Hechos 18

1 Na despuees ni de nu ndeê, bruu Baly Atenas, zay tub gyedz nu la Corinto. 2 Zeê bdzeel yu tub mbecy Israeel nu la Aquila. Yu zeê tub mbecy Ponto, tees sa bruuy lo de yu ni Italia nu mñaay, tub biñ mñaa nu la Priscila. Bruuy Italia, gun Clau, yu nu riib ic de nasyoong, pcaay dela mbecy Israeel nu ruu dey tub gyedz ni Italia nu la Rom. Orzeê Baly gua güiiy dey. 3 Orzeê byeeñ nuy de yu zeê, nunu tublaazh la bicy dey riiñ, gun Baly nac yu tub yu nu rzaa yuê negy. Laabaê ndeê dalje̱z nu ricy Aquila nu mñaay. 4 De sab, dzi nu rzu lagy de mbecy Israeel, rza Baly nañ yuê nu rsyaê de mbecy Israeel riidz ni Ãgyoozh, gun rlagy yu cuugy yu lardoo de mbecy Israeel, nunu tant mbecy nu walab mbecy Israeel. 5 Na ornu bruu Silas nu Timoteo Macedonia za dey par Corinto. Orzeê Baly wangyicy yu reñaê riiñ. Se tub lo ziêl nu rshaal yu riidz ni Crisht. Naal la blyuuy ni de mbecy Israeel nu Jesuuz laab mi zeê Mesías, biñ nu bloo su Ãgyoozh. 6 Tees ornu gua dey contr niy, nunu ornu shiñ mnii dey niy, orzeê bdib yu shab yu par nu gabe nu wangash dey riidz zeê. Orzeê nay: âBenu de ru duneêr, laab der yuê falt nir. Ya̱ sac falt ne̱. Na par lo ya̱ cha̱ lat de mbecy nu walab mbecy Israeel ânay. 7 Orzeê bruuy nañ yuê nu rsyaê de mbecy Israeel riidz ni Ãgyoozh zeê, zay cyiiñ yu yuê tub mbecy nu la Ticio Justo, tub yu nu rca Ãgyoozh. Yu zeê rcyiiñ yu cuit yuê nu rsyaê de mbecy Israeel riidz ni Ãgyoozh. 8 Tees Crispo, yu nu riib ic nañ yuê nu rsyaê mbecy Israeel riidz ni Ãgyoozh, yu zeê nu dela famil niy bicy cup yu consuel lo Shuaan den. Nunu zigy zir mbecy Corinto güeñ dey riidz ni Crisht, nunu bicy cup dey consuel lom, nunu wi nis dey. 9 Na tub rel Shuaan den Jesuuz bruu zac mi lo Baly mod ni pcaal. Orzeê nam rab mi yu: âCueê dzib ru. Zaab nii lar riidz ne̱. Cueê checar nu niir lo de mbecy. 10 Gun ya̱ nac du̱ ru. Ni tub la mbecy wac shiñ gyicy nuy ru, gun zigy de mbecy gyedz ii nac dey mbecy ne̱ ânam. 11 Orzeê byeeñ yu zeê tub ñaên nu. Orzeê blyuuy riidz ni Ãgyoozh ni de mbecy. 12 Ornu Galión bdugyiy riiñ nu riib ic yu por cuen ni gubier ni Acaya, de mbecy Israeel byatublaazh dey nu cha dey contr ni Baly. Orzeê gua nu dey yu zeê nu dri bee Galión ni de mbecy. 13 Orzeê na dey rab yu Galión: âYu ii rcuugy yu lardoo de mbecy nu cay Ãgyoozh tub mod nu za contr ni leey âna dey. 14 Na ornu Baly bicy peey niiy, orzeê na Galión rab yu de mbecy Israeel: âBenu bicy yu coz nu walab seêñ, o benu bicy yu tub cyi ily nu tonaê la shiñ, orzeê rlagy ñi gyicy cupa̱ pase̱z du̱ de ru mbecy Israeel. 