nu cuerp la ne̱ gal nu bzac zi Crisht, gun orzeê gaza̱ê locyuuba̱ nu shuub laz ni de nu rzac zi de mbecy ni Crisht. Ya̱ rzac zi̱ nu nac de mbecy ni Crisht, de yu nu bi nac cuerp nim. 25 Orzeê Ãgyoozh bicy mi nu gyicya̱ riiñ ni dela mbecy nim. Bduêm riiñ zeê ya̱a̱ nu locyuuba̱ de ru. Zeê riiñ zeê, ndeê nu rshaala̱ dela riidz nim. 26 Ya̱ rshaal nap la̱ de riidz nu rila wangad lagy de mbecy gulas. Tees na Ãgyoozh rbic mi nu gad lagy dela mbecy nim ni de riidz zeê. 27 Orzeê Ãgyoozh rlagy mi cuic mi nu gad lagy de mbecy tub coz ngach nim nu tonaê la coz nap, nunu tonaê la cyit. Coz ngach zeê, ndeê par dela mbecy mas yu nu walab mbecy Israeel. Coz ngach zeê, ndeê Crisht, biñ nu rcyiiñ nañ lardoo de ru. Orzeê nu nac mi zeê segur la gzac der lo de coz cyit na nu gad ni der par lo. 28 De̱ ya̱ rzat de̱ Crisht, nunu rshu̱u̱ du̱ de̱ dela mbecy, nunu rlyu̱u̱ ni dey nu de shcab lily nu ricy cup de̱. Orzeê gu̱ê de̱ de mbecy ni Crisht nu bi gul shcab ni yaa Ãgyoozh. 29 Ndeê nu ricya̱ riiñ, nunu tonaê la rloo lo̱ nu dela fers ne̱. Rac ricya̱ ñii gun Crisht rbic mi fers ne̱.