1 Tesalonicenses 2

1 Der bicy na, de ru rad lagy der nu wangyap leew de̱ lat der. 2 Rad lagy der nu anzir nu yap de̱ lat der, orzeê bri̱ de̱ Filipos. Orzeê zeê gugy zi dey de̱ ya̱, nunu shiñ bicy nu dey de̱ ya̱. Tees Ãgyoozh blocyuub mi de̱ nu wanchib la de̱ pshaal la̱ de riidz nu sac ni Crisht lo der, mas zigy mbecy guay contr ne̱ de̱. 3 Gun walab nu rshaal de̱ riidz ni Ãgyoozh nu nac de̱ mbecy nu radza. Ni walab nu rshaal de̱ riidz nim par nu gad mod nu gyicy de̱ gan losa̱ê. Ni walab nu rshaal de̱ riidz nim par nu gad mod nu gu̱u̱ de̱ losa̱ê. 4 Orzeê lugaar nu ni gyicy de̱, ca nu bicy Ãgyoozh de̱ par mbecy nu cyiiñ. Orzeê bduêm riiñ ya̱a̱ de̱ nu shaala̱ riidz nu sac nim. Orzeê ni mod rshaal de̱ de riidz zeê. Walab nu gyicy de̱ mod nu gyet lagy mbecy, sinu gyicy de̱ mod nu gyet lagy Ãgyoozh, biñ nu rad lagy la na lardoo dela den. 5 Nap rad lagy der nu walab nu mne̱e̱ de̱ riidz nu cyit ziêl za lo der. Ni walab nu mne̱e̱ de̱ riidz par nu soow ñi lo gyel ye rzac ne̱ de̱. Ãgyoozh rad lagy mi nu ndeê rishli. 6 Rila wanyub de̱ mod par nu gyicy zily ni tub la mbecy de̱ ya̱: ni de ru, ni reñaê mbecy. 7 Mas yad ñi nu ne̱e̱ de̱ lo der nu gyabic der gyel mbecy ne̱ de̱, gun nac de̱ aposht ni Crisht, tees guc de̱ mbecy gugy na du̱ der. Bicy du̱ de ru gal nu ricy tub biñ mñaa nu de yu nguzh miê nim. 8 Par nu nac nu dzi rca̱ de̱ de ru, bi bzu lily de̱ walab tub lo ziêl nu shaal de̱ de riidz nu dzi sac nu bruu lo Ãgyoozh, sinu niê bzu lily de̱ nu gyicya̱ la ziêl coz nu rlagy ñi par nu glocyuub de̱ de ru nu nac nu tonaê la rca̱ de̱ der. 9 Der bicy na, segur la yezaê lagy der nu dzi fert bicy de̱ riiñ par nu gad coz nu da̱w de̱. Dzi rel la bicy de̱ riiñ par nu cueê ñgyicy zeed de̱ ni tub la der lat nu rshaal de̱ de riidz nap nu bruu lo Ãgyoozh lat der. 10 De ru, nu Ãgyoozh rad lagy der nu de mod nu bicy du̱ de ru, mbecy nu ricy cup consuel lo Crisht, ndeê tub mod nu nap, tub mod nu laab ñi, tub mod nu sac falt ni. 11 De ru rad lagy der nu bicy du̱ der gal nu ricy tub mbecy nu iêñ yu. 12 Bric de̱ baloor ni der. Bric de̱ consuel ni der. De̱ ya̱ zaab rne̱e̱ la̱ lo der nu chesar gal nu rlagy Ãgyoozh, biñ nu blo su de ru par nu gzac der lo gyel gubier nim, gal nu gyel lily nim. 13 Nu nac de ndeê, zaab dric la̱ de̱ gras ni Ãgyoozh, gun ornu güeñ der de riidz nim nu byap shaal de̱ lat der, orzeê “O” mnii der. Bicy der ñii par riidz ni Ãgyoozh, walab riidz ni mbecy ziêl, gun laab rishli riidz ni Ãgyoozh nac ñii. Gun Ãgyoozh ricy mi coz nap nañ lardoo de ru, mbecy nu ricy cup consuel lom. 14 Der bicy na, laabaê coz nu bzac de ru laabaê coz zeê nu bzac de mbecy ni Ãgyoozh nu yuê lo de yu ni Judea, de yu nu nac ni Jesucrisht. Pshet zi de mbecy Israeel de yu zeê, laabaê gal nu pshet zi de losaêr de ru. 15 De mbecy Israeel biit dey de yu nu mnii por cuen ni Ãgyoozh gulas, nunu biitaê dey Shuaan den Jesucrisht, nunu pcyuu nu dey de̱ ya̱. De yu zeê, wagyedzuê lagy Ãgyoozh lo dey, nunu za dey contr ni dela mbecy. 16 Tees ornu rlagy de̱ ne̱e̱ lo de mbecy nu walab mbecy Israeel, par nu niê gruu mbañ dey, bicy pee dey nu ncay ne̱ de̱ nu cueê ni ñgyicy de̱. Orzeê ni mod bicy dey nu psaê la dey suuy nu nac cyi. Orzeê na Ãgyoozh bi bzeed mi cashtig nim too dey. 17 Der bicy na, ornu blaê losaê den tub tiem, mas wansac de̱ de ru, tees nañ lardo̱o̱ de̱ rniiñ nu yuê der, nunu tonaê la bloo lo̱ de̱ nu yuba̱ mod nu gzaca̱ de ru lo nu loo la. 18 De̱ ya̱ ngulagya̱ nyapa̱ lo der. Nunu ub la ya̱, Baly, bicy pe̱e̱ nyapa̱ lo der zañ tir. Tees nuras wansaan yu. 19 Gun ¿cyu ñuu gyicy nu yet lagy de̱? ¿Cyu ñuu gyicy nu nap zu lagy de̱ benu walab de ru ornu cyid Shuaan den Jesucrisht tuubaê tir? 20 Gun laab nu nac de ru nap zu lagy de̱, nunu yet lagy de̱.