ROMANOS 9

1 Bets, bzian, ¡blactaa racladz naa guieá¹ grëraa zha Israel cho nac Jesús! Rquianë zdoo naa zho nac zho meá¹ladz naa, tibaque mban rac zdoo naa rsoladz naa zho. Haxta Jesús, haxta Espíritu Sant naá¹ gaá¹le rquiad zdoo naa naa niicle maase gdzibdee miech naa, maase nitlo naa guia naa zaatne gaá¹draa naa Dios, teḻne niaca por miá¹ co laa zho guieá¹ zha gbig zho lo Dios. 4 Blactaa quiayacnieá¹ Dios zho, ni rond zho xtiidz me. Bzooblo me zho gac zho zha ne ygab lo me, haxta bzënie me zho, goá¹ zho gaá¹le meá¹ ndzon nac me; biaaá¹ zho diidz grë zho me zha mod guá¹lay me zho. Psaá¹ me ley lo zho zeeá¹a guieá¹ zho zha gban zho, ni psaá¹ me diidz lo zho zha gleynie zho me. Nzian grë ncuaaá¹e bnee me gdeed me lo zho. 5 Lëë pxozgoldoo zho ga goc Abraham, goc Isaac, goc Jacob, ni lo dii co ga brieequia zha ne bded zig meá¹lidz Jesús. Me nac Dios, me rnabey grëtaa ncuaaá¹e no, ni me rieguiaḻ gacnon gzataa dze. Ible sca rieguiaḻa. 6 Nana, no zho guiab gocdaque grë miá¹e bnee Dios ga ygaa zha Israel. Per led scada. Sinque lëë miá¹ co rgaa zha ne nlipaa rnalo Dios, sac zha co nac zha ne nlipaa nac zha Israel. 7 Nacda ne loxaque ziaad zho lo xtii Abraham, laa zho nacle merpaa zha Israel; sac goá¹, niicle ne nzian mëëd pquianie Abraham, per rëb Dios loxaque Isaac gac cuent zig xpëëd Abraham. 8 Gase nagaá¹le rlu, zig nac niina, grë zha ne ziaad lo xtii Abraham, led grëd zho ngab lo Dios; sinque zha ne bzooblole me zigne bzooblo me Isaac, zha co ngab lo me. 9 Sac zig nac Isaac, ible Dios bnee lo Abraham grop Sar, ne laa Isaac gac mëëd lo zho. 10 Ni scasaque xpëëd Isaac. Bdziá¹ dze, zeeá¹e laa Isaac ptsieelnia wnaa ne lë Rebec, dzigo gop Rebec tibnëz mëëdbgui. 12 Bii zoney Rebec grop mëdyeeá¹ co, laa Dios bzooblole win ne brieelë Jacob rëb me, ne ible Jacob gac zha non lo Esaú, win ne glo gal. 13 Laaw zhobneeque lo Xtiidz Dios, zaatne znu rëb me: “Ible Jacob bzooblo naa beeá¹lay naa, bzoblod naa Esaú.” Gard gal grop mëëd co, per ni gard gacnaá¹ win zha nac guieḻntseeb, zha nacgaa guieḻwen, laa me bzooblole tib win. Ga nagoá¹, blu Dios ne mese nac meá¹ ne rieguiaḻ rzooblo teḻ cho zha ne ygab lo me, nacda por pe ncuaaá¹e noyuá¹ zho. Nana, ¿pe zdzieets ne guieḻntseeb ga sca ruá¹ Dios? ¡Led guieḻntseebda! Tib vuelt rëb me lo Moisés: “Zha ne gacladz naa yquia zdoo naa, squia zdoo naa zho." 16 Ga nagoá¹, zha ne ruá¹lay me, nacda porne zha rquiaguiba, o rioxcogaa zho ygaa zhow; sinque laa zho rgaaw, porne me rquia zdoo zho. 17 Gotsaa gwi ne gaá¹le zha beeá¹ndip me zdoo rey Egipt. Lo Xtiidz me zhobnee zeeá¹e rëb me lo rey