HECHOS 18

1 Briee Pabl Aten bdziá¹ me guiedz Corint. 2 Ga beeá¹bey me ti meá¹ Pont lë Aquil, ti zha xtii zha Israel nac Aquil. Roma no me glo, wriiá¹ bdziá¹ me Corint ga grop tsieel me; sac bnabey rey Claud briee grëse zha Israel ne no Roma. 3 Dzigo güey Pabl blëz Pabl lo zho ga, sac ye zho rzhixcuaa grë lar nroob ne rquia ncal, tipse pquia zho dziin ga gza zho. 4 Gzobse dze ne rdziiladz miech lo dziin rie Pabl xyadoo grë zha Israel ne no ga, riezodiidznie me grë zha ne rcaalsa ga; zigtaa zha Israela, zigtagaa zha guiedz cow rnee me lo zho tso guic zho gliladz zho Jesús. 5 Zeeá¹e laa Silas grop Timoté bdziá¹ Corint, dzigo laa Pabl psilo gzobse dze güey me güeynee me Xtiidz Dios lo grë zha Israel ne no ga, rnee me lo zho cho nac Jesús. 6 Laa zeeá¹e goá¹taa me rond zho diidz, leḻ ntseeb rac zho lo me haxta rneenë zho Jesús, dzigo bdzib me xab me lo zho, rëb me: â¡Laa naa biaḻ biaḻne naa lo to per pquiaadiagde to miá¹e rne naa; xtoḻle to nasca teḻ laa to nitlo! Gbiiredraa naa gne naa Xtiidz Dios lo to, na laa naa csilo ganew lo grë zha ne nacd zha Israel. 7 Dzigo laa Pabl psilo güey lidz ti meá¹ ne no gaxaque zaatne zob yadoo co lë me Just, dib zdoo me rliladz me Dios. 8 Leá¹ dze co ndal zha Corint bliladz Jesús zeeá¹e bin zho miá¹e rnee Pabl, haxta ti meá¹ ne rnabey xyadoo zha Israel lë Crisp, grë meá¹lidz me bliladz Jesús, dzigo grëse zho laa zho brobnis. 9 Ti wdze blulo Dios lo Pabl, rëb me lo Pabl: â¡Gdziebd luu! ¡Ib ycuëëzd luu lo dziin ne noyuá¹ luu i, bnee xtidz naa lo grë miech qui! Ndal grë miech rii no sëëb xnëz naa. 10 Peet tsienied guic luu, choot grieelod lega pe guá¹ luu sac naa quianaap luu. 11 Nacne blëz Pabl ga stib iz groḻ, pseed me grë miech co Xtiidz Dios. 12 Laa zeeá¹e bzob meá¹ ne lë Galión zobnabey me xtan Acay, grë zha Israel ne no Corint ga bnediidz zho grë zho bnaaz zho Pabl güeyzo zho me lo Galión 13 rëb zho: âLaa no ziaadnie mgui rii lo luu, sac laa me quiaguiits xley no, quiago me guic miech tsiegaá¹ zho Dios sti mod miá¹e ni nacdraa ley. 14 Laa Pabl zie gnee, zeeá¹e pquiab Galión rëb me lo grë zha co: âTeḻne niaca miá¹e no pe ti falt, pe ti guieḻntseeb ne quiayuá¹ me, dzigosi naa raguiaḻ guá¹ guieḻwxtis. 15 Per teḻne laa to ziaadnie me nu porne rdziladzde to miá¹e quiaseed me miech, rdziladzde to teḻ cho rzeet me, sac led scad nac xley to, tsow goḻgaá¹ dieá¹ pe guá¹ to. Nodaque xtiḻ to guic naa. 16 Bleega Galión zho nëz ley. 17 Dzigo bnaaz zha guiedz co ti meá¹ lë Sóstenes, meá¹ ne rnabey xyadoo zha Israel ga; goá¹lo Galión bdiá¹ zho me, per peet rëbd Galión. 18 Goc spalal dze no Pabl Corint ga, dzigo bnee me lo grë zha ne rliladz Jesús ga laa me gbi; ye Aquil ni Priscil wnaa ne nac tsieel Aquil nole guic tsienaḻ zhits me. Nacne zeeá¹e laa me briee, ye zho bzëëbgza me barcw, laa zho zie nëz Cencré. Lëëtaaque leá¹ dze co noxco Pabl guá¹ me teḻ pe nac ncuaaá¹e rëb me lo Dios guá¹ me, dzigo zeeá¹e bdziá¹ zho Cencré bnabey me liu liu ptsiib guic me. 19 Cencré bzëëb zho barcw stib, zie zho nëz Efés. Bdziá¹ zho Efés, güey Pabl xyadoo grë zha Israel ne no ga güeynee me Xtiidz Dios lo zho. 20 Dzigo bnab zho mbëz me lo zho ga ti blalaa dze, per brieelod mbëz me 21 sac laa guic me no gdziá¹niob me Jerusalén ygaa me lni ne ziaadyob leá¹ dze co, rëb me: âNa teḻne zneedz Dios diidz, bii ziaḻteedaque naa dieá¹ yo to. Gataa biaaá¹ Aquil grop Priscil, laa me bzëëb barcw stib zie me nëz Cesarea. 22 Cesarea briee me barcw, laa me zie nëz Jerusalén. Bdziá¹ me güeyquiaabdiuzh me grë zha ne rliladz Jesús ga; biireraa me ga bdziá¹ me Antioquí. 23 Goc palal dze no me Antioquí, laa me brieeque ga güeyted me grë guiedz ne ndxie dib xtan zha Frij, dib xtan zha Galás, güeynee me lo grë zha ne rliladz Jesús ga dib zdoo zho gleynie zho Dios. 24 Leá¹ dze co bdziá¹ ti meá¹ xtii zha Israel guiedz Efés, ti meá¹ Alejandríw lë me Apol. Ti zha rac nac me, rieá¹ me zha gnee me Xtiidz Dios lo miech. 25 Güey me xyadoo zha Israel ne no ga, nguieeḻ rac me, peet dzeb guieá¹d lo me psilo me nonee me lo zho grëse miá¹e bnee Juan Bautist zeeá¹e bzeet Juan Jesús; sac loxaque miá¹ co bin me zeeá¹e gocnaá¹ me cho nac Jesús. Lad co co no Aquil ni Priscil, zeeá¹e goá¹ zho zha rnee me, dzigo blozhse ga, bredz zho me blozh bnee zho lo me zharaa nac zhiwseed Jesús. 27 Grë zha ne rliladz Jesús ga, zeeá¹e gocnaá¹ zho laa guic me no tsie me nëz Gres, dzigo ye zho rëb wen tsie me, pquiaa zho ti cart pxeeḻ zho lo zha ne no nëz co zaacse ycaania zho me. Zeeá¹e bdziá¹ me nëz co, pseed me grë zha co. Rley zho blozh gocnaá¹ zho cho nac Jesús; 28 sac squi ndxie miech rsioog