FILEMON 1

1 Naa nac Pabl, laa naa no ladzguiib nu loxaque ne quiayuá¹ naa xtsiiá¹ Jesús; grop no Timoté laa no rquia guits rii. Laa no rxeeḻa lo luu goá¹ Filemón, ne nligaa rleynie no luu squi ye luu noyuá¹ xtsiiá¹ Jesús. 2 Laaw ziaad lo to i gza to bzian ne Apia, bets ne Arquip tib zha ne noyuá¹aque dziin rii, ni grëraa zha bets, zha bzian ne rcaalsa lidz luu i. 3 Dios, meá¹ ne nac Pxoz ne, ni Jesús meá¹ ndzon ne rnabey, me glu gaá¹le pa lotaa noxco me to, zeeá¹a peet zhgab ctsebde to. 4 Ib riaaá¹ladzd naa luu, zeeá¹e rzodiidznie naa Dios, tibaque rded naa xquizh lo me squitaa noneedz me guieḻbiini lo luu. 5 Sac ziyonle naa squitaa dib zdoo luu rliladz luu Jesús, rleynie luu me, ni scaque rleynie luu grë zha ne ngab lo me. 6 Rnab naa lo Dios, grëse miá¹e noseed luu grë zha ne no i, tsoguic zhow, zeeá¹a ygaa zho grëse guieḻnzaac ne rdeed Jesús lo grë zha ne ngab lo me. 7 Rley naa goá¹ bets, sac zigtaa naa zigtagaa grëraa zha ne ngab lo Diosa, blactaa ziechoobladz luu, zigonley luu zdoo no, rlu luu gaá¹le nli rleynie luu no. 8 Niicle ne rieguiaḻa gnabey naa luu miá¹e racladz naa guá¹ luu, sac goá¹ Jesús bzo naa none naa Xtiidz me, 9 per gnabeyd naa luu, sinque laa naa rnab lo luu yquiaadiag luu gaá¹le zha racladz naa; sac goá¹ ndioá¹ ne zigne rleynie naa luu, scaque luu rleynie luu naa. (Goá¹ gaá¹le, meá¹gol ne nac Pabl nu nonee lo luu, laa naa nioogyu nu loxaque ne quiayuá¹ naa xtsiiá¹ Jesús.) 10 Niina goá¹ ne laa Onésimo glanso lidz luu i stib, bzhiguieḻ zaacse pcaania me, goá¹ gaá¹le rrieequia mëëd nac me lo naa niina, sac nu leá¹ ladzguiib nu bne naa Xtiidz Dios lo me, xquizhgaa Dios bliladz mew. 11 Nli glo tib zha peet xtsiiá¹d nac me lo luu, saá¹gue niina goá¹, zigtaa lo luuw zigtagaa lo naaw nroob yudar ne guá¹ me. 12 Laa me biire ziaad lo luu i, niowse pcaania me; masaque beeá¹ cuent naa i ziaḻ i. 13 Gocladz naa mbëz me lo naa nëz rii, zeeá¹a me niuá¹ dziin lo naa nu xcuent luu, ne znu nioogyu naa nu loxaque ne noseed naa miech Xtiidz Ndzon Jesús. 14 Per gocladzd naa niuá¹ga naa miá¹e no guic naa, ni naá¹d naa dieá¹ pe gnë luu; gane ni naa mazd teḻne zrieelow, per zdoo luu gala. 15 Nli laa Onésimo biche lo luu palal dze; per niina ne laa me glanso lo luu stib, lëë guiaaá¹le me lo luu i. 16 Per bieá¹ goá¹, sacdraa luu me niina zig tib zha ne ruá¹se xtsiiá¹ luu, goá¹ gaá¹le rrieequia tib bets luu i, tib zha ne nziuu lo luu i nac me. Teḻ naa, sca rzaac naa me, gacxe waa none gleynie luu me; sac goá¹ teḻ niina, led loxaque tib nguá¹dziindse nac me lo luu, sinque ye tib bets luu nac me, sac goá¹ yele me ngab lo Dios. 17 Teḻne nlipaa rzac luu naa zig tib bets luu, porne tibaque meá¹ ne rliladz ne, nana sca beeá¹ cuent naa i ziaḻ i, pcaania me zig nac zeeá¹e naa glanso lidz luu. 18 Ni teḻ no pe guieḻqui ne beeá¹ me lidz luu, teḻ pe zëëbgaa me lo luu, lo naa bnaba. 19 Wi gaá¹le, naazhal pquia diidz rii nu: Naa quizha. ¡Zig nac luu, goá¹ gaá¹le zëëble luu lo naa, ni haxta nroobraa zëëb luu! Sac goá¹, naa bnee Xtiidz Dios lo luu laa luu bgaa guieḻmban ndzon ne gdziá¹d dze lozh. 20 Sca goá¹ bets gaca, bzhiguieḻ beeá¹ guieḻnzaac co; bloonley zdoo naa, bieá¹ gaá¹le tibaque lo meá¹ ne ngab ne. 21 Laa naa pxeḻ guits rii lo luu, sac rieá¹ naa ible zon luu miá¹e rne naa lo luu nu, rgobey naa haxta nroobraa miá¹e guá¹ luu lo miá¹e rnab naa. 22 Lëë nëzle nu rnabaque naa lo luu, siguieḻ luu gneedz luu lidz luu cuëz naa zeeá¹e laa naa guiaḻ i; sac rieá¹ naa ib zuá¹ Dios miá¹e quianab to lo me, zneedz me diidz guiaḻ naa guiaḻgaá¹ naa to. 23 ¡Dios guiaaá¹nie luu sca! Pcaania zhibdiuzh Epafr, meá¹ ne nioogyunie naa leá¹ ladzguiib nu loxaque ne rdziuuá¹ no xtsiiá¹ Jesús. 24 Scaquegaa zla zha ne quiadziuuá¹gza no dziin, zig nac Marcw, Ristarc, Demas ni Luc, gza zho laa zho rxeeḻ bdiuzh lo luu. 25 Jesús meá¹ ne rnabey ne, me glu gaá¹le pa lotaa noxco me luu. ¡Me guá¹lay luu! Pabl