co: “Ible laa naa bzo luu nac luu rey, luu yguib glu naa poder ne rap naa, zeeá¹a dib lo guidzliu guieá¹ miech gaá¹le naa nac Dios." 18 Ga nagoá¹ rlu, zha ne gacladz me yquia zdoo me, rquia zdoo me zho; ni scagaa, zha ne gacladz me guá¹ndip me zdoo, ruá¹ndip me zdoo zho. 19 Nana, no zho gnë: “Teḻne scaw, ¿pe nac dzigo rlisqui Dios miá¹e ruá¹ miech, teḻ mezhal rnabey zha nac zho tib tib zho?" 20 Per nana, ¿cho nac ne par glisqui ne miá¹e ruá¹ Dios? Zig nac tib guies beá¹, niacxe zlisquiw lo meá¹ ne bzaaw, guiaba: “¿Pe nacne znu bzaa luu naa?" 21 Led zha ne ruá¹ dziin co, zrieelo gzaa zho tib guies zigne gacladztaa zho; tib lë beá¹ ne xeá¹ zho, zac gzaa zhow tib guies niow, o gzaagaa zhow tib guies beeḻze. 22 Scaquegaa nagoá¹ rzac Dios miech. Grë zha ne psaá¹le me nitlo, ible rap me derech csiaabzhian me zho, glu me poder ne rap me; per laa me bii quiayap zho paciens nieeda gdziá¹ dze co. 23 Grëgaa zha ne bzooblo me ygaa lo guieḻndzon ne no me, zigtaa new ne nac ne zha Israel, zigtagaa zha stib guiedza; ible rap me derech bzooblo me ne, sac rquia zdoo me ne. 25 Goḻsoladz gaá¹le zha bzeet Osé, meá¹ ne biadteed xtiidz Dios padzeela. Bzeet me ible zbedz Dios grë zha ne nacd zha Israel ygab zho lo me, zeeá¹a gleynie me zho niicle ne rleynied me zho glo. 26 Laa stib lugar bzeet Osé, zha bnee Dios lo zho, rëb me: “Ngabde to lo naa, per zdziá¹ dze ne laa to gac xpëëd naa, ne nac naa Dios nguiamban." 27 Laa Isá stib meá¹ ne biadteed xtiidz Dios padzeela, zeeá¹e bzeet me zha Israel rëb me: “Niicle ne ndaldoo nac zha Israel pale yuzh ne ndxie ro nisdoo, per zhis zho gac zha ne ycaania Dios; 28 sac ziaadyoble guá¹ Dios xquieḻwxtis me lo guidzliu, zigne bneele me." 29 Miá¹ co ga bzeet Isá mazd glo, rëb me: “Teḻne niaca miá¹e yquiad zdoo Dios zha Israel, znitlo me zho grëse zho zigne bnitlo me zha Sodom ni zha Gomorr." 30 Nana guiab ne: ¿Zha nac dzigo ne rcaania Dios zha zit? Laa me rcaania zho niina sac dib zdoo zho rnalo zho me, niicle ne wlaltaa ib bioxcod zho dieá¹ zha nsilaa me zho lo doḻ. 31 Laa zha Israel, niicle ne rioxco zho ruá¹ zho grë miá¹e rnabey ley parne csilaa me zho, per ib laad zho lo doḻ sca. 32 Laad zho, sac zienied guic zho gnalo zho Dios, rzac zho por grë ncuaaá¹e guá¹se zho laa zho laa lo doḻ. Miá¹cocxe waa, zeeá¹e laa Jesús biaad, bzhaac zho me zig tib quie ne rrieḻ ni ne riab ne liu. 33 Lëë miá¹ co ga zhobnee lo Xtiidz Dios, zaatne rnee: Sxeḻ naa tib meá¹ lo zha Israel, me gac zig tib quie ne grieḻ ni zho; saá¹gue zha ne dib zdoo gnalo me, tsod dze ne tso zho guieḻnë, guiab zho pe nacne bnalo zho me.