Hechos 11

1 Orzeê de aposht nu deê zir bicy na nu yuê lo yu ni Judea güeñ dey nu niê yuê mbecy nu walab mbecy Israeel nu guña lagy dey de riidz nu bruu lo Ãgyoozh. 2 Orzeê ornu bri Bed Jerusaleeng, de yu nu rlagy caa beey sircunsision cuerp ni mbecy nu walab mbecy Israeel mnii zi dey niy. 3 Orzeê na dey rab yuy: â¿Lagu gua güiir de mbecy nu walab mbecy Israeel? ¿Lagu bdow nur dey gyit? âna dey. 4 Orzeê Bed pshaal yu dela coz nu guc gal zeê nu bzub la gyiê de coz nu bzac yu. 5 Orzeê nay: âYa̱ bri̱ Jope. Orzeê lat nu mne̱e̱ du̱ Ãgyoozh, orzeê bicy mi nu bdeê tub coz lo̱. Ya̱ bzaaca̱ nu yet tub coz nu na gal na negy cuadrad ily. Zaê tap la scyiñ niñ nag yet ñi. Bruuñ baa bet ñi gashtal lo̱. 6 Orzeê mbi la bgüi̱i̱ nañ ñi. Orzeê bzaaca̱ de bañcyug nu zub tap gyiê. Bzaaca̱ de bañ gyish. Bzaaca̱ de lo la mni bily. Nunu bzaaca̱ de chigyiñ. 7 Orzeê güeña̱ nu mnii Ãgyoozh. Orzeê nam rab mi ya̱: “Bed, wes su. Biit de ma zeê gow ru”, nam. 8 Orzeê Mne̱e̱ lom: “Cueê Shuaana̱. Rila wagda̱w de coz bag nu rlyuu leey ni Moisees, nunu rila wagda̱w coz nu a̱ê yad ñi nu da̱w”, rugya̱m. 9 Orzeê Ãgyoozh mnii gaêm tuubaê tir gal gyibaa. Orzeê nam: “Benu ya̱, Ãgyoozh, bicy caacya̱ la coz, orzeê ru cueê niir nu ndeê coz bag”, nam. 10 Ni bicy mi chon tir. Orzeê despuees bish cya gaê negy zeê gup ñi baa tuubaê tir. 11 Orzeê lueg la bruêña chon mbecy yuê zeê nu rcyiiña̱. Mbecy nu rcyiiñ gal Cesarea bzuu nez yu de mbecy zeê nu yad yub dey ya̱. 12 Orzeê Espiriit Yon ni Ãgyoozh mniim lo̱ nu cueê gyicy cyup ica̱ nu waya̱ du̱ dey. Niê shuup de bicy na nu yuê ii gua nu dey ya̱ par Cesarea. Orzeê dela de̱ gu̱ê nañ yuê ni Cornelio. 13 Mniiy nu bzaac yu tub anc nañ yuêy. Orzeê anc zeê mniiy loy: “Bzuu nez tub mbecy chay Jope cha tey tub mbecy nu la Simo̱o̱. Laab yu zeê yu nu la Bed. 14 Yu zeê gniiy de riidz lor. Nu nac riidz zeê gruu mbañ ru nu dela famil nir”, nay. 15 Orzeê na ornu brugyiê rne̱e̱ lo dey, orzeê Espiriit Yon ni Ãgyoozh bicy nim dey gal nu bicy mi nu de ub na nu loga. 16 Orzeê byezaê lagya̱ tub coz nu mnii Shuaan den ornu nam: “Waa briib nis yu de ru nu nis, tees ya̱ zeeda̱ Espiriit Yon nu gyicy nim der”, nam. 17 Orzeê benu Ãgyoozh rbic mi ni de mbecy nu walab mbecy Israeel laabaê coz nu briic mi ni de ub na ornu bicy cup na consuel lo Shuaan den, orzeê ¿cyu guc ya̱ nu ca̱ ni Ãgyoozh nu cueê ni gyicy mi? âna Bed. 18 Na ornu güeñ de mbecy ndeê, orzeê guca dey nu rnii ziy ni Bed, nunu byabic dey gyel mbecy ni Ãgyoozh. Orzeê na dey: âOrzeê beni niê ziêl briic Ãgyoozh ni de mbecy nu walab mbecy Israeel mod nu neê dey dela coz cyi nu ricy yu gun orzeê cui mbañ dey tub la âna dey. 19 De mbecy nu ricy cup consuel lo Crisht brush las dey ornu bzac ziy tiem nu gut Shteb. Yuêy zay gashtal Fenicia. Yuêy zay gashtal Chipre. Yuê gaêy zay gashtal Antioquía. Pshaal dey de riidz nu bruu lo Ãgyoozh lo de mbecy Israeel ziêl. 20 Zeê la be mbecy Chipre, nu la be mbecy Cirene, de yu nu ricy cup consuel lo Crisht, bri dey tub gyedz nu la Antioquía. Zeê pshaal dey de riidz nu sac ni Shuaan den Jesuuz lo gazaê de mbecy nu walab mbecy Israeel. 21 Tonaê la blocyuub Ãgyoozh dey, nunu tonaê la mbecy zigy bicy cup dey consuel lo Shuaan den, nunu guc nu dey mi. 22 Na ornu güeñ de mbecy nu ricy cup consuel lo Crisht nu yuê Jerusaleeng de coz nu guc, orzeê bzeed dey Bernabee gal Antioquía. 23 Na ornu briy, orzeê bzaac yu nu tonaê la nap bicy nu Ãgyoozh de mbecy zeê. Orzeê tonaê la bet lagy yu, nunu fert la mniiy lo dey nu gyicy paay nu Shuaan den nu dutuub la lardoo dey. 24 Na Bernabee nac yu mbecy nap. Espiriit Yon ni Ãgyoozh briib ic zaê lam nañ lardooy. Nunu fert la bicy cup yu consuel lo Ãgyoozh. Orzeê zigy mbecy zeê brugyiê nu ricy cup dey consuel lo Shuaan na. 25 Orzeê Bernabee guay Tarso nu yub yu Saulo. 26 Na ornu byad yu na, orzeê gua nuy yu par Antioquía. Nañ tub ñaên rup laa dey byatublaazh yu nu de mbecy nu ricy cup consuel lo Crisht nunu blyuu dey ni tub nac mbecy zigy. Antioquía, zeê bzub gyiêñ nu rnii dey “Mbecy ni Crisht” de yu nu ricy cup consuel lo Crisht. 27 Tiem zeê bruu la be mbecy nu mnii por cuen ni Ãgyoozh Jerusaleeng. Za dey par Antioquía. 28 Tub mbecy nu la Agabo wes suy lat de mbecy zigy. Orzeê Espiriit Yon ni Ãgyoozh blocyuub mi yu, nunu mniiy nu sñuu ga cyid tub cubiñ ily dutuub la gyishlombecy. Cubiñ zeê biid ñi, ornu Clau byub ic yu de nasyoong. 29 Orzeê dela de mbecy ni Crisht mneê ic dey nu zeed yu ñuu tiñ nu locyuub yu de bicy yu nu yuê lo de yu ni Judea. Dub gal lac nu gagye tub ga dey, dub ni bzeed dey. 30 Orzeê ni bicy dey. Orzeê bzuu nez dey Bernabee nu Saulo nu byazeñ yu gun zeê yaa de yu bel nu riib ic de mbecy ni Crisht nu yuê lo de yu ni Judea.