2 Timoteo 4

1 Lo Ãgyoozh nu lo Jesucrisht, ya̱ duê riiñ yaar nu shaal ru de riidz nim. Nunu Jesucrisht cyid mi tuubaê tir nu gac mi rey, gun gri beem ni de mbecy mbañ gal nu de mbecy nu bi gut. Orzeê lo de mi zeê ya̱ nap tonaê la rdu̱ê riiñ yaar nu 2 shaal ru de riidz nim. La ziêl tiem nu gad mod pshaal de riidz zeê nim. Mas rlyu nu wad mod, tees ru bicy lañ. Pcuugy lardoo dey. Nunu pshuu nu dey. Nunu briic baloor ni dey. Nuu blyuu ni dey. Dela de ndeê bicy nu pase̱z. 3 Gun shuub tiem nu de mbecy wazuub gyidagaê dey ni de riidz ni Ãgyoozh nu rdulyuu. Lugaar nu zuub gyidag dey ni de riidz nim, ca nu yub dey zañ moscuel nu lyuuy ni dey de coz nu rlagy ub ziêl dey gyeñ yu. 4 Orzeê de yu zeê zu chuy de riidz rishli par nu gzuub gyidag dey ni de lo la rishtoo. 5 Tees ru dub laa tiem bicy cuidad par nu cuir ca na coz nu gyicy ru. Gugyee ornu rzac zir. Bzu shcab ni se tub lo ziêl nu shaal ru de riidz nu sac ni Crisht. Nap bicy paa nu de riiñ nu bi ricy ru. 6 Ya̱ bi zu̱ la̱ nu gata̱. Gaca̱ gal nu na tub gun nu cha lo Ãgyoozh, gun sñuu ga shuub or nu gata̱. 7 Ya̱ na gal nu na tub soldad nu nap gucoo lat gyel yuu. Nunu ya̱ na gal nu na tub yu nu gush carer. Zeê na bi bri̱ gal zeê nu ca lo cuen nu gri̱. Gun ya̱ bicy pa̱a̱ nu Jesuuz. 8 Orzeê na bi ri lily tub i̱ nu yad ñi nu gyad ne̱ nu nac nu bicy pa̱a̱. Shuaan den Jesuuz, biñ nu gri bee ni mbecy, mi zeê gyabic mi ñii ne̱ ornu shuub dzi nu cyid mi tuubaê tir. Nunu walab ne̱ ya̱ ziêl gyabic mi, sinu niê ziêl gyabic mi ni dela mbecy nu se nu ca ziêl lo nez nim nu cyid mi tuubaê tir nu nac nu rcay mi. 9 Bicy tub fers nu cyid güiir ya̱ lueg la benu gac nir. 10 Gun Demas, yu nu dzi rca de coz nu yuê gyishlombecy ii, yu zeê bi blaa yaay ya̱, nunu zay par gyedz Tesalónica. Crescente zay par lo de yu ni Galacia. Zeê Tit, yu zeê zay lo de yu ni Dalmacia. 11 Se Luc ziêl byeeñ nuy ya̱. Yub ru Marc cyid nur yu, gun yu zeê cyiiñ yu nu locyuub yu ya̱ nu nac de riiñ ni Jesuuz. 12 Ya̱ bzuu neza̱ Tíquico nu zay Ãfeso. 13 Ornu cyid ru, orzeê cyid nur chacyet ne̱ nu bzeeña̱ Troas yuê Carpo. Nunu niê ziêl cyid nur de libr ne̱. Nunu ricy zir ñi presis nu cyid nur gyicy pergamino nu taê riidz lo zeê. 14 Alejandro, yu nu nac birgyiib, tonaê la shiñ bicy nuy ya̱. Shuaan den Jesuuz cyish mi niy dub gal na coz nu bicy nuy ya̱. 15 Ru bzu cuidad nu nac yu zeê, gun tonaê la zay contr ni de riidz nu rshaal den. 16 Tir loga la nu gua̱ lo de fushtiz, ni tub la mbecy wanlocyuub dey ya̱. Dela dey blaa yaay ya̱. Ya̱ drish lo̱ lo Ãgyoozh nu cueê gyicy cuen mi de coz nu bicy dey. 17 Tees Shuaan den Jesuuz blocyuub mi ya̱, nunu briic mi fers ne̱, gun orzeê guud mod nu shaala̱ de riidz nu sac ni Jesuuz, nunu bicya̱ nu güeñ de mbecy nu a̱ê yuê lo Ãgyoozh de riidz zeê. Ndeê nañ gal nu na nu Shuaan den Jesuuz bloo nap mi ya̱ ruê biidz. 18 Ndeê nu rad lagya̱ nu co nap mi ya̱ nu nac dela coz a̱ê nap, nunu gya num ya̱ par lugaar zeê nu riib ic mi. ¡Rlagy ñi nu gyabic den gyel mbecy nim dub laa tiem! ¡Laab ni gac ñii! 19 Ya̱ zeeda̱ ñgyoozh ni Prisca gal nu ni Aquila, gal nu de famil ni Onesíforo. 20 Zeê Erasto, yu zeê byeeñ yu Corinto. Zeê Trófimo, yu zeê bzeeña̱ yu Mileto, gun rat yu. 21 Bicy tub fers nu grir anzir nu gyap tiem rag. Eubulo, gal nu Pudente, nu Lino, nu Claudia, gal nu dela de bicy na nu yuê ii zeed dey ñgyoozh nir. 22 Orzeê Shuaan den Jesucrisht gac num ru. Nunu Ãgyoozh gyicy mi faboor nu nap gyicy num dela der.