15 Tees como rtub su der losaêr nu lac yaruu de riidz, nunu rtub su der losaêr nu nac ca na tub mbecy, nunu rtub su der losaêr nu nac leey ni ub der, orzeê laab de ub ru rlagy ñi nu zaê lo der gyel chaê ic ni ub ru. Ya̱ wari be̱e̱ coz nu na gal nu na nii âna Galión. 16 Orzeê pcyuu nuy dey par ich yuê zeê nu dri beey ni mbecy. 17 Orzeê de mbecy pshet yaa dey Sosht, yu nu riib ic nañ yuê nu rsyaê mbecy Israeel riidz ni Ãgyoozh. Orzeê bdi dey yu laab roê la zeê. Nunu Galión wangyicy cuen yu de coz nu bicy dey. 18 Na despuees ni de nu ndeê, orzeê Baly byeeñ yu zañ ruê dzi Corinto. Gazeê nu bruuy lat de bicy na za nuy Priscila nu Aquila nañ tub barc par lo de yu nu la Siria. Tub gyedz nu la Cencrea, anzir chuêy nañ barc, orzeê bicy yu tub trat nu Ãgyoozh. Orzeê bicy yagy yu tooy par nu gabe nu segur la gyicy paay nu trat zeê. 19 Orzeê bruêña dey Ãfeso. Zeê bzeeñ Baly Priscila nu Aquila. Orzeê guay nañ yuê nu rsyaê de mbecy Israeel riidz ni Ãgyoozh. Orzeê bee nuy de mbecy Israeel riidz. 20 Orzeê mnishbaa dey loy nu tuñ tiem gyiyeeñ yu nuy dey tees wanshet ic yu. 21 Tees ornu bruuy lo dey, orzeê nay rab yu dey: âBenu Ãgyoozh rlagy mi, ya̱ yap güi̱i̱ der tuubaê tir ânay. Orzeê guêy nañ barc. Bruuy Ãfeso zay. 22 Orzeê bruêñay Cesarea. Orzeê bruu gaêy zeê yay par Jerusaleeng. Yay nu niiy ñgyoozh nu de mbecy ni Crisht nu yuê zeê. Orzeê bruuy Jerusaleeng zay par Antioquía. 23 Na ornu pcyiiñ yu lugaar zeê tub tiem, orzeê bruuy. Gusay lo de yu ni Galacia nu lo de yu ni Frigia. Bicy yu nu byafert zir ricy cup de mbecy consuel lo Crisht. 24 Na tub mbecy Israeel nu la Apolos briy Ãfeso. Yu zeê tub mbecy Alejandría. Tonaê la nap za riidz nu rniiy, nunu nap ñuu rad lagy yu riidz ni Ãgyoozh. 25 Nap blyuu mbecy niy de coz ni Shuaan den. Nunu fert la rniiy, nunu nap rlyuuy de coz ni Jesuuz. Tees par nu zu nis mbecy, tub zi la de coz nu blyuu Waa, de ndeê ziêl rad lagy yu. 26 Orzeê brugyiê nu wachib lay rniiy lat de mbecy nañ yuê nu rsyaê mbecy riidz ni Ãgyoozh. Na ornu Priscila nu Aquila güeñ dey de riidz nu mniiy, orzeê gua nu dey yu par yuêy. Zeê nap zir pshaal dey de coz ni Ãgyoozh loy. 27 Orzeê Apolos mnii tooy nu chay par lo yu ni Acaya. Orzeê de mbecy ni Crisht nu yuê Ãfeso blocyuub dey yu, gun bzeed dey tub gyicy lo de bicy na nu yuê zeê. Mniiy lo dey nu nap gyicy nu dey Apolos ornu griy. Na ornu briy Acaya, tonaê la nap blocyuub yu de yu nu brugyiê nu ricy cup consuel lo Crisht par nu nac faboor ni Ãgyoozh. 28 Lat de mbecy zigy nap blyuuy nu dzi radza de riidz nu rnii de mbecy Israeel. Orzeê wangacaê nii dey nu walab ni. Bzat yu riidz nu bzeeñ Ãgyoozh, ornu blyuuy ni dey nu Jesuuz, laab mi zeê Mesías, biñ nu ca lo cuen nu co mbañ mbecy.