Hechos 14

1 Na Iconio tublaazh la gua Baly nu Bernabee nañ yuê nu rsyaê de mbecy Israeel riidz ni Ãgyoozh. Tonaê la nap mnii dey. Ndeê nu tonaê la mbecy zigy bicy cup dey consuel lo Crisht. Yuê mbecy Israeel bicy cup yu consuel lo Crisht, nunu yuê gaê mbecy nu walab mbecy Israeel bicy cup yu consuel lom. 2 Tees de mbecy Israeel nu wangyicy cup consuel lo Crisht bicy dey nu pchaê ic mbecy nu walab mbecy Israeel, nunu bicy dey nu bish cya dey ich de bicy na. 3 Tees Baly nu Bernabee tuñ pcyiiñ dey lugaar zeê. Wanchib la dey pshaal yu riidz ni Shuaan den. Mnii dey nu tonaê la nap ricy num mbecy, nunu mi zeê bicy mi nu gud lagy de mbecy nu de riidz nu rnii dey, ndeê coz nu laab ñi. De mbecy gud lagy dey nu riidz zeê rishli, gun Shuaan den briic mi mod nu gyicy dey nusuriidz gal nu de coz nu ricy nu za nu ic mbecy. 4 Orzeê dela mbecy gyedz zeê byac cup shcab ni dey. Tub nac yu guc nuy de mbecy Israeel, tub nacaêy guc nuy Bernabee nu Baly. 5 Orzeê de mbecy nu walab mbecy Israeel, nu de mbecy Israeel, nu de yu nu riib ic ni dey, laab de yu zeê mnii too dey nu shiñ gyicy nu dey Baly nu Bernabee. Orzeê mnii too dey nu goow gyitaêy Baly nu Bernabee gashtal gat la dey. 6 Na ornu gud lagy Baly nu Bernabee, orzeê bruu chu dey. Zay par lo de yu ni Listra nu Derbe, cyup gyedz nu ri lo de yu nu la Licaonia. 7 Zeê pshaal dey de riidz nu sac ni Jesuuz. 8 Listra zu tub mbecy coj. Yu zeê zub ziêl yu, gun gaal ziêl nu gul yu rila wagac zay. 9 Zeê güeñ yu riidz nu rnii Baly. Orzeê Baly gud lagy yu nu ricy cup yu zeê consuel lo Crisht, nunu ndeê nu gac gyac yu. Orzeê Baly mbi la bgüiiy loy. 10 Orzeê ye la brish tiy. Orzeê nay: â¡Wes su nunu li bzu! ânay. Orzeê rzab lay wes suy. Nunu brugyiê lay rzay. 11 Na ornu de mbecy zigy bzaac dey nu ni bicy Baly, orzeê brugyiê nu rbish ti dey. Orzeê na dey nu riidz yu, riidz Licaonia: â¡De ñgyoozh gush dem mod nu na mbecy, nunu bet dem gashtal lo la den ii! âna dey. 12 Mnii dey nu Bernabee nac yu tub ñgyoozh nu la Júpiter. Zeê Baly mnii dey nu nac yu tub ñgyoozh nu la Mercurio, gun yu zeê yu nu rnii. 13 Orzeê de uz nu zu riiñ nañ yuê ni ñgyoozh Júpiter, yuê nu zub ruê gyedz, orzeê uz zeê gua nuy la be tor nu gyee. Yu zeê nu de mbecy ngulagy dey ñgyuut yu chigud zeê nu cuic dey tub gun lo Baly, gal nu lo Bernabee. 