JUDAS 1

1 Naa nac Judas, bets Santiagw; xtsiiá¹ Jesús quiayuá¹ naa. Laa naa rxeḻ guits rii lo to, grëse to ne nac to zha ne bredz Dios bzëëb xnëz me. Ne nligaa nquialadz me to, ni haxta quianap Jesús to. 2 Dios glu gaá¹le pa lotaa rquia zdoo me to, pa lotaa rleynie me to, ni pa lotaa noxco me to zeeá¹a peet tsienied guic to. 3 Bets, bzian, miá¹e gocladz naa nzet naa nu gaá¹le zha nactaa miá¹e beeá¹ Dios psilaa me ne lo xtoḻ ne; per na rgobey naa nonguieḻraaw cso naa diidz lo to, ib gaá¹dzede to grë zha ne rtsidiḻ miá¹e rliladz ne. Dios bneedz diidz gocndioá¹ new, ne nac ne zha ne briee lo doḻ bziaab ne xnëz me. 4 Sac goá¹, blalaa zha ne rquiaalo rliladz Dios, ngueets zhliaan laa zho bzëëb lad to i. Miech yozha, niapse lo doḻ no zho, rnee zho zac guá¹ ne ncuaaá¹e guiaabtaa guic ne, sac nquialadz Dios ne; ib rliladzd zho Jesús, Meá¹ ro, Meá¹ nroob ne rnabey ne. Padzeelale goquiet, ne grëse miech ne sca nac, lëëque lo xtoḻ zho nitlo zho. 5 Goḻsoladz gaá¹le zha bzhaac grë zha ne gocntseeb lo Dios padzeela. Niicle ne naá¹le tow, per laaw gzet naa lo to nu, zeeá¹a csoladz tow: Zeeá¹e psilaa Dios grëse meá¹ladz ne lo guieḻnë ne noded zho Egipt ga, zha ne brieequia ib bnëd niuá¹bey me, ib goá¹dzed me zho, bnitlo me zho. 6 Scaque grë anjl ne biche lo me, psaan zho dziin ne pso me zho; bdziguiend me zho, laa me nsioogyu zho tib lo guieḻcowdoo, ga quiadoo zho haxta gdziá¹ dze ne laa me guá¹ guieḻwxtis. 7 Rsoladz to gaá¹le zha goc guiedz Sodom, guiedz Gomorr, ni grëraa guiedz las ne bre gax ga. Grë miech ne bio grë guiedz co, laa zho güeynaḻ miá¹e nacdraa guieḻtsieel, teḻ chotaa pquiangob zho, bionie zho haxta grë mrazh; grëse zho, lo gui ga bnitlo zho. Ga rlu gaá¹le, grëse zha ne csaand xquieḻntseeb, no tib lo guidox ne gdziá¹d dze guiuu, ni ga nitlo zho. 8 Ni zha ne goá¹ blanso lo to i, scadaa ruá¹ zho; sac teḻ zha, niapse guieḻyozh zienaḻ zho, laa zho nosaá¹beed xcuerp zho, ib rond zho miá¹e rnee zha ne rnabey, haxta rdzibdee zho grë meá¹ non ne no gbaa. 9 Per ni anjl Miguel, anjl rnabey ne bdiḻnie meá¹dox zeeá¹e güeyla me xcuerp Moisés, ib beeá¹d me ndziibdee me meá¹dox; lëë gdib rëb me: “¡Dios nac meá¹ ne guá¹quizh luu miá¹e ruá¹ luu i!" 10 Laa grë zha qui, haxta grë ncuaaá¹e ruá¹ Dios, ncuaaá¹e ni rioguicd zho zha nac, laa zho rdzibdeew; masaque mban zho zigne mban grë ma, laa zho ruá¹ ncuaaá¹e rdeedtaa guxt xcuerp zho; lëëque zha nonitlo zho ga. 11 ¡Probsaxe zho! Sac goá¹, nëz ne zey Caín ga zienaḻ zho. Lo guieḻblë dimi, laa zho briee xnëz Dios zigne briee Balam; ni zigne gut Coré zeeá¹e gocntseeb me lo Moisés, scaque nitlo zho. 12 Zeeá¹e riaad zho lo guieḻwagw ne ruá¹ to, loxaque rzhidznie zho, loxaque ruá¹nguzee zho, rzob zho rlozhd gowcho zho, zieniedraa guic zho dieá¹ choraa no gow; ni lalnu guieḻto guieá¹d lo zho. Nëzrii nëzrec quianzë zho, masaque nac zho zig nac xcow ne ziaadnied nisguie, loxaque nëzrii nëzrec rienie mew; zig nac tib yag bgooḻ ne guieá¹d nex lo, leá¹ dze ne no yquia nex low. Laa zho bnitlole ga, masaque nac zho zig tib yag bidz ne bliaadzle dib lo; sac teḻ yag bidza, gdziá¹draa dze ne yguiaw. 