SANTIAGO 2

1 Bets, bzian, guá¹de to ne ncueese lo miech ne gnee to, sac zha ne sca ruá¹, zha dieá¹ guiab zho xnëz Jesús no zho. 2 Ron naa, zeeá¹e rlanso tib zha ricw zaatne rcaalsa to i, nacw zho xab niazh zho, no grë xnil or zho nia zho, lëëlëd rio to dieá¹ pa lo wenraa sob zho; laa zeeá¹e rlanso tib zha mban beeḻze nac xab yeeá¹, rnee to lo zho: “Ise bzo, teḻne racladzgaa luu sob luu, lo liuse i bzob." 4 ¿Pe sca na rac zha ne no xnëz Jesús? Zha ne goá¹ sca ruá¹, ga rlu zho niapse guieḻntseeb no guic zho. 5 Lëda ga goá¹ bets, lëda ga goá¹ bzian. Goḻgacnaá¹ gaá¹le, ible Dios ble miech ne peet rapd lo guidzliu rii, zeeá¹a dib zdoo zho gnalo zho me, zeeá¹a ygaa zho zaatne bneele me gdeed me cuëz zha ne noxco rleynie me. Gotsaa gwi ne sca gaá¹le, zha ricw nac zho nëz lo Dios; 6 laa to goá¹, no to rlozhd gzhidznie to zho. ¿Pe ib rieá¹de to, grë zha ricw co nac zha ne rsacsi to? Rgobniu zho to, riezo zho to lo wxtis; 7 haxta rdzibdee zho Jesús, meá¹ ndzon ne nacnie to niina. 8 Ib none gban ne zigne rnabey Xley Dios, lo xley me zhobnee: “Bleynie samiech luu, zigne rleynie luu luu." 9 Goḻguieá¹ goá¹, doḻ i noyuá¹ to squi rbe to dieá¹ cho nac zha ricw, chogaa nac zha mban; sac Xley Dios i quiaguiits to. 10 Goḻgacnaá¹ gaá¹le, zha ne rguiits tibaque xley Dios, niicle maase zienaḻ zho grëraaw, laa zho beeá¹ctal-le xtoḻ zho ga, rzacaque zho zig zha ne noguiits grëw. 11 Sac tibaque meá¹ ne psaá¹a grësew. Gacxe waa, teḻ zha ne zienaḻ miá¹e rnee: “Gute luu samiech luu”, per rguiits zho miá¹e rnee: “Yquiangobd luu zha ne led tsieeld luu”, laa zho beeá¹ctal-le xtoḻ zho ga. 12 Niowse sca goḻgac, niicle zeeá¹e gneegaa tow, niowse goḻnee; sac goá¹, zdziá¹ dze cxobdoḻ ne dieá¹ pe wban ne zigne rnabey Jesús, te wband new ye. 13 Grë zha ne ni lalnu rquiad zdoo samiech, gaḻ dze co scaque ni lalnu yquiad zdoo Dios zho; saá¹gue zha ne rquia zdoo samiech, ible zdedlaa zho lo guieḻnëdox ne cxeeḻ me. 14 Bets, bzian, ¿pa dieá¹ rquiin guiab ne dib zdoo ne rnalo ne Dios, xnëz me no ne, ni teḻ ruá¹d ne xyudar samiech ne? ¿Niacxe scase laa Dios csilaale ne? 15 Gzoob ne no zha ne nacgrë to i, yase tib bets tow, tib bziangaa tow, raá¹lo to guieá¹d xab zho, niicle quianied zho ncuaaá¹e gow zho; 16 ni guiab to lo zho: “Csacsid luu luu, got xabnaḻ luu, dow ncuaaá¹e racladz luu”, per loxaque diidz sca guiab to, ni gdeete to ncuaaá¹e ruá¹ falt lo zho. ¿Pa dieá¹ yquiin diidz co? 17 Scadaa nagoá¹ paat rquiinda guiab ne rnalo ne Dios, ni teḻ ruá¹d ne miá¹e rieguiaḻ ne guá¹ ne. 18 Gacxe waa, zha ne rnalo Dios ni ruá¹ zho miá¹e rieguiaḻ zho, no zho gnë lëda i ruá¹ zha ne rnee lëëlew ga totsaque gnalo ne Dios. Ni rap zho rson, sac grieelod glu ne rnalo ne me, teḻne ruá¹d ne miá¹e rieguiaḻ ne. 19 Nli wena ruá¹ zha ne rliladz tibaque Dios no, per grieelod guiab zho lëëlew ga, sac goá¹ zig nac meá¹dox ye ma rliladz tibaque Dios no, per led por miá¹cod laa ma lo guieḻnë ne cxeeḻ me, sinque haxta rdzieb ma me. 20 Nadzpaa nxen zha ne sca rzac, pe ni lalnu rieá¹d zho paat rquiinda guiab zho rliladz zho Dios ni teḻne ruá¹d zho miá¹e rieguiaḻ zho. 21 Goḻgaá¹ gaá¹le, zig nac pxozgol ne Abraham, porne beeá¹ me miá¹e rieguiaḻ me gane pcaania Dios me zig tib zha ne peet xtoḻ. Led rsoladz to gaá¹le, zeeá¹e rëb Dios lo me tsielogon me xpëëd me, güey me zaatne pxeeḻ Dios me. 22 Gotsaa gwi ne gaá¹le, zeeá¹e beeá¹ Abraham miá¹e bnabey Dios me ga, ga blu ne nli rnalo me Dios, ni hor co mazdraa dib zdoo me bnalo me Dios. 23 Lo Xtiidz Dios zhobnee ne scataa dib zdoo Abraham bnalo me Dios, gane pcaania Dios me zig tib zha ne peet xtoḻd; zëëb diidz, tib zha ndzieeldiidz Dios goc me. 24 Goḻgacnaá¹ sca gaá¹le, led loxaque gliladzse miech Dios, laa me ycaaniale zho; sinque none glu zho nli rliladz zho me, guá¹ zho miá¹e rnabey me zho. 25 Goḻsoladz gaá¹le, scaque wnaa ro nëz ne brieelë Rahab, por beeá¹ me xyudar samiech me, gane pcaania Dios me zig tib zha ne peet xtoḻd; sac zeeá¹e goá¹ me noxtseeb zha ne pxeeḻ Josué zie wleets ga, bdeed me zaatne biolan zho, ni blu me stib nëz ne wbire zho, bgaad zho. 26 Gase na gaá¹le rlu, paat rquiinda guiab ne rliladz ne Dios ni teḻ ruá¹d ne miá¹e rieguiaḻ ne, nacse ne dzigo zig tib xcuerp ngutoo, teḻ cuerp cow, ¿pa dieá¹ yquiina?