APOCALIPSIS 5

1 Zeeá¹e bui naa stib, goá¹paa naa meá¹ ne zob lo xcan ro co, nose tib guits nroob nia derech me. Gropse nëz guits co quia, ndibëdsew, nzhidoogaw gadz lë cint. 2 Ni goá¹ naa tib anjl, tib meá¹ macis rlu me, nguiedz zëëb tsi me, bnabdiidz me rëb me: â¿Cho rieguiaḻ cchug cint ne nzhidoo guits qui, cxal zho low? 3 Ni tib choot pxald lo guits co, niicle gbaaw niicle lo guidzliuw, niicle zhan guidzliugaaw, brieequiad tib zha ne nchug cint co, nwi zho lo guits co. 4 Mban goc naa, psilo naa nguiedz roon naa, goá¹ naa sca brieequiad tib zha ne rieguiaḻ nxal lo guits co, nlab zho low. 5 Dzigo bnee tib meá¹gol ne zo gax lo xcan co, në me lo naa: âGoond luu. Lëz gaá¹le, meá¹ ne brieequia lo xtii Judá, lo xtii rey David, me cchug gza gadz cint ne nzhidoo guits qui, me cxal low. Ible me rieguiaḻa, sac goá¹ psiaablo me grëse zha ne rlëë lo me; rrieequia nac me zig tib meedz. 6 Horco bui naa zaatne nac lo xcan ro co, goá¹ naa glowtaa lo gza bult mban co ni lo gza meá¹gol co, ga zo tib Carner yeeá¹. Rlupaa zha psacsi zho ma, zeeá¹e beet zho ma. Zob gadz zhoz ma, ni zob gadz bziaalo ma, rrieequia gza gadz bziaalo ma ga, miá¹ co nac gadz guieḻbiini ne rdeed zhiEspíritu Dios. 7 Dzigo wbig meá¹ ne nac Carner yeeá¹ co, bnaaz me guits ne no nia derech meá¹ ne zob lo xcan ro co. 8 Zigne bnaaz me guits co, laa gza bult mban co, ni gza gaḻptap meá¹gol co pquiitsgzhib lo me. Tib tib meá¹gol co nzheá¹se me tib arp ni tib ptsigui or, rso tib gox ndzon leá¹ ptsigui co (rrieequia gox co nac grë diidz ndzon ne rnee grë zha ne no xnëz Dios zeeá¹e rzodiidznie zho me). 9 Dzigo psilo gza meá¹gol co biiḻ me tib cant cub. Znu rnee lo cant co: ¡Ible luu rieguiaḻ ycaania guits qui, luu rieguiaḻ cchug gza cint ne nzhidoow i! Sac luu bded grëtaa guieḻnë co psacsi zho luu, haxta bzhiee xchen luu; sca psilaa luu grëlose dii miech, teḻ pa guiedztaa nac zho, teḻ pa diidztaa rnee zho, teḻ pa naciontaa ngab zho. 10 Laa luu bzhii no grë no gac no tib guiedz cub, guiedz ne gnabey Dios; no gac pxoz ne guá¹ dziin lo me, masaque tipse gban no zeeá¹e gnabey me lo guidzliu. 11 Zeeá¹e bui naa, goá¹ naa anjl guizhiu ne ndxie zaatne zo xcan ro co, led zha ne grieelod glab new. 12 Nguiedz zëëb tsi zho grë zho gza bult mban co, ni grë meá¹gol co, rnee zho: ¡Meá¹ non nac meá¹ ne nac Carner yeeá¹ ne squi rlu beet zho! Me rieguiaḻ gnabey, meá¹ ro nac me, choot grieelod csiaablo me. Ladznia me no grëse guieḻnzaac, me rap grëtaa guieḻrieá¹, Meá¹ ndzon nac me, me none dziuuá¹non ne, me none dziooḻnie ne. 13 Horco grëse miech, grëse ma, grëse ncuaaá¹e bzaa Dios, zigtaa gbaaw, zigtagaa lo guidzliuw; zigtaa zhan guidzliuw, zigtagaa lo nisdoow; nguiedz zëëb tsi zho, rnee zho: ¡Nliw, meá¹ ne zob lo xcan ro qui, ni meá¹ ne nac Carner yeeá¹ qui, ible rieguiaḻ dziuuá¹non ne grop me! ¡Me rnabey, lo me none gnee ne grëtaa diidz ndzon; nadzew, gzhew, ni grëragaa izdoo ne ziaadraaw! 14 Pquiab gza tap bult co, rëb zho: â¡Scaw, sca no gaca! Dzigo gzase meá¹gol co, laa zho pquiitsgzhib lo meá¹ ne zob lo xcan ro co; psilo zho rnee zho grë diidz ndzon lo me.