13 Zigne nëzrii nëzrec rchooá¹ nisdoo grë mtsiiá¹ beed ne ndziib low, scadaa nëzrii nëzrec nolu grë ncuaaá¹e mbeeguieḻto ne quiayuá¹ zho. Laa zho ziele nëz lo guieḻcowdoo ne rieguiaḻ zho, zaatne gdziá¹draa dze griee zho; zig tib mel gbaa ne bnitnëzle, laa ma nonziaabse lo guieḻcow. 14 Lëële zha qui ga bzeet Enoc (meá¹ ne brieequia lo dii ne rac xoop xtii Adán), zeeá¹e psiaab Dios guic me, rëb me: “Goḻwi gaá¹le laa Dios ziaad, pe zhidaa grë anjl ne ziaadnie me, 15 ziaadguá¹ me guieḻwxtis. Grëse miech ntseeb, laa me guá¹quizh zho grëtaa doḻ ne beeá¹ zho, grëtaa diidz dox ne briee ro zho bneenë zho me." 16 Ni nligaa sca nac grë zha qui, ib nod ncuaaá¹e tso zho conform, tibaque wlisqui no zho; laa zho zienaḻ grëtaa guieḻyozh, ncuaaá¹e racladztaa xcuerp zho. Rto zho guieḻdzin, rlozhd dieeá¹ pa rac zho, rio zho pe diidz wen ne rnee zho lo miech, loxaque ne dieá¹ zha yquidie zho miech, guá¹ zho miá¹e racladz zho. 17 Saá¹gue to bets, bzian, goḻsoladz miá¹e bnee grë zha ne pxeeḻ Jesús bnee Xtiidz me, zeeá¹e biadseed zho to; 18 led znu rnee zho: “Zeeá¹e zhile gdziá¹ dze ne laa guidzliu rii nitlo, zrieequia grë miech ntseeb ne gzhidznie zhiwseed Jesús, laa zho gban zigne nactaa grë zhgab yozh ne guiab guic zho." 19 Ni nligaa raá¹ to niina gaá¹le sca quiayaca, lëë grë zha co i squi nogodiḻ grë zha ne no xnëz Jesús. Nacnied zho Espíritu Sant, gane niapse grë ncuaaá¹e doḻ ne racladz xcuerp zho, miá¹ co ruá¹ zho. 20 Bets, bzian, goḻguieá¹ sca tibaque dziits goḻso lo Xtiidz Dios miá¹e rliladz to. Goḻzodiidznie Dios, zigne csiaab Espíritu Sant zdoo to. 21 Sozite to lo Dios, goḻguieá¹ gaá¹le zha rleynietaa me to; goḻquiambëz dziaá¹ ne gaḻ dze ne ygaa ne guieḻmban ne gdziá¹d dze lozh, miá¹e ndioá¹paa ne gneedz Jesús meá¹ ne rnabey ne, porne rquia zdoo me ne. 22 Teḻ cho zha ne racchop guic lo Xtiidz Dios, goḻnee lo zho biire sodziits zho stib. 23 Zha ne bii no lo doḻ, goḻnee lo zho guieá¹ zho csaan zhow; goḻcuee zho lo gui ne noxtseeb zho ygaa zho ga; scagaa grëraa miech, goḻquia zdoo zho, per ib cxende to lo zho. Ni lalnu gdziguiende to grë doḻ ne ruá¹ zho, goḻsaca zig rzac to tib ncuaaá¹e rbixnë zdoo to raá¹ to. 24 Tibaque Dios no, me psilaa ne lo doḻ, ni megaa csilaa grëraa miech. Meá¹ nroob nac me, ni zrieelo gacnieá¹ me to guiabde to ladznia doḻ stib; zeeá¹a iá¹e mbe to, iá¹e rley to laa me gdziá¹nie to zaatne nac lo guieḻndzondoo ne no me. Niina ne laa ne rdziuuá¹beyle Jesús, zrieelo dziooḻnie ne me, mese nac meá¹ nroob, meá¹ ndzon, meá¹ ne rap guieḻrnabey. Tibaque nac me, niicle mazd glow, niicle niinaw, ni gdziá¹d dze ne gdzëë me. Judas