HECHOS 21

1 Blozhse bzhieeá¹ no nia grë zha Efés co, laa no bziaab barcw, laa no zio bdziá¹ no ti lo guidzliu win ne no lo nisdoo co lë Cos. Biini liu briee no ga bdziá¹ no lo sti guidzliu win co lë Rodas. Rodas briee no bdziá¹ no guiedz Pátara. 2 Guiedz Pátara, ga bziaab no ti barcw ne zie nëz xtan zha Fenicia. 3 Zeeá¹e zieded barcw co ngali zaatne riaaá¹ guidzliu win ne lë Chipr, bui no nëz revés rlupaa guidzliu co. Laa no zio haxta bdziá¹ no guiedz Tir, xtan zha Siria, ga blëz barcw co biet grë yo ne neya. 4 Zigne bdziá¹ no ga bdzieet no barcw bziaab no lad guiedz co, biodziel no grë zha ne rliladz Jesús ga; bliaazaque no lo zho ga ti zhmal. Dzigo psiaab Espíritu Sant guic zho rnee zho lo Pabl, tebaa siguieḻ me mazd tsied me Jerusalén. 5 Zeeá¹e laa no briee ga, grëse zha ne rliladz Jesús grë tsieel zho grë xpëëd zho biaad-zonëz zho no ro nis co; dzigo lo yuzh co ga pquiitsgzhib no grë no, bziodiidznie no Dios. 6 Blozhse bzhieeá¹ no nia zho, laa zho wbi ga. 7 Briee no Tir bdziá¹ no guiedz Tolemaid, ga bio no bioquiaabdiuzh no grë zha ne rliladz Jesús ga, bliaaz no lo zho tib dze. 8 Biini liu briee no ga bdziá¹ no guiedz Cesarea, ga biobiaaz no lidz ti meá¹ ne noneeque Xtiidz Dios lo miech, lë Lip. Lëë Lip co ga gocgza sxoop zha ne bzo beeá¹ xyudar zha poxtl. 9 Quianie me tap ndzoop ne gard ctsieelnia, gzase zho bdeed Dios guieḻbiini lo zho rnee zho teḻ pe nac miá¹e racladz Dios gacnaá¹ miech. 10 Nzianle dze goc no no lidz Lip, zeeá¹e blanso ti meá¹ ne ziaad nëz Judé lë Agab, biadquiaabdiuzh me no. (Ye me rnee teḻ pe nac miá¹e racladz Dios gacnaá¹ miech.) 11 Zigne blanso me lo no ga, bzheá¹ me lar ne rbe leá¹ Pabl, pxidoo mew nia me ni pxidoo mew ni me, në me: âZnu goá¹ rnee Espíritu Sant gzobdoo zha Israel bizhuan lar rii, co zho me ladznia zha Roma zeeá¹e laa me gdziá¹ Jerusalén. 12 Grë zha ne rliladz Jesús ga, zeeá¹e bin zho sca rëb meá¹ co, rnab zho lo Pabl tsied me Jerusalén, yeque no sca rnee lo me. Mban rac no rdzioon no. 13 Pquiabaque me në me lo no: â¿Pe nac dzigo roon to? Teḻ naa laa naa bleeladzle naa maase gzobdoo zho naa Jerusalén, niicxe haxta gut zho naa waa porne rleynie naa Jesús. ¡Loxaque rsiaab guieḻnë to naa i goá¹ squi rac to! 14 Bdziaá¹se no nlid yquiaadiag me xtiidz no, dzigo mazd psaan no, rdzieets no: âGoḻgotsaa csaan ne, Diostaa naá¹ dieá¹ zha gaca. 15 Bdedse ga bzhixcuaa no laa no briee ga, laa no zio nëz Jerusalén; 16 blalaa zha ne rliladz Jesús Cesarea ga bzënaḻ zhits no, bzënie zho ti meá¹ Chipr lë Mnasón. Izle rliladz me Jesús, lidz me biobiaaz no zeeá¹e bdziá¹ no Jerusalén. 17 Grë zha ne rliladz Jesús Jerusalén, rley zho zeeá¹e goá¹ zho laa no bdziá¹, blëzlo zho no. 18 Biini liu co güeynie Pabl no lidz Jacob bioquiaabdiuzh no me, lëëtaque laa grë zha rnabey ne zo lo grë zha ne rliladz Jesús Jerusalén ga, ndxie ga. 19 Blozhse pquiaabdiuzh Pabl grë zha co, dzigo psilo me bzodiidz me lo zho grëse zha gocnieá¹ Dios me güeyseed me grë miech stib guiedz. 20 Zeeá¹e bin zhow per nli rley zho, rdeed zho xquizh lo Dios; dzigo rëbchaa zho lo me: âBets, ye zha Israel goá¹ ndaldoo zho zililadz Jesús; per racladz zho tibaque tsienaḻ zho miá¹e rnabey Xley Moisés. 