1 Timoteo 5

1 Cueê gab zir de mbecy gush, sinu benu gyicy dey coz nu walab seêñ, orzeê pshuu nu dey gal nu rshuu nur uz ru. Zeê de yu feñ, benu gyicy dey coz nu walab seêñ, orzeê pshuu nu dey gal nu rshuu nur tub bicy ru. 2 Zeê de biñ mñaa gush, benu gyicy dem coz nu walab seêñ, orzeê pshuu nu dem gal nu rshuu nur ñaar. Zeê de fiñ feñ, benu gyicy deñ coz nu walab seêñ, orzeê pshuu nu deñ gal nu rshuu nur zan ru. Nunu cueê shiñ nii toor. 3 De mbecy ni Crisht rlagy ñi nu locyuub yu de byud benu nu rishli sac cyu nu locyuub dem. 4 Benu tub byud zu iêñ mi, o zu yag mi, orzeê yu zeê rlagy ñi nu gad lagy yu nu locyuub yum loga la. Como mi zeê nac mi famil niy. Orzeê ni mod gyabic yu coz nu zaab yu ni de mbel niy nu nac nu bguul dey yu. Gun ndeê coz nu yet lagy Ãgyoozh. 5 Biñ mñaa nu rishli gaal nac byud, de biñ mñaa nu rishli byeeñ ub zi, mi zeê cueê checam nu cyish lom lo Ãgyoozh, nunu dzi rel la cyiñ mi lo Ãgyoozh. Nunu dzi rel la cueê checam nu nii num Ãgyoozh. 6 Zeê byud nu zu par nu gyicy ziêl mi coz nu gusht nim, mas zum gyishlombecy ii, se la la cyiiñ mi ni Ãgyoozh. Nam gal nu na tub mbecy gut. 7 Pcaa de mbecy ni Crisht nu ni mod gyicy nu dey de byud, gun orzeê warusu mbecy nu griib gyidza too de mbecy ni Crisht. 8 Benu tub mbecy wabic yu de coz cyiiñ ni de famil niy, benu wabic yu coz cyiiñ ni de mbecy nu yuê nañ yuêy, orzeê wagyicy yac yu ni de riidz nu rzeña lagy yu. Orzeê yu zeê a̱ê nap zir yu gazeê de mbecy nu wagyicy cup consuel lo Crisht. 9 Zaan ru nu caa dey nu la de byud lo lisht ni de biñ mñaa nu ricy riiñ nu de mbecy ni Crisht benu bi pshuub mi gayon ñaên, nunu benu bicy yac mi nu tub zi ñgyeem nu bzu. 10 Nunu rlagy ñi nu nap neñ mbecy de coz nap nu ricy mi: nu nap rguul mi de iêñ mi, nu nap rnii num de mbecy nu rza yuêm, nu a̱ê leêm, sinu rzu bich mi nu nac de mbecy ni Crisht, nu rlocyuub mi de mbecy nu rzac zi. Orzeê benu fert bicy mi de lo la riiñ nap, orzeê zaan ru nu caa dey nu lam lo lisht zeê. 11 Tees de byud nu nigul shuub gayon ñaên, cueê zaan ru nu caa dey nu lam lo lisht zeê, gun ornu nii too dem nu gad tuubaê ñgyeem, orzeê galagy mi nu chelaam tuubaê tir. Orzeê gla yaam riiñ ni Crisht. 12 Orzeê yuê falt nim, gun wangyicy yac mi nu de riidz nu mniim lo Crisht nu gyicy mi. 13 Nunu tuubaê coz, yuê nu gyac dem mbecy nu sac riiñ gyicy. Orzeê chesam gazaê yuê mbecy la. Nunu walab tub lo ziêl nu sac riiñ gyicy dem, sinu cugyiê nii dem rishcuen. Cugyiê nu neê ruê dem lat asunt ni reñaê mbecy. Orzeê nii dem coz nu walab seêñ. 14 Ndeê nu ya̱ rlagya̱ nu chelaa de byud feñ. Orzeê cyich mi famil, nunu nap gyub ic mi de riiñ nañ yuê. Orzeê rila cueê cuic dem lugaar nu nii zi de mbecy nu rzi lagy lo den nu nac naa mbecy ni Crisht. 15 Ni rne̱e̱ lor, gun yuê la be byud nu bi bruu chu dem lo de coz ni Crisht par nu ricy dem coz nu rlagy nuras. 16 Benu zu tub byud lat de famil ni tub biñ mñaa nu ricy cup consuel lo Crisht, orzeê biñ mñaa zeê rlagy ñi gyash mi byud zeê goow mim lugaar nu goow deê zir de mbecy ni Crisht mi, gun orzeê de mbecy ni Crisht gac gyash yu de byud nu rishli ub zi, rishli sac famil ni. 17 Rlagy ñi nu ca zir lagy de mbecy lo yu bel nu nap riib ic lat de mbecy ni Crisht gazeê deê zir mbecy. Nunu ricy zir ñi presis benu yu zeê yu nu rshaal riidz ni Ãgyoozh nunu rlyuuy ni de mbecy. 18 Gun riidz ni Ãgyoozh rniiñ: “Cueê car coz nu gow tor lat nu ricy ma riiñ”, rniiñ. Nunu rniiñ: “Yu nu ricy riiñ yad ñi nu gyad iy”, rniiñ. 19 Cueê gyicy cuen ru de cyi nu driib mbecy ic de yu bel benu wanrusu cyup o chon teshtig nu bzaac yu nu shiñ bicy yu. 20 Ornu gyubee nu tub yu bel yuê falt niy, orzeê shuu nur yu lo rgüii la dela de mbecy ni Crisht ornu yuê tublaazh dey, gun orzeê deê zir mbecy dzib dey nu gyicy yu cyi. 21 Ãgyoozh Uz na, nu Jesucrisht, nu de anc zub lo rzac dem ornu ya̱ ricya̱ mandaar lor nu gyicy yac ru nu de coz nu mne̱e̱. Ni gyicy ru mas cyu ziêl mbecy nac yu. Cueê nu reñ ga mod gyicy nur tub ga mbecy. 22 Cueê glal ru nu griib yaar too mbecy nu gyicy ru nu gac yu yu bel. Gun benu ni gyicy ru, ndeê cuen ni ru benu gyicy yu cyi. Cueê gyac ru mbecy nu yuê falt zeê ni. 23 Timoteo, ru cyaê rac nañ ru, nunu cyaê rat ru. Orzeê cueê goêr nis ziêl, sinu rlagy ñi nu goêr ñuu miê ñup ni urbyay, gun orzeê gyicy ñi guñaa nuñ ru. 24 Rlagy ñi nu gyicy cuidad ru anzir nu riib ru riiñ ic yu bel, gun waric na raso̱o̱ la mbecy nay. Yuê mbecy lo nu loo la ricy yu cyi. Orzeê rabee lac ricy yu anzir nu gyicy der preb yu. Zeê yuê gaê mbecy ngach ricy dey coz cyi. Orzeê waca bee de cyi nu bicy yu, sinu gal despuees gazeê nu gruu zac ñi. 25 Orzeê niê ziêl mod yuê mbecy nu lo nu loo la ricy yu coz nap. Orzeê rabee lac ricy dey. Nunu yuê gaê mbecy ngach ricy yu coz nap. Tees niê de coz nap nu ricy yu wagyeñ ñi ngach.