1 Tesalonicenses 4

1 Na der bicy na, como de̱ ya̱ nac de̱ mbecy nu rnii por cuen ni Shuaan den Jesuuz, rnishba̱a̱ de̱ lo der, nunu du̱ê de̱ riiñ yaa der nu zaab chesa lar mod nu blyu̱u̱ de̱ ni der, tub mod nu ganap lagy Ãgyoozh, gal nu bi ricy der na. 2 De ru bi rad lagy der de coz nu mnii Shuaan den Jesuuz nu blyu̱u̱ de̱ ni der. 3 Ãgyoozh rlagy mi nu chesa der mod ni mbecy nu sac falt ni. Nunu rlagy mi nu cueê gal ni tub la der mbecy nu wanchelaar. 4 Tub ga la der rlagy ñi nu gad lagy der lac mod gyicy nur mñaar. Gyicy nur ñii tub mod nu nap par lo Ãgyoozh, gal nu mod nu seêñ. 5 Cueê nu nii toor nu gyicy ru tub mod nu a̱ê yad ñi nu gyicy ru nur ñii, gal nu ricy de mbecy nu a̱ê yuê lo Ãgyoozh. 6 Orzeê ni tub la mbecy walagy ñi gyicy ras nuy bicy yu nu nac Crisht. Ni walagy ñi nu gyicy yu gan losaêy nu nac asunt ni biñ mñaa. De̱ ya̱ bi bdo̱o̱ de̱ rishlo der nu Ãgyoozh cuic mi cashtig ni de mbecy nu ni ricy. 7 Gun Ãgyoozh wansum de ub na nu gac naa mbecy nu ral losaê nu wanchelaa, sinu bzum de ub na nu gac naa mbecy cacy. 8 Orzeê cyu ziêl mbecy nu washet ic nu gyicy gal nu rdunii ii, yu zeê walab nu wacshet ic yu de coz nu rnii mbecy ziêl, sinu washet ic yu nu gyicy yu de coz nu rnii Ãgyoozh, biñ nu rbic Espiriit Yon nim ni den. 9 Walagy ñi zeeda̱ gyicy lo der par nu gad lagy der nu car de bicy ru nu nac Crisht, gun laab Ãgyoozh bi blyuum ni der nu ca tub ca tub ziêl der losaêr. 10 Tees ni bicy der nu dela de bicy na nu yuê lo de yu ni Macedonia. Ndeê nu der bicy na, de̱ ya̱ rnishba̱a̱ de̱ lo der nu tub dzi ga pca zir der losaêr. 11 Bicy der nu nap chuêr nu losaêr. Nunu cueê neê ruê der lat asunt ni mbecy. Nunu zaab bicy la der riiñ nu gad nu gow der. De ndeê riiñ nu bduê de̱ yaa der anzir. 12 Ni mod bicy der, gun orzeê ca lagy de mbecy nu walab mbecy ni Crisht lo der, nunu orzeê wayicy falt ni tub la coz ni der. 13 Der bicy na, walagy de̱ nu gac der mbecy nu shtee la nu nac coz nu gzac de mbecy nu bi gut, gun orzeê cueê nu gyicy shni der gal nu ricy de mbecy nu wacyish lo nu gyabañ. 14 Gun de ub na rzeña lagy den nu Jesuuz gut mi, nunu byabañ mi. Nunu ndeê nu Ãgyoozh gyicy mi nu cyid Jesuuz tuubaê tir. Cyid num de yu nu bi gut nu bicy cup consuel lom. 15 Na ne̱e̱ lo der gal nu blyuu Shuaan den Jesuuz ne̱ de̱. De mbecy nu yuê lat den nu gabee mbañ ornu shuub dzi nu cyid Shuaan den Jesuuz tuubaê tir, waya ga dey lo par de yu nu bi gut. 16 Gun gzab tiê nu rbish ti, nunu gnii anc zub lo, nunu dulaa trompet ni Ãgyoozh. Orzeê laab Shuaan den Jesuuz gruum gal gyibaa gyet gash mi. Orzeê nu loga la de mbecy nu bicy cup consuel lo Crisht gyabañ dey. 17 Orzeê despuees de yu nu gabee mbañ gyes nañ dey lo bi tublaazh la nu de yu nu byabañ zeê. Gya dey lat za. Gun orzeê dzeel den Shuaan na Jesuuz baa. Orzeê cyiiñ du den mi tub la. 18 Orzeê briic der baloor ni losaêr nu nac de riidz ii.