MARCOS 13

1 Laa Jesús zieriee leá¹ yadoo nroob co grë xpëëdscuel me, zeeá¹e rëb tib zho lo me: âMaestro, ¡bui gaá¹le zha niaataa yadoo rii! ¡Zha rnataa grë quie ngol ne niaaw! 2 Pquiab me rëb me lo zho: âNligaa lëë zha niaataaw. Per niicle squitaa goá¹ raá¹ tow niina, zdziá¹ dze ne nitlow dib nacsew. Ni stib quie qui guiaaá¹draa zigne squi zhobxcuaaw i. 3 Briee me ga, laa me zie gza me zho. Bdziá¹ zho cho Gui Oliv, ga bzob zho grë zho. Nieeá¹paa ro yadoo co zaatne zob zho ga; dzigo wbig Pedr, Jacob, Juan ni Ndrés lo me, gza tap zho bnabdiidz lo me rëb zho: 4 âBzhiguieḻ bnë lo no dieá¹, ¿pa hor dzigo gac miá¹e bzeet luu ga? ¿Zha nac señ ne tso zeeá¹e laaw csilo gac? 5 Dzigo psilo me bnee me lo zho, rëb me: âNsin goḻso zeeá¹a choot yquidiede to. 6 Sac nzian zha ne grieequia gnë zho zha nac Meá¹ ne zëëble diidz cxeeḻ Dios; ni nzian miech ne yquidie zho. 7 ‘Zeeá¹e gon to nëzrii nëzrec noyac diḻ, ib gdziebde to; sac ible none gac grë miá¹ co, ni lëdsew ga. 8 Sac garaa csilo grë diḻdox, grë guiedz nroob laaw tiḻnie saguiedz nrooba; grë zha ne rnabey grë guiedz nroob, laa zho tiḻnie sazha rnabey zho. Nëzrii nëzrec csilo gni grë zhodox, nzian zaatne gaá¹ miech gbin. Ni lega loxaque miá¹e rsilosew ga, sac nroobraa guieḻnë ne gaá¹ miech lozh ga. 9 ‘Zeeá¹e laa grë ncuaaá¹ rii rsilo noyac, ¡nsin goḻso! Sac hor co laa miech tsiezo to lo zha ne rnabey yadoo, ni lëëque leá¹ yadoo ga quiá¹ zho to; ziezo zho to lo grë zha non, lo grë zha rnabey, loxaque ne no to xnëz naa. Ga nagoá¹ gdeeda diidz gnee to Xtidz naa lo grë zha co, 10 sac ib none brieets bliaaḻlew lo grëse miech zeeá¹e gaḻ dze ne laa guidzliu nitlo. 11 Zeeá¹e tsiezo zho to lo wxtis, tsode to zhgab dieá¹ pe guiab to lo wxtis; sac Espíritu Sant nac meá¹ ne gacnieá¹ to, ni miá¹e csiaab me guic to miá¹ co gnee to. 12 ‘Leá¹ dze co, zio zha ne lëëque zha tsielo bets zho ladznia zha ne gut zho; zio zha ne lëëque zha tsielo xpëëd zho ladznia zha ne gut zho; scaquegaa mëëda, zio zha ne lëëque zha gut pxoz zho, lëëque zha gut xniaa zho. 13 Ible gaá¹dzed miech to, grëse zho glëë lo to sacne rliladz to naa; per scagaa, grëse zha ne dziits so haxta lozh grë guieḻnë co, ible scaania Dios zho. 14 ‘Zeeá¹e gaá¹ to laa ncuaaá¹e ziaad gnitlo zo zaatne rieguiaḻd sow, zigne bzeet profet Daniel (zha ne glaba, none guieá¹ zho zha naca), hor co goḻguib dieá¹ zha xooá¹ to. Zha ne no grëraa guiedz ne ngab Judé, none tsie zho dan, ga tsietsolan zho. 15 Zha ne no glaa guic yu, none lëëlëd xooá¹ zho, ib guiabd zho sëëb zho leá¹ yu tsiebee zho ncuaaá¹e naccheá¹ zho. 16 Zha ne zogaa dana, ib guá¹d zho ne laa zho tsie ro lidz zho tsiexi zho xab zho. 17 ¡Prob grë meá¹ wnaa ne lëëtaque leá¹ dze co zoney xpëëd, meá¹ ne quianiegaa mëdyeeá¹ ne bii radz! 18 Goḻnab lo Dios gaá¹de to guieḻnë co leá¹ mëë ne rac naḻ, sac ne nligaa guieḻnë nrooba. 