TITO 1

1 Naa nac Pabl, tib nguá¹dziin win nac naa lo Dios, tib zha ne pxeeḻ Jesús nonee Xtiidz Ndzon me lo miech. Laa naa none xtiidz me, zeeá¹a grëse miech ne bzooblole Dios, gliladz zho me, gacnaá¹ zho zhapaa nac wseed ne zionaḻ ne (wseed ne rnee zha none gbannie miech Dios), 2 wseed ne rlu gaá¹le ible laa ne quiambiaaz ygaa ne tib guieḻmban ne gdziá¹draa dze lozh. Ansraa ne tsaa guidzliu, laa Dios bzeetle ne laa me gneedz guieḻmban co, ni mesi goá¹ led yed me rquidie. 3 Ni niina ne laa dze co bdziá¹, laa me blu lo ne gaá¹le zha nac xtiidz me, miá¹copaa nagoá¹ bzo me naa none naa lo miech. Lëë me ga nac Dios ne psilaa ne lo doḻ. 4 Laa naa rxeḻ guits rii lo luu goá¹ Tit. Rzaac naa luu zig tib xpëëd naa, sac naá¹ naa nli dib zdoo luu rliladz luu Dios zigne rliladz naa me. Rnab naa lo Dios meá¹ ne nac Pxoz ne, ni lo Jesús meá¹ ne psilaa ne lo doḻ, glu me gaá¹le pa lotaa noxco me luu, zeeá¹a peet zhgab ctseebd luu. 5 Rsoladzaxe luu gaá¹le, zeeá¹e psaá¹ naa luu lo guidzliu win ne lë Cret i, laa naa psaá¹ luu zeeá¹a lozh guá¹ luu grëraa dziin ne no gac i, ni psaá¹ naa diidz lo luu zha gzo luu zha ne so gnabey lo grë zha ne rliladz Jesús, tib tib guiedz qui. 6 Bieá¹ sca, zeeá¹e gzo luu zha co, ga rquiin: tib zha ne zaacse mban, zeeá¹a peet glisquid miech lo zho; tibaque wnaa ne mbannie zho, meá¹ ne nacse tsieel zho, zaacse quiachoob zho xpëëd zho, rliladz mëëd Dios (zëëbd diidz pe guieḻntseeb ne noyuá¹ mëëd, o rondgaa mëëd diidz). 7 Sac zha ne sca so lo grë zha ne no xnëz Dios, ib none gac zho tib zha ne ndzinli mban, sac goá¹ xtsiiá¹ Dios ga guá¹ zho. Nodne gac zho: zha nlëëguic, zha ngonziu, zha nad ron diidz, zha nguibdiḻ, zha ne rzonaḻ dimi. 8 Sinque none gac zho tib zha ne: ndzinli nac guic, iá¹e niowse rdeed zho zaatne rbëz miech ne rdziá¹taa lidz zho, rioxco zho ruá¹ zho niapse ncuaaá¹e rquiin lo samiech zho, zienaḻ zho gac niapse miá¹e nac diidzli, rioxco zho ruá¹ zho niapse miá¹e rnabey Dios, rrieelo zho rnabey zho guic zho, rnabey zho xcuerp zho. 9 Ni none tibaque tsienaḻ zho miá¹e nac Xtiidz Jesús, miá¹e pseed zho; zeeá¹a guieá¹ zho zha gnee zhow lo grë zha ne gard tsoguic zha naca, ni grieelo zho glu zho lo grë zha ne rlëënie Xtiidz Jesús, guieá¹ zha co nonguieḻda ga glëënie zhow. 10 Sac no ndal grë zha ne nëd gon Xtiidz Jesús niina, ncuaaá¹e paat rquiind rseed zho miech, rquidie zho; ni lëëpaa zha ne sca ruá¹ nac zha Israel. 11 Gacxe waa, ib none guioog ro zho; sac goá¹ par cueexlëse zho dimi no zho noseed zho miech grë ncuaaá¹e paat rquiind; zaatne no tib yu miech, grëse zho rquidie zho. Bieá¹ sca goá¹ nsin bzo lo grë zha Cret i. Sac goá¹, 12 tib meá¹ladzaque zho, tib meá¹ rac lo zho bzeet gaá¹le zha nac zho zeeá¹e znu bnee me: “Naá¹draaque zha Cret, loxaque noquidielsa zho samiech zho. Masaque mban zho zigne mban grë ma ntseeb ne no guix; loxaque gowse zho zienie guic zho, rbech zho guá¹ zho dziin." 13 Ni nligaa sca nac zho. Gacxe waa, bieá¹ gdziguiend luu grë miá¹e ruá¹ zho, goctox lo zho zeeá¹a sodziits zho lo Xtiidz Ndzon Jesús miá¹e no gliladz zho. 14 Bnee lo zho yquiaadiagdraa zho beeḻze pe grë godiidz ne rbeebey zha Israel, ni niicle yquiaadiagdgaa zho grë miá¹e rnabey zha ne rlëënie Xtiidz Ndzon Jesús. 15 Goḻgaá¹ gaá¹le, grë miech ne ndzinli nac guic, zha ne mbe xquieḻrien, ncuaaá¹e notaa, mbe naca lo zho; saá¹gue zha ne rliladzd Xtiidz Dios, zha ne ndzinlid nac guic, tsod tib ncuaaá¹e mbe glulo lo zho; sac desde zdoo zho, desde xquieḻrien zho mbed. 16 Rnee zho ruá¹bey zho Dios, per rlu nlida sac ndzinlid mban zho. Zha yozha, xquieḻndaan yozh zho zienie zho, led zha ne guiabd ne guá¹ ncuaaá¹e yquiina.