2 Tesalonicenses 3

1 Zeê laab nii la stub coz nu ne̱e̱ lo der bicy na, ndeê nu cyiñ der lo Ãgyoozh nu nac de̱ ya̱. Cyiñ der lom nu dzach grush las de riidz ni Shuaan den Jesuuz dela lugaar nunu cyiñ der lom nu ca lagy de mbecy loñ gal nu guc lat de ru. 2 Niê ziêl cyiñ der lom nu cueê zaan mi nu shiñ gyicy nu de mbecy a̱ê nap de̱ ya̱. Gun walab dela mbecy ricy cup dey consuel lo de riidz ni Shuaan na. 3 Tees Shuaan den Jesucrisht, mi zeê nac mi biñ nu ricy paa. Nunu mi zeê cuic mi fers ni der. Nunu co chum der lo nuras a̱ê nap. 4 Nunu mi zeê ricy mi nu gyicy cup de̱ consuel lo der, gun rad lagy de̱ nu ricy der de coz nu mne̱e̱ de̱, nunu segur la zaab gyicy la der ñii par lo. 5 Na Shuaan den Jesuuz locyuub mi der nu ca der de mbecy, gal nu rca Ãgyoozh den, nunu cuic mi fers ni der par nu gagye der ornu gzac zir. 6 Der bicy na, ya̱ rne̱e̱ lo der nu nac rishbeey ni Shuaan den Jesucrisht nu gruu chu der lo ca ziêl na bicy na nu walagy gyicy riiñ, gal nu lo de yu nu wagyicy gal nu rnii de riidz nu blyu̱u̱ de̱ ni der. 7 De ru nap rad lagy der nu rlagy ñi gyicy der gal nu bicy de̱. Walab nu wangyicy de̱ riiñ lat nu pcyiiñ de̱ lat der. 8 Nunu wanta̱w leew de̱ gyit, sinu brish de̱ gyiêñ. Lugaar nu gazed de̱, ca nu bloo lo̱ de̱ nu bicy de̱ riiñ dzi rel la, gun wangalagy de̱ nu riiba̱ de nu ndeê ic der. 9 Yad ñi nu diñ de̱ nu da̱w lo der. Tees wantiñ de̱ gun rlagy de̱ nu gyicya̱ tub mod nap par nu zac der, gun orzeê gyicy der gal nu bicy de̱ ya̱. 10 Lat nu pcyiiñ de̱ lat der, i mod mne̱e̱ de̱ lo der: “Mbecy nu washet ic nu gyicy riiñ, orzeê yu zeê cueê goy gyit." 11 Bi neñ de̱ nu yuê la be mbecy lat der nu wagyicy yu riiñ. Se la la coz ricy dey. Nomaas nu rneê ziêl ruê dey lat asunt ni mbecy. 12 Orzeê nu nac rishbeey ni Shuaan den Jesucrisht, ya̱ rne̱e̱ lo de mbecy zeê nunu rdu̱ê riiñ yaa dey nu cueê nid ruê dey, sinu gyicy dey riiñ par nu gad coz nu gow dey. 13 Der bicy na, cueê gazed der nu gyicy der de coz nap. 14 Benu ca na tub mbecy walagy yu zuub gyidag yu de riidz nu rne̱e̱ lo der lo gyicy ii, orzeê bduê cuen der yu, nunu cueê gac nu der yu. Gun orzeê gat loy. 15 Tees cueê gyicy ruy par losaê yuur, sinu byoo rishloy gal nu ricy nur bicy ru. 16 Orzeê Shuaan den Jesuuz, biñ nu rbic gyel ri zu, zeed mi gyel ri zu lat der dub laa tiem nunu dela mod. Mi zeê gac num dela der. 17 Ya̱ Baly, zeeda̱ ñgyoozh ni der nu letr nu rca̱a̱ nu ya̱a̱. Ni mod rca̱a̱ nu la̱ lo dela gyicy nu rzeeda̱ lo mbecy. Ni mod rca̱a̱. 18 Shuaan den Jesucrisht gyicy mi faboor nu nap gyicy num dela der.