19 Wlal ne biaaá¹ guidzliu haxta lo nadze, gard gaá¹ miech tib guieḻnëdox sca, ni gdziá¹dragaa dze ne gaá¹ zhow stib. 20 Teḻne csaan Dios nroob dze gac guieḻnë co, ni stib miech rii guiaaá¹draa; per na por grë zha ne bzooblo me sëëb xnëz me, gdeete me diidz gaca nroob dze. 21 ‘Leá¹ dze co, teḻ cho zha gnë lo to: “Goḻwi gaá¹le, lëë meá¹ rii nac Meá¹ ne nole diidz ga cxeeḻ Dios”, gnëgaa zho: “Goḻwi nec gaá¹le, lëë me i”, gliladzde tow. 22 Sac ndal grë zha ne grieequia guiaadquidie miech, no zho gnë zha nac meá¹ co, nogaa zho gnë zha ziadteed Xtiidz Dios lo miech; ni zuá¹ zho grë milagr parne yquidie zho miech, parne yquidie zho haxta grë zha ne ngable lo Dios. 23 ¡Nsin sca goḻso! Ib cxende to, beá¹que laa naa nilew lo to. 24 ‘Zeeá¹e lozhse gaá¹ miech grë guieḻnëdox co, laa lo ngbidz ycow, gziinidraa mëë. 25 Grë mel ne ndziib gbaa, laa ma gliaaḻ; grëraa ncuaaá¹e no gbaa, masaque nëzrii nëzrec gaca. 26 Horco bii zaá¹ zho gaá¹le, zeeá¹e laa Meá¹ ne pxeeḻ Dios ziad-zëëb glaa lo xcow con grë guieḻndzon con grë poder ne rap me. 27 Lozh ga laa me gnabey grë xanjl me, tsie zho tsietop zho grëse zha ne ngab lo me, niicle zaatne mazdraa zit lo guidzliuw, mazdragaa zit gbaaw. 28 ‘Goḻzoob cuidad zha nac yag guigw. Led naá¹le to gaá¹le, zeeá¹e laa grë zhicwa racnieeá¹, ni rsilo rdzib zhiblaga, gase rlu ne laa mëë nëëg ziaadgaxle. 29 Scaquegaa nagoá¹, zeeá¹e gaá¹ to laa grë miá¹e rne naa lo to nu rsilo noyac, dzigo naá¹le to lëë dze co ziaadyoble. 30 Gneli naa lo to gaá¹le, nzian miech ne mban niina bii zaá¹ zho zeeá¹e laa grë ncuaaá¹ co csilo gac; sac ible ncuaaá¹e gaca. 31 Zdziá¹ dze nitlo gbaa, nitlo guidzliu, saá¹gue miá¹e rne naa lo to nu, nitloda, ible laaw none gac. 32 Lëëraasi choot naá¹d dieá¹ pa dzew, dieá¹ pa horgaaw, per ni grë anjl ne no gbaa, per ni naa naá¹da; loxaque Pxozse naa naá¹a. 33 Gacxe waa, nsin goḻso, goḻnab lo Dios; sac goá¹ naá¹de to dieá¹ pa hora. 34 ‘Nac cuent rii zig nac tib zha ne rriee zie tib guiedz zit. Zeeá¹e laa zho rriee, rsaá¹se zho diidz dieá¹ pe guá¹ tib tib moz ne guiaaá¹ ro lidz zho, ni rso zho diidz lo zha ne rquianap ro puert nsin so zho, ib gaguiesd zho. 35 Scadaa to nagoá¹ nsin goḻso, sac zig bizhuan yu co scaquegaa naa naá¹de to pa hor guiaḻ naa, yase glanso naa tib bdze dze, tib groḻ guieel, wxiá¹gaa horne rcuedz gall, o ziaadyuá¹mbegaa liu. 36 Nsin goḻso, zeeá¹a iá¹e zobna to zeeá¹e laa naa glanso. 37 Miá¹e rne naa lo to nu, laaw rne naa par grëse miech.