MATEO 10

1 Blozhse sca bnee Jesús, dzigo bredz me gza tsiipchop zha ne nac xpëëdscuel me ga, bzo me zho tsienee zho Xtiidz Dios lo miech, bdeed me poder lo zho guá¹cxooá¹ zho meá¹dox zaatne nosacsi ma miech, ni guá¹guiac zho grë meá¹ rzacnë. 2 Znu lë gza tsiipchop zha co: Simón (zha ne rneeque zho Pedr), Ndrés (bets Simón), Jacob ni Juan (zha co nac xingan Zebedé), Lip, Bartol, Mazh, Matew (zha ne ptop dimi ne razh lo zha Roma), Jacob (xingan Alfé), Lebeo (zha ne rneeque zho Tadé), Simón (zha ne no lo partid ne racladz griee zha Roma Israel), ni Judas Iscariot (zha ne güeyto Jesús). 5 Blozhse ga, pso me diidz lo zho zha tsie zho, rëb me lo zho: âNaá¹le to nagoá¹, tsiede to zaatne no grë zha ne nacd zha Israel, niicle sëëbde to grë guiedz ne ndxie xtan zha Samar. 6 Zaatne no grë zha Israel, gase goḻtsie; lëë grë mëcwxiil ne nonziaab ga. 7 ‘Goḻtsie, goḻtsienee lo zho gacnaá¹ zho gaá¹le laa dze ziaadgaxle zeeá¹e laa Dios csilo gnabey. 8 ‘Grëse zha ne rzacnë, goḻguá¹guiac zho; zha ne rlan guiedz lepr, goḻsaá¹mbe zho; zaatne nix zha ne gutle, goḻcueeban zho; grë zha ne nosacsi meá¹dox, goḻguá¹cxooá¹ ma. Peet gnabde to lo miech, goḻguieá¹ gaá¹le lega bnedz naa poder qui lo to, bzhiide tow. 9 ‘Peet güeyde to, xab tow, lab tow, miá¹e nacwse to, miá¹e quiase ni to, miá¹cose goḻtsienie. Güeyde to dimi, per ni tib guiet güeyde to; sac zaatne tsieguá¹ to dziin rii, ib ga none gneedz zho ncuaaá¹e gow to. 11 ‘Guiedz ne gdziá¹taa to, goḻguib dieá¹ pa lo no tib zha ne ndzinli, dzigo lidz zha co goḻtsiebëz, haxta gza dze ne laa to gbi guiedz co. 12 Zeeá¹e noguib to pa cuëz to, yu ne tsie to, zaacse goḻgac, goḻquiaabdiuzh zha ne no yu co, 13 goḻnab guá¹lay Dios zho. Teḻne wen gac zho lo to, zuá¹lay me zho, togo guá¹casdgaa zho to, dzigo toque guá¹lay me. 14 Zha ne sca siguieḻd ycaania to, goḻrieegazh lidz zho; guiedz ne siguieḻd zho yquiaadiag zho miá¹e nonee to, goḻbigazh guiedz co; goḻlit grë yudie co ni to, goḻlu lo zho gaá¹le led xtoḻdraa to ga teḻ laa zho nitlo. 15 Gneli naa lo to gaá¹le zeeá¹e gaḻ dze ne laa Dios guá¹ xquieḻwxtis me, bii lëëtaa gac guieḻnë ne ygaa grë miech ne bio guiedz Sodom, guiedz Gomorr, lëdle guieḻnë ro ne ygaa grë miech ne sca siguieḻd ycaania to. 16 ‘Nsin goḻso, goḻguieá¹ gaá¹le rrieequia tib mëcwxiil yeeá¹se nac to, ni laa naa rxeḻ to zaatne no grë coyot dox. Ndooladz goḻgac, niowse goḻgac lo miech zig rac grë palom, per scagaa con cuidad goḻtsie, goḻgaá¹ gaá¹le zha rzë meeḻ. 17 Nligaa nsin goḻso, sac goá¹ ib ziezo miech to lo wxtis, ni lëëque leá¹ yadoo ga quiá¹ zho to, 18 haxta ziezo zho to lo grëraa zha nroob ne rnabey. Laa zho guá¹a, loxaque ne nac to zha ne no xnëz naa, ni gagaa nagoá¹ gdeeda diidz gnee to xtidz naa lo grë zha co, ni lo grëragaa miech ne nacd zha Israel. 19 ‘Zeeá¹e sca tsiezo zho to lo grë zha rnabey co, tsode to zhgab dieá¹ pe gnee to, dieá¹ zhagaa gnee tow; sac zeeá¹e sca tsiegala, Dios gneedz diidz ne gnee to. 20 Led tod gnee, sinque, ¡zhiEspíritu Pxoz to meá¹ ne zob gbaa, meá¹ co gnee ga! 21 ‘Zlëëniedox miech zha ne no xnëz naa. Zio zha ne lëëque bets zho, zha ne lëëque pxoz zho, zha ne lëëque xpëëd zho ctsidiḻ zho, tsielo zho zho ladznia zha ne gut zho. 22 Teḻ to, guiets yag gaá¹ miech to, per teḻne dziits so to teḻ pe nactaa lo