2 San Pedro 3

1 Orzeê der bicy na nu dzi rca̱, nii gyicy cyup nu zeeda̱ lor. Orzeê lo ruplaa gyicy zeê rlagya̱ gyicya̱ nu nap gash der shcab nu nac de consef nu drica̱ ni der. 2 Bicy der nu gyezaê lagy ru ni de coz nu mnii de yu nu mnii por cuen ni Ãgyoozh gulas, gal nu ni de coz nu mnii Shuaan den Jesuuz, biñ nu co mbañ de ub na, nu gyicy den, de coz nu blyuu de aposht nim ni der. 3 Nu loga la rlagy ñi caa ic der tub coz nu ne̱e̱ ii: ornu bi yad shuub dzi nu ded ni gyishlombecy, orzeê gruu zac mbecy nu gyicy ca na la coz a̱ê nap nu yuê nañ lardooy lat nu rcyiiñ yu gyishlombecy ii. Nunu de yu zeê gubdzaa dey de ru. 4 Orzeê nii dey: “Beni, ¿la zi coz rac? ¿Lagu wacyiid Crisht gal nu mniim nu cyid mi tuubaê tir? Na bi blazh de gyitoo bel ni den gut yu. Zeê dela coz ni gyishlombecy ni ziêl zuñ gaal zi nese nu bzub gyiêñ.” Ni mod gnii de mbecy rgubdzaa zeê. 5 Orzeê de mbecy zeê ricy go̱ê la dey ub yu nu walagy yu gad lagy yu nu tonaê la gulas psaê lagy Ãgyoozh baa nu nac riidz nim. Nunu lugaar zeê nu yuê nis, laab zeê psaê lagy mi yu wach. Nunu nu nis psaê lagy mi ñii. 6 Nunu niê ziêl despuees Ãgyoozh mnit lom gyishlombecy nu nac nis gyey nu bet tiem ni Noé. 7 Zeê baa nu gyishlombecy nu zu na, bi zuu lañ nu chañ lo gyi laabaê par nu nac riidz ni Ãgyoozh. Orzeê de mbecy a̱ê nap cha dey lo gyi zeê ornu shuub dzi nu ri bee Ãgyoozh ni de mbecy. Dzi zeê niim nu yuê falt ni dey. Orzeê rlagy ñi cha dey lo cashtig. 8 Tees der bicy na nu dzi rca̱, cueê nit lagy der nu par Ãgyoozh, biñ nu nac Shuaan den, par mi zeê tub dzi, ndeê nañ gal nu na tub miily ñaên par de ub na. Zeê tub miily ñaên, ndeê tub dzi zi par mi zeê. 9 Walab nu dzi ricy gul lagy mi nu gyicy mi de coz nu mniim nu gyicy mi, gal nu rnii too la be mbecy, sinu mi zeê dzi pase̱z mi nu de ru. Gun mi zeê walagy mi nu nit lo ni tub mbecy, sinu rlagy mi nu neê dela mbecy de cyi nu ricy yu. 10 Tees shuub dzi nu cyid Shuaan den Jesuuz tuubaê tir, tub tiem nu rila wagad lagy na, gal nu druêña tub gubaan. Orzeê nu tub nu zu redz ily, orzeê nit baa. Orzeê nit lo dela coz nu taê baa nu nac gyi. Orzeê ca gyi gyishlombecy gal nu dela coz nu yuê loñ. 11 Orzeê benu ni mod nit lo dela coz, ricy ñi presis nu chuê der gal mod nu rlagy Ãgyoozh, nunu rlagy ñi nu gyicy der gal mod nu yad ñi nu ricy de mbecy nim. 12 Orzeê blez der gal ornu shuub dzi nu cyid Jesuuz, biñ nu nac Ãgyoozh ni den. Nunu gyicy der ca na la coz nu gac gyicy ru par nu dzach shuub tiem zeê. Orzeê tiem zeê nit lo baa nu nac gyi. Nunu dela coz nu taê baa gzun ñi nu nac gyi zeê. 13 Tees de ub na rlez naa gal or gruu zac tub baa cub nu tub gyishlombecy cub, dub gal mod nu mnii Ãgyoozh. Orzeê lugaar zeê chuê dela mbecy nap, de yu nu ricy gal mod nu rlagy ñi. 14 Ndeê nu der bicy na nu dzi rca̱, lat nu rbez der de coz zeê, orzeê bicy der dela coz ca na la nu gac nir, gun ornu Ãgyoozh gyap mi der, orzeê lat zeê nap yuê nu der losaêr, nunu sac ni tub la falt ni der. 15 Rlagy ñi nu gad lagy der nu Ãgyoozh, biñ nu nac Shuaan den, dzi pase̱z mi num den par nu gad mod nu gruu mbañ den. Orzeê bicy na Baly, yu nu dzi rca den, niê ziêl bi bzeed yu gyicy lo der nu rniiñ laabaê de riidz ii. Pcaay lo gyicy zeê dub gal nu na shcab nu briic Ãgyoozh niy. 16 Lo tub ga la gyicy nu pcaay mniiy de riidz ii. Mas yuê lugaar lo de gyicy zeê, zeê nu taê de riidz nu dzi biigy par nu gyet lag na cuen. Orzeê de mbecy nu a̱ê nap na shcab ni gal nu de mbecy a̱ê fert pcan dey de riidz nu pcaa Baly, gal nu ricy dey nu reñaê riidz ni Ãgyoozh. Orzeê nu nac ndeê nit lo dey. 17 Ndeê nu der bicy na nu dzi rca̱, como de ru bi gud lagy ru de coz zeê anzir nu gac ñii, ndeê nu bicy cuidad der ub ru nis gruu chur lo Crisht nu nac de riidz rguu nu nii mbecy a̱ê nap lo der. Gun orzeê cueê nu checa der nu gzu fert ru nu nac de coz ni Crisht, 18 sinu nap zir bduê lo der Shuaan den Jesucrisht, biñ nu co mbañ de ub na, nunu zaab gyicy zir mi faboor nu nap gyicy num der. ¡Rlagy ñi nu gyabic den gyel mbecy nim par dub laa tiem! ¡Laab ni gac ñii!