21 Grë zha ne no nu bin zho laa luu güeyseed grë meá¹ wladz ne no guiedz zit, nac diidz blu luu lo zho tsienaḻdraa zho Xley Moisés, codraa zho xpëëd zho bey, niicle tsienaḻdraa zho grë zhiwseed xmeá¹gol ne. 22 ¿Zha gaá¹le dziuuá¹ ne? Sac zeeá¹e gon zho laa luu blanso, ible ziaadguib zho luu. 23 No tap bets ne nu ziaadyoble guá¹ zho miá¹e bnee zho lo Dios; miá¹e gaca güey 24 güeynie zho yadoo, goḻguá¹ grë miá¹e rnabey ley, bdiizh ctsiib guic to gza to; zeeá¹a ga gaá¹ grë zha rii gaá¹le nlid grë miá¹e rnee miech luu ga. 25 ‘Saá¹gue grë miech stib guiedz zha ne rliladz Jesús, laa no pxeeḻle diidz lo zho zigne bzodiidz ne nu: grë ma ne rut miech rgogon zho lo zhimdio zho, gowd zho bëël co; grë ma ne rxieed ren zeeá¹e ret ma, gowd zho ma; ni niicle grëgaa ma ne gut zho, ib gowd zho xchen ma; grë zha bgui, nodne tsonie zho wnaa ne nacd tsieel zho; niicle wnaagaaw, nodne tsonie zho mgui ne nacd tsieel zho. 26 Laa Pabl zienie gza zha co. Biini liu güey me gza me zho güeyguá¹ zho miá¹e rnabey ley; blozh ga güey zho yadoo güeynie zho diidz pa dze gza miá¹e quiayuá¹ zho ga, zeeá¹a gaḻ dze co laa zho tsienie gon ne gdeed zho tib tib zho. 27 Laa zeeá¹e merle gza gadz ngbidz ne quiayuá¹ me miá¹e rnabey ley ga gza me zha co, lega naclew goá¹ bla zha Israel ne ziaad nëz Asia laa me no leá¹ yadoo. Nacne wbig zho 28 bzheá¹ zho zhicw me, roptsie zho rnee zho: â¡Grëse to meá¹guiedz! ¡Goḻguá¹ xyudar no gnaaz ne meá¹ rii! Sac lëë me ga quianzë quiaseed me zha wladz glëënie zho ladz zho, rnee me lo zho guá¹draa zho grë miá¹e rnabey ley, gapdraa zho respet yadoo rii; haxta grë zha zit zizëëbnie me nu. ¡Noguitniele me lugar nda rii! 29 Sca rnee zho, sac goá¹ zho Pabl leá¹ guiedz Jerusalén ga ziegrop me ti zha Efés lë Trófimo, dzigo rzac zho güeynie me zha co leá¹ yadoo. 30 Pe ga bin grë meá¹guiedz, grëse zho bdziá¹ wbigbe zho lo Pabl bdobniu zho me blee zho me leá¹ yadoo, zigne blee zho me ga lëëlëd psioog zho ro yadoo; psilo zho noguiá¹ zho me, naá¹ zho gut zho me. 31 Zeeá¹e gocnaá¹ meá¹ ne rnabey lo meá¹guiib ne ndxie ga laa ruid co noyac, 32 lëëlëd brieenie me grë xmeá¹guiib me ni grëraa zha ne rnabey lo zho. Zeeá¹e goá¹ grë zha ne noguiá¹ Pabl ga, laa grë meá¹guiib co bdziá¹, dzigoraa blëz bdiá¹ zho me. 33 Dzigo wbig meá¹ rnabey co, bnabey me grë zhaguiib co bzoob zho Pabl chop caden. Bnabdiidz me lo grë miech co dieá¹ cho nac Pabl, pe quiayuá¹ me ne scataa rlëënie zho me. 34 Psilo zho nguiedz roptsie zho, zhaase zhaase ncuaaá¹e rcaadzdoḻ zho me. Goá¹se meá¹ rnabey co rlud dieá¹ pepaa rlisqui zho, nacne bnabey me grë meá¹guiib co ziesaá¹ zho Pabl yu ne rbëzpaa zho. 35 Laa grë meá¹guiib co csilo soquianie Pabl lo scaler ne rdziá¹ ro yu co, gataa mazd bzoobyaá¹ zho me, sac ntseeb rac grë miech co; 36 naḻbe zho, roptsie zho rnee zho: â¡Goḻnitlogazh meá¹ qui! ¡Niinagazh goḻgut me! 37 Laa grë meá¹guiib co csëëble me leá¹ yu co, zeeá¹e bnee me lo meá¹ rnabey co, rëb me: â¿Pe zrieelo gne naa ti xtidz naa lo luu? Dzigo rëb meá¹ rnabey co: â¿Mod rac luu rnee luu xtiidz zha Gres? 38 ¿Led luud ga dzigo nac ti zha Egipt ne psilo racntseeb lo gobiern leá¹ dze rii? Nac diidz, tap mil zha ntseeb nacnie zho, laa zho ziese nëz dan. 39 âLed naada ârëb Pablâ meá¹ Israel nac naa. Guiedz Tars gol naa, lëë guiedz co nac miá¹e nroobraa lo grë guiedz ne ngab Cilis. Na laa naa rnab lo luu, beeá¹ guieḻnzaac bneedz diidz gne naa chop lan xtidz naa lo grë miech qui. 40 âZaca ârëb meá¹ co. Lo scaler co zo Pabl blunia me lo grë miech co cuedze zho. Zeeá¹e laa zho biacdze, dzigo psilo me bnee me xtiitsë me grë me zho, rëb me: