2 Corintios 12

1 Se la la coz gyicy na gan benu riib zily na ub na. Mas ni, tees rlagy ñi nu ne̱e̱ de coz nu bicy Shuaan den Jesuuz nu mnii pcaala̱ gal nu de coz nu bicy mi nu bdeê lo̱. 2 Ya̱ yuê lo̱ tub mbecy ni Crisht nu bi bzaê trotap ñaên byay gal gyibaa. Wagad lagya̱ ti ni gaal guc ñi, o ti pcaal ziêl bicy ñi nu bdeê loy. Tub zi la Ãgyoozh rad lagy mi. 3 Wagad lagya̱ ti nu cuerp la niy byay uti espiriit ziêl niy byañ. Ndeê wagad lagya̱. Nomaas tub zi la Ãgyoozh rad lagy mi. 4 Tees yu zeê byay gal gyibaa. Orzeê güeñ yu coz nu wac gyañ nu riidz. Ni wad rishbeey nu gnii mbecy de coz zeê. 5 Orzeê ya̱ gac riib zilya̱ yu zeê. Tees ya̱ wariib zilya̱ uba̱. Nomaas ya̱ ne̱e̱ de coz nu gyicy ñi nu gabe nu wacyiiña̱. 6 Nunu benu riib zilya̱ uba̱, orzeê walab nu ricy tona̱, gun ya̱ rishli rne̱e̱. Par ya̱ wayicy zilya̱ uba̱, gun orzeê cueê nu nii too mbecy nu ya̱ gya zir zu̱ gazeê mod nu bzac yu zeê nu zu̱ gal nu mod nu reñ dey nu rne̱e̱. 7 Tees par nu tonaê la coz ily bzaca̱, ndeê nu Ãgyoozh briic mi tub güii ne̱ par nu cueê gyale̱ê. Güii zeê, ndeê nañ gal na tub gyech nu ri nañ cuerp ne̱. Ndeê nañ gal na tub coz nu ricy nuras par nu ricy ras yu nuy ya̱. 8 Orzeê chon tir bdiña̱ lo Shuaan den Jesuuz nu com güii nu ricy cupa̱ zeê. 9 Orzeê nam rab mi ya̱: “Ya̱ nap ricy du̱ ru. Orzeê beñ nu ndeê. Gun nap zir rabee nu ya̱ dzi ferta̱ nu nac nu ru wacyiiñ ru”, nam. Ndeê nu yet zir lagya̱ nu naca̱ mbecy wacyiiñ, gun orzeê gabe nu Crisht dzi fert mi nu nac ya̱. 10 Ndeê nu yet lagya̱ nu nac nu wacyiiña̱. Yet lagya̱ benu gab zi mbecy ya̱. Yet lagya̱ benu wagad de coz cyiiñ ne̱. Yet lagya̱ benu shet zi mbecy ya̱. Yet lagya̱ benu deet zaca̱ nu nac Crisht. Gun ornu ya̱ dzi zir wacyiiña̱, orzeê naca̱ mbecy nu fert zir. 11 Ya̱ bicya̱ gal nu ricy mbecy ton ornu bicy zilya̱ uba̱, tees de ru bicy ru nu bicya̱ ñii. Gun de ru yad ñi ni der nu gyicy zily ru ya̱. Gun walab nu sac zir de aposht lily nu za ca der ich zeê gazeê ya̱, mas ya̱ se la la saca̱. 12 Gun ya̱ nu pase̱z bicya̱ riiñ lat der. Orzeê bicya̱ coz ily. Nunu bicya̱ nusuriidz. Nunu bicya̱ coz nu cha nu ic mbecy. Orzeê de nu ndeê ricy ñi nu rabee nu rishli naca̱ tub aposht. 13 Orzeê bicy sulagy der ne̱ benu a̱ê nap bicy du̱ de ru. Gun de ru gash zir zu der gazeê deê zir mbecy ni Crisht nu nac tub zi coz. Coz zeê, ndeê nu wantiña̱ coz nu cyiiñ ne̱ lo der. Orzeê bicy sulagy der ne̱. 14 Na bi zu lilya̱ nu yap güi̱i̱ de ru byaj chon. Nunu niê ziêl wadiña̱ coz nu cyiiñ ne̱ lo der. Gun coz nu rlagya̱, ndeê ub la de ru. Walagya̱ coz nu yuê ni der. Gun yu nguzh wacuic dey coz cyiiñ ni de mbel niy, sinu de mbel, yu zeê rbic yu de coz nu cyiiñ ni iêñ yu. 15 Ya̱ “O” ne̱e̱ laazha̱ dela coz nu yuê ne̱, nunu mas gashtal glaazha̱ uba̱ par nu locyuuba̱ de ru. Rlyu nu ornu ya̱ dzi zir rca̱ de ru, orzeê de ru dzi zir waca der ya̱. 16 Orzeê ya̱ walab nu byub la̱ too der. Mas ni, tees yuê mbecy nu rniiy nu bgu̱u̱ de ru par nu gyicya̱ gan der. 17 ¿Walab gaal nu bgu̱u̱ de ru nu nac tub mbecy nu bzuu neza̱ nu biid yu lo der? 18 Mnishba̱a̱ lo Tito nu cyid güiiy de ru. Nunu bzuu neza̱ tuubaê bicy na nu nac Crisht zeê nu cyid nu dey yu. ¿Walab gaal bguu Tito de ru? ¿Walab gaal rup la̱a̱ nu Tito ricy de̱ tub ziêl mod, nunu zu̱ de̱ tub ziêl shcab? 19 Cyup riidz de ru rnii too der nu de̱ ya̱ zaab ryuub la de̱ mod par nu gabe nu sac falt ne̱. Tees walab ni, sinu rne̱e̱ de̱ de coz nu rlagy Crisht par lo Ãgyoozh. Nunu de ru bicy de̱ nu dzi rca̱, dela coz nu ricy de̱ ricy de̱ ñii par nu locyuuba̱ de ru. 20 Ya̱ rdziba̱ ornu yap güi̱i̱ der, orzeê zaca̱ der nu reñaê mod ricy der gazeê mod nu rlagya̱. Rdziba̱ nu zac der ya̱ nu reñaê mod na̱ gazeê mod nu rlagy de ru. Rdziba̱ nu zaca̱ nu deet yuê der nu losaêr. Zaca̱ nu rasaap lagy der. Zaca̱ nu rchaê ic der. Zaca̱ nu bigy lagy der. Zaca̱ nu rnii der rishcuen. Zaca̱ nu rnii zi der ni losaêr. Zaca̱ nu nac der mbecy leê. Zaca̱ nu wagyicy der gal mod nu rlagy ñi. Niê ziêl rdziba̱. 21 Rdziba̱ ornu yapa̱ tuubaê tir, orzeê Ãgyoozh gyicy mi nu gat lo̱ nu nac de ru. Nunu gyicya̱ sentiir nu nac de mbecy nu bicy coz cyi, zeê wanneê dey cyi nu bicy yu. Gul dey biñ mñaa nu wanchelaay. Bicy dey de cyi ni biñ mñaa.