1 Timoteo 3

1 Mbish tub riidz nu rlagy ñi nu cheña lagy mbecy. Riidz zeê, ndeê “Benu ca na tub mbecy rlagy yu gac yu yu bel lat de mbecy ni Crisht, orzeê tonaê la riiñ nap rlagy yu gac yu.” Ndeê riidz nu rlagy ñi nu cheña lagy mbecy. 2 Ndeê nu na, par nu cyiiñ yu nu gac yu yu bel, orzeê rlagy ñi nu cyiiñ yu tub mod nu cueê la griib mbecy gyidza tooy. Rlagy ñi gac yu mbecy nu ricy paa nu tub ziêl biñ nu nac mñaay. Rlagy ñi gac yu mbecy nu zu cuidad nu nac ub. Rlagy ñi nu gac yu mbecy nu nap rash shcab. Rlagy ñi nu gac yu mbecy raso̱o̱. Rlagy ñi nu nap nii nuy mbecy nu rza yuêy. Rlagy ñi nu gac yu mbecy nu nap na shcab ni par nu lyuuy ni losaêy. 3 Cueê gac yu mbecy rzugy. Cueê gac yu mbecy dzech na. Sinu rlagy ñi nu gac yu mbecy nu nap ri lardoo. Rlagy ñi nu gac yu mbecy gugy na. Cueê gac yu mbecy nu ye rzac lo tiñ. 4 Nunu rlagy ñi gac yu mbecy nu nap riib ic lat de famil ni. Rlagy ñi nu de iêñ yu gac yu mbecy nu rca lagy lo de mbecy nunu gac dey mbecy nu rzuub gyidag. 5 Gun benu tub mbecy wagac gyub ic yu lat de famil niy, orzeê niê ziêl wac ña nap yu de mbecy ni Crisht. 6 Yu nu gac yu bel wac mbecy nu sa brugyiê ricy cup consuel lo Jesuuz, gun nis gyaleêy. Gun benu ni gyicy yu, orzeê gnii Ãgyoozh nu cyi nu gyicy yu zañ contr nim gal nu bicyaê ziêl nuras. 7 Tuubaê coz rlagy ñi nu cueê gzab riidz nu nac yu mbecy a̱ê nap lat de mbecy nu walab mbecy ni Crisht, gun orzeê cueê nu gruu gyel mbecy niy. Orzeê cueê gyicy nuras gan yu. 8 Niê ziêl de yu nu gzu ayudant lat de mbecy ni Crisht rlagy ñi nu gac dey mbecy nu rca lagy losaê lo. Rlagy ñi gac yu mbecy nu rnii nu dutuub la lardoo. Cueê gac yu mbecy rzugy. Cueê gac yu mbecy nu ye rzac lo tiñ. 9 Rlagy ñi nu dutuub la lardoo dey gyicy cup yu consuel lo de riidz nu gal na briic Ãgyoozh nu gad lagy den. Nunu rlagy ñi nu cyiiñ yu tub mod nu cueê gat loy nu nac de coz nu ricy yu. 10 Rlagy ñi gac preb dey. Orzeê despuees, benu wayuê falt ni dey, orzeê gazeê nu cyiiñ dey nu gac yu ayudant. 11 Niê ziêl mñaa dey rlagy ñi nu gac dem mbecy nu rca lagy losaê lo. Nunu cueê gac dem mbecy nu rnii rishcuen. Rlagy ñi nu gac dem mbecy nu zu cuidad nu nac ub. Nunu rlagy ñi gyicy paa dem nu dela coz nu gyicy mi. 12 De ayudant rlagy ñi nu gyicy paay nu tub ziêl biñ nu nac mñaay. Nunu rlagy ñi nu nap gyub ic yu de iêñ yu, nu deê zir mbecy nu yuê yuêy. 13 Benu de ayudant nap gyub ic dey riiñ nu bdugyiy, orzeê ca lagy mbecy lo dey. Orzeê wadzib lagy la dey nu shaal yu de riidz nu ricy cup yu consuel lo, de riidz nu rnii coz ni Jesucrisht. 14 Na ya̱ drish lo̱ nu gac yap güi̱i̱ gyiilya̱ ru, tees na ca̱a̱ gyicy ii zeeda̱ lor, 15 gun zeê benu wac yap gyiilya̱, bi neñ ru lac mod gyicy de mbecy ni Ãgyoozh nu de losaêy, gun de mbecy zeê nac dey mbecy ni Ãgyoozh mbañ. De yu zeê yu nu ricy cup consuel lo Crisht, nunu de yu zeê gzu fert dey nu de riidz rishli nim. 16 Rishli gaal dzi coz ily de riidz nim nu gal na briic mi nu gad lagy den. Riidz zeê, ndeê nu: Crisht gush mi cuerp ni mbecy, nunu bruu zac mi gyishlombecy ii. Orzeê Espiriit Yon ni Ãgyoozh bicy mi nu byuê bee nu nac mi biñ nu sac ni tub la falt ni. De anc bzaac dey mi. Orzeê brush las riidz nu rnii de coz nu bicy mi lat zañ nac mbecy. Orzeê bicy cup mbecy consuel lom zañ lugaar ni gyishlombecy. Nunu despuees ni de nu ndeê, pshupaê Ãgyoozh mi gyibaa. De ndeê de riidz nu gal tiem na briic Ãgyoozh nu gad lagy den.