Hechos 16

1 Orzeê Baly zay par Derbe nu Listra. Zeê bdzeel yu tub mbecy nu ricy cup consuel lo Crisht nu la Timoteo. Yu zeê iêñ tub biñ mñaa Israeel. Zeê uz yu nac yu mbecy griego. Ãaay laab mbecy ni Crisht. 2 Orzeê dela bicy na nu yuê Listra, nunu dela bicy na nu yuê Iconio nap mnii dey niy. 3 Baly rlagy yu cha nuy Timoteo, ndeê nu pcaay beey sircunsision cuerp niy. Ni bicy Baly, gun dela mbecy Israeel nu yuê de lugaar zeê gud lagy yu nu uz Timoteo nac yu tub mbecy griego. 4 Orzeê lat nu gusa dey dela gyedz, blyuu dey ni de mbecy gal nu mnii de aposht nu de yu bel nu yuê Jerusaleeng ornu byatublaazh dey. 5 Orzeê dela mbecy ni Crisht fert zir guc nu dey de coz nim, nunu tub dzi ga ryañ zir dey. 6 Espiriit Yon ni Ãgyoozh wansaan mi nu shaal dey riidz ni Crisht lo de mbecy Asia, ndeê nu bded dey dub tuuñ la zeê nu ñgyiid ruê yu ni Frigia nu Galacia. 7 Na ornu bri dey ruê bzaa ni Misia, orzeê bicy pee dey ñgyay lo de yu nu la Bitinia. Tees Espiriit ni Jesuuz wansaan mi nu ñgya dey lugaar zeê. 8 Orzeê bded nez ziêl dey lo yu ni Misia. Gazeê nu za dey par Troas. 9 Na ornu bri dey Troas, orzeê rel bdeê lo Baly. Bzaac yu tub mbecy Macedonia mod ni pcaal. Orzeê mnishbaay lo Baly. Orzeê nay: “Cyid ru par Macedonia nu locyuub ru de̱ ya̱”, nay. 10 Orzeê cuanzir bzaac Baly ndeê, orzeê bzu lily de̱ nu cha̱ de̱ par Macedonia, gun mnii to̱o̱ de̱ nu Ãgyoozh bredz mi de̱ ya̱ par nu shaal de̱ de riidz nap ni Crisht lo de mbecy nu yuê zeê. 11 Orzeê Troas brush de̱ tub barc. Za̱ de̱ par lo tub nac yu nu ri lo nisyudoo nu la Samotracia. Orzeê bru̱u̱ de̱ zeê. Orzeê tuubaê dzi bri̱ de̱ tub gyedz nu la Neápolis. 12 Orzeê bru̱u̱ de̱ zeê. Za̱ de̱ gyedz nu la Filipos. Filipos, ndeê tub gyedz nu bzaa de mbecy Rom, nunu ndeê gyedz nu ricy ñi presis ni de lugaar ni Macedonia zeê. Orzeê zeê byeeñ de̱ la be dzi. 13 Orzeê sab, dzi nu rzu lagy mbecy Israeel, orzeê bru̱u̱ de̱ par ruê gyedz. Za̱ de̱ par ruê gyoow, zeê nu psaê lagy de̱ nu gyatublaazh mbecy nu nii nu dey Ãgyoozh. Orzeê gucua̱ de̱ zeê rdo̱ de̱ de riidz nu sac ni Crisht nu de biñ mñaa nu byatublaazh zeê. 14 Zeê tub biñ mñaa nu güeñ riidz nu rdo̱ de̱, mi zeê lam Lidia. Mi zeê mbecy Tiatira nunu ricy mi dalje̱z nu rut mi negy bizat. Nac mi tub mbecy nu rca Ãgyoozh, nunu Shuaan den pshaal mi shcab nim par nu gyet lag mi cuen de riidz nu mnii Baly. 15 Orzeê briib nis dey mi, nunu briib nis dey dela famil nim. Orzeê mnishbaam lo de̱. Orzeê nam: âYaa gyan cyiiñ der yu̱ê benu rash der shcab nu ya̱ rishli ricy cupa̱ consuel lo Shuaan na ânam. Orzeê pcuugy mi lardo̱o̱ de̱ nu gya̱ de̱ yuêm. 16 Orzeê tub dzi ornu za̱ de̱ zeê nu ryatublaazh mbecy par nu rnii nu dey Ãgyoozh, orzeê bdzeel de̱ tub fiñ feñ nu nac moz por fers la ni mbecy. Tub nuras bicy niy fiñ zeê, nunu rbooñ cuen par nu nac nuras zeê. Tonaê la sheñ tiñ rad ni patro̱o̱ ñiñ nu nac nu rbooñ cuen. 17 Tees biid cañ ich de̱ nu Baly, orzeê brugyiê ye la rbish tiñ. Orzeê nañ: â¡De mbecy re ricy mi coz nu rnii Ãgyoozh biñ nu zily zir nac! ¡Rbic mi nu gad lagy der lac mod ruu mbañ ru! ânaañ. 