14 Na ornu Baly nu Bernabee güeñ dey de coz nu rlagy de yu zeê nu gyicy yu, orzeê pshaa la dey shab yu, nunu gush dey carer guêy lat de mbecy zigy zeê. Orzeê brish ti dey. 15 Orzeê nay: âDer mbecy, ¿lagu ni ricy der? De̱ ya̱ nac de̱ mbecy gal nu naê ziêl de ru. Nunu de̱ ya̱ yap de̱ ii par nu rica̱ nu gad lagy der nu laa yaa der de coz nu rila wacyiiñ ii, nunu “O” nii der ni Ãgyoozh mbañ, biñ nu psaê lagy gyibaa, nu gyishlombecy, nu nisyudoo, nu dela coz nu yuê de lugaar zeê. 16 Gulas Ãgyoozh bzaan mi nu gyicy mbecy la ziêl coz nu rlagy ub yu gyicy yu. 17 Tees dub laa tiem rlyuum cyu nac mi ornu ricy mi coz nap. Ricy mi nu yet gyey, nunu rbic mi cosech. Rbic mi coz nu gow der, nunu ricy mi nu zu cyit lagy der âna dey. 18 Mas nu de riidz zeê, tees tonaê la biigy par nu cay ni dey nu cueê cut dey de tor zeê par tub gun nu cha lo dey. 19 Orzeê la be mbecy Israeel bruu dey Antioquía ni Pisidia, nunu bruu gaê dey Iconio. Orzeê za dey par Listra. Zeê bduê dey lagy de mbecy zigy nu cha dey contr ni Baly. Orzeê de mbecy pshet dey gyitaê Baly nu ñgyut dey yu. Orzeê bgayu tuñ la dey yu par ruê gyedz, gun psaê lagy dey nu gut yu. 20 Tees ornu de mbecy nu ricy cup consuel lo Crisht byatublaazh dey lo Baly, orzeê weshtey. Orzeê guê gaêy lat gyedz tuubaê tir. Na tuubaê dzi Baly nu Bernabee bruu dey Listra za dey par Derbe. 21 Orzeê Baly nu Bernabee pshaal dey riidz nu sac ni Crisht Derbe, nunu pshet gras dey lardoo zañ mbecy par nu gyicy cup dey consuel lo Crisht. Orzeê bish cya dey. Bruu dey Derbe zaêy par Listra. Orzeê bruu dey Listra. Zay par Iconio. Orzeê bruu dey Iconio. Za dey par Antioquía ni Pisidia. 22 Nez nu za dey, gua zaab lo dey de mbecy ni Crisht nu yuê de lugaar zeê. Bicy dey nu byafert dey nu nac de coz ni Crisht, nunu mnii dey nu gyicy paa dey nu de riidz nim nu bi güeñ dey. Blyuu dey ni dey. Orzeê na dey: âZañ coz deet rlagy ñi nu zac na par nu chuên lo gyel gubier ni Ãgyoozh âna dey. 23 Baly nu Bernabee bloo su dey yu bel ni tub nac ga de mbecy ni Crisht. Orzeê mnii nu dey Ãgyoozh, nunu pca dey ni ub yu nu cueê goy gyit. Orzeê bzeeñ dey de yu bel zeê yaa Ãgyoozh, biñ nu ricy cup dey consuel lo, par nu güiim dey. 24 Na ornu bded dey lo de yu ni Pisidia, orzeê bruêña dey lo yu ni Panfilia. 25 Orzeê za dey tub gyedz nu la Perge. Zeê pshaal dey de riidz ni Crisht. Orzeê bruu dey Perge, za dey par Atalia. 26 Zeê gush dey tub barc. Orzeê za dey par Antioquía, zeê nu bguê mbecy dey yaa Ãgyoozh par nu locyuub mi dey nunu par nu güiim dey lat nu gyicy yu riiñ nim, riiñ zeê nu bi bzaê lo dey na. 27 Na ornu bruêña dey Antioquía, orzeê bicy tublaazh dey de mbecy ni Crisht. Orzeê pshaal dey lo de mbecy zeê dela coz nu bicy nu Ãgyoozh dey. Pshaal dey nu lac mod bicy Ãgyoozh par nu byaal nez nu cha dey lo de mbecy nu walab mbecy Israeel, gun orzeê de yu zeê gac gyicy cup dey consuel lo Crisht. 28 Orzeê tuñ tiem byeeñ dey lugaar zeê nu de mbecy ni Crisht.