guieḻnë ne ted to, ib zgaa to tib guieḻmban ndzon ne gdziá¹draa dze lozh. 23 Guiedz ne no to, zeeá¹e laa miech csilo yquiaanaḻ to, goḻriee ga, goḻtsie stib guiedz. Gneli naa lo to gaá¹le, niicle stib guiedz stib guiedz tsie to, gardaque lozh tsieted to grë guiedz ne ndxie Israel zeeá¹e gaḻ dze ne laa Mgui ne pxeeḻ Dios guiaad stib. 24 ‘Goḻwi gaá¹le zha ne nac mëëdscuel, tsod zha ne ndziibraa non lo maistr, zha ne rquiagaa dziin, tsod zha ne nonraa lo zha ne rree zho. 25 Teḻ zha guá¹ miech maistr, scaque guá¹ zho mëëdscuel; teḻ pe cteed zho bizhuan dziin, miá¹coque cteed zho zha ne quia dziin. Gacxe waa peet tsienied guic to, teḻ pe nactaa ncuaaá¹e gnee miech to, sac goá¹ niicxe naa name ne nac naa Dad, meá¹dox rnee zho nac naa. 26 ‘Gdziebde to, zdziá¹ dze ne glu gaá¹le cho zienaḻ miá¹e nac diidzli, chogaa zienaḻ guieḻntseeb, gaḻ dze co grësew xoobneá¹. 27 ‘Grëse miá¹e rne naa lo to zeeá¹e nese rziodiidza, goḻneew lo miech, haxta glaa guic yu goḻso, nguiedz goḻneew. 28 Gdziebde to miech, goḻguieá¹ gaá¹le no tib meá¹ nroobraa, lëë meá¹ co nac Dios. Teḻ miecha, loxaque cuerpse zrieelo zho csacsi zho, saá¹gue Dios, zrieelo me gnitlo me miech dib xcuerp zho, dib xalm zho leá¹ gabiḻ. 29 ‘Nligaa gdziebde to, csaand Dios lega pe gac to. Goḻwi gaá¹le, zig nac grë mguiá¹ niicle ne rzac miech peet nond ma, haxta chop ma rdeed zho por tib gaay centav; per Pxoz to goá¹ meá¹ ne zob gbaa rsaanladzd me ma, ni tib ma guete teḻne gdeete me diidz. 30 Peleḻ to dzigo csaan me, haxta guits guic tow, grësew ngaba lo me. 31 Gdziebde to sca, goḻguieá¹ gaá¹le nonraa to lo tib dzoon mguiá¹. 32 ‘Gneli naa lo to gaá¹le, zha ne glu lo miech nacnie zho naa, scaque naa zeeá¹ gaḻ dze co zlu naa lo Pxoz naa meá¹ ne zob gbaa, nacnie naa zho. 33 Saá¹gue zha ne ctoladznie naa lo miech, scaque naa ziep naa lo me ruá¹beyd naa zho. 34 ‘¡Guiabde to togo laa naa ziaḻ loxaque par cuiá¹ wense miech! Lëda goá¹, ye ziaḻ naa ziaḻguá¹ctiḻ naa zho. 35 Sac zha ne sëëb xnëz naa, zlëënie xpëëd zho zho, teḻ mëëdgaaw, zlëënie pxoz zho zho; scaque meá¹ wnaaw, zlëënie xinzhizh zho zho, zha ne nacgaa nguzhizha, zlëënie xniaa tsieel zho zho. 36 ¡Lëëque meá¹lidz miech gac zha ne glëë gaá¹ zho! 37 ‘Zha ne mazdraa rquia zdoo glëënie pxoz zho zho, glëënie xniaa zho zho, glëëniegaa xpëëd zho zho, porne guá¹ zho miá¹e rnabey naa, peet xtsiiá¹d zha co par ygab zho xnëz naa. 38 Scaque zha ne yquia zdoo cueeladz zho zho guiaadnaḻ zho zhits naa, grieelod ygab zho lo naa. 39 Sac grëse zha ne rquia zdoo guieḻmban ne rap zho lo guidzliu rii, ygaad zho guieḻmban ndzon ne gneedz Dios; saá¹gue zha ne cueeladz xquieḻmban, niicle teḻ csacsi miech zho loxaque ne no zho xnëz naa, ib zgaa zho guieḻmban ndzon co. 40 ‘Niina goá¹ ne squi tsie to, grëse zha ne zaacse ycaania to, zaacse gnee zho lo to, rrieequia naa ga sca ycaania zho; ni zha ne sca ycaania naa, rrieequia meá¹ ne pxeeḻle naa ga sca ycaania zho. 41 Zha ne cuëzlo tib meá¹ ne noteed xtiidz Dios lo miech, guieḻnzaac ne gdeed Dios lo meá¹ co, ye zho ygaa guieḻnzaac co. Zha ne cuëzlo tib miech ndzinli, guieḻnzaac ne gdeed Dios lo zha co, ye zho ygaaw. 42 Ni zha ne gneedz maase tib zhigaque nis yag lo cho tib zha win ne nac to ne nac to xpëëdscuel naa, ib tedsod zdeed Dios guieḻnzaac ne tsieguiaḻ zho.