Hechos 6

1 Laab tiem zeê, ornu bi ryañ zir de mbecy nu ricy cup consuel lo Crisht, orzeê de mbecy Israeel nu rnii griego nu de mbecy Israeel nu rnii hebreo, riidz guledz, bdzaê dey ni losaêy. De mbecy nu rnii griego mnii dey nu wagyicy paa mbecy ornu rgyeez dey de coz nu gow byud nu yuê lat dey. 2 Orzeê trocyup de aposht zeê bredz dey de mbecy nu ricy cup consuel lo Crisht. Orzeê na dey rab yu dey: âWalab seêñ nu checa̱ de̱ nu ne̱e̱ de riidz ni Ãgyoozh par nu lyu̱u̱ de̱ ni der nu lac mod gyicy nu der de coz nu gow de mbecy. 3 Orzeê de ru bicy na, laab lat der bloo su gagy yu gyeey, de yu nu rca lagy der lo. Rlagy ñi mbecy nu riib ic zaê la Espiriit Yon ni Ãgyoozh nañ lardoo, nunu rlagy ñi mbecy nu yuê shcab ni. Orzeê de̱ ya̱ du̱ê de̱ riiñ zeê yaa dey. 4 Zeê de̱ ya̱, dub laa tiem ne̱e̱ du̱ de̱ Ãgyoozh, nunu shaal de̱ de riidz nim âna dey. 5 Orzeê dela mbecy bet lagy dey riidz nu mnii de aposht zeê. Orzeê bloo su dey Shteb, tub mbecy nu tonaê la fert ricy cup consuel lo Crisht. Nunu riib ic zaê la Espiriit Yon ni Ãgyoozh nañ lardooy. Gush lañ: Lip, nu Proc, nu Nicanor, nu Timón, nu Parmenas, nu Lyaa, tub mbecy nu gul Antioquía. De uz yu walab mbecy Israeel, tees ub yu gush yu leey ni mbecy Israeel. Dela yu zeê bloo su dey. 6 Orzeê de mbecy gua nu dey yu lo de aposht. Orzeê de aposht briib yaay too tub ga dey, nunu mnii nu dey Ãgyoozh nu nac dey. 7 Orzeê zaab drush las la de riidz ni Ãgyoozh. Orzeê tonaê la byañ de mbecy nu ricy cup consuel lo Crisht Jerusaleeng. Gashtal zigy de uz ni de mbecy Israeel bicy cup dey consuel lo Crisht. 8 Orzeê yu nu la Shteb zeê, tonaê la nap bicy nu Ãgyoozh yu nunu dzi rcyiiñ yu nu gyicy yu coz nu rlagy mi. Bicy yu zañ nusuriidz, nunu zañ coz nu za nu ic mbecy bicy yu. 9 Tees yuê la be mbecy nu gua contr niy. Yuê mbecy nu bruu lat de mbecy nu rza nañ yuê nu rsyaê de mbecy riidz ni Ãgyoozh, yuê nu la Yuê ni De Mbecy nu Bdulaa Yaa. Yuê mbecy nu bruu Cirene, yuê mbecy nu bruu Alejandría, yuê mbecy Cilicia. Yuê gaê mbecy nu bruu lo de yu nu la Asia. Orzeê brugyiê ro zi dey riidz nu Shteb. 10 Tees Espiriit Yon ni Ãgyoozh pshaal mi shcab ni Shteb. Par nu tonaê la nap mniiy, wangacaê la nii de mbecy nu radzay. 11 Orzeê briish dey ni mbecy par nu riib yu cyi fals ic Shteb. Orzeê na de mbecy zeê: âDe̱ ya̱ güeña̱ nu Shteb rniiy riidz nu za contr ni Moisees, nu riidz nu za contr ni Ãgyoozh âna dey. 12 Ni mod pchaê dey ic de mbecy. Pchaê dey ic de yu bel, nunu pchaê dey ic de yu nu rlyuu leey ni Ãgyoozh. Orzeê gua dey lo Shteb pshet yaa dey yu. Gua nu dey yu lo de yu nu yuê junt zub lo zeê. 13 Gazeê nu gua nu dey la be de mbecy nu briib cyi fals ic Shteb. Orzeê na dey: âMbecy ii zaab rnii lay riidz nu za contr ni yuê yon nu driib zily den Ãgyoozh, nunu rniiy riidz nu za contr ni leey nu bzeeñ Moisees. 14 Gun güeñ de̱ nu mniiy nu Jesuuz, tub mbecy nu pcyiiñ Nazaret, tily yu yuê yon ni Ãgyoozh nin, nunu rchaay de cushtom nu bzeeñ Moisees ni de gyitoo bel âna dey. 15 Orzeê dela mbecy nu nguaa lat junt zeê bgüii dey lo Shteb. Orzeê bzaac dey nu rgüiiy gal nu rgüii tub anc.