18 Zañ dzi ni bicy ñi gashtal ornu bdzaê Baly niñ. Orzeê bish cyay bgüiiñ loñ. Orzeê nay rab yu nuras zeê: âPar nu nac rishbeey ni Jesucrisht, ya̱ rne̱e̱ lor nu ruu chur lo fiñ ii ânay. Orzeê lueg la bruu nuras zeê. 19 Na ornu de patro̱o̱ ni fiñ feñ zeê gud lagy dey nu wadaê mod nu gyicy dey gan tiñ nu nac ñii, orzeê bduê yaa dey Baly nu Silas. Gua nu dey yu lo de fushtiz loliê zeê nu rgua de yu zu riiñ. 20 Na ornu bruêña dey lo de fushtiz, orzeê na dey: âDe mbecy ii nac dey mbecy Israeel, nunu ricy dey coz deet ledz na. 21 Rlyuu dey nu gyicy na coz nu cha contr ni leey. Como de ub na nac na mbecy Rom, ndeê nu wac nii den nu nap de coz nu rnii dey. Ni wac gyicy den gal nu rlagy dey âna dey. 22 Orzeê niê de mbecy zigy bish cya dey ich dey. Orzeê de fushtiz por fers la bloo dey shab dey. Orzeê pcaa dey mbecy nu gaaz dey yu nu laspeed. 23 Na despuees ornu dzi bi bgaaz dey yu, orzeê mneê dey yu nañ yuê gyiib. Orzeê pcaa dey de yu nu riib ic yuê gyiib zeê nu nap gyicy segur yu dey. 24 Na ornu bi guê riiñ zeê yaa yu nu riib ic zeê, orzeê mneêy de yu zeê gal zeê nu gyi zir ni nañ yuê gyiib zeê. Orzeê briy gyiê de yu zeê nañ gyeegy nu zub gazel cyup ya gyibag. Gazeê nu bicy nicy dey ñi. 25 Orzeê tub guzeel rel, Baly nu Silas rnii nu dey Ãgyoozh, nunu rul dey lom. Nunu reñ dela de pres. 26 Orzeê derepent la briib tub duru ily. Orzeê pcueñ yuê gyiib gashtal zeê nu zu laa simient niñ. Orzeê lueg la byaal dela roê, nunu bet lag dela caden nu pcacuuñ dey de pres. 27 Orzeê yu nu riib ic yuê gyiib zeê brish yu yaa. Na ornu bzaac yu nu naal dela roê ni yuê gyiib, orzeê psaê lagy yu nu briib dze dela pres. Orzeê blooy mandzicy niy nañ gyid yuêñ, nunu bicy peey nu ñgyuut yu ub yu. 28 Orzeê brish ti Baly. Gazeê nu nay: â¡Cueê shiñ gyicy nur ub ru gun ii yu̱ê dela de̱! ânay. 29 Orzeê yu nu riib ic zeê bredz yu mbecy nu cha nuy gyi. Orzeê carer la guêy nañ yuê zeê. Nunu rash la bis yu nu tantaê gudzib yu. Orzeê wes saa lay yeñ gyiê Baly nu Silas. 30 Orzeê blooy de yu zeê lugaar zeê. Gazeê nu nay rab yu dey: â¿La ñuu coz rlagy ñi nu gyicya̱ par nu ruu mbaña̱? ânay. 31 Orzeê na Baly nu Silas: âBicy cup consuel lo Shuaan den, Jesucrisht. Orzeê ruu mbañ ru nu dela famil nir âna dey. 32 Orzeê pshaal dey riidz ni Shuaan den loy nu lo dela mbecy nu rcyiiñ loy. 33 Na laab or zeê yu nu riib ic zeê za nuy dey nu bdiib yu zeê nu guud güii ni dey. Orzeê lueg la wi nis yu nu dela famil niy. 34 Orzeê ya nuy Baly nu Silas. Gup yu par nañ yuêy nuy dey. Zeê briic yu coz nu gow dey. Orzeê mbecy nu riib ic zeê nu dela famil niy tonaê la gucyit lagy dey gun bi ricy cup dey consuel lo Crisht. 35 Na tuubaê dzi or napor, orzeê de fushtiz bzuu nez dey ayudant ni dey lo yu nu riib ic zeê. Orzeê na dey rab yuy: âBlaa de mbecy zeê âna dey. 36 Orzeê yu riib ic zeê gua mniiy lo Baly. Orzeê nay: âDe fushtiz bzeed dey raso̱o̱ nu la̱a̱ ru nu Silas. Orzeê na ruu der. Gac gya der dub gusht la ânay. 37 Orzeê na Baly rab yu ayudant zeê: âPshet dey yag ich de̱ lo rgüii la de mbecy zigy, nunu ii nigul ri bee dey de̱. Nunu de̱ ya̱ nac de̱ mbecy Rom. Zeê ii mneê dey de̱ ya̱ nañ yuê gyiib. Orzeê na rlagy dey coy de̱ ya̱ dze ga. Rila wac. Ub la de fushtiz rlagy ñi nu cyid dey coy de̱ ya̱ ânay. 38 Na de ayudant gua niiy lo de fushtiz de riidz nu mnii Baly. Na ornu güeñ de fushtiz nu Baly nu Silas nac dey mbecy Rom, orzeê tonaê la gudzib dey. 39 Orzeê za dey lo Baly nu lo Silas, nunu bdiiñ dey rishsulagy lo dey. Orzeê gua nu dey de yu zeê par ich yuê gyiib nunu mnishbaa dey loy nu ruu dey gyedz zeê. 40 Orzeê Baly nu Silas bruuy nañ yuê gyiib zay par yuê Lidia. Zeê bdzeel dey dela bicy na, nunu briic dey consuel ni de yu zeê. Orzeê bruu dey yuê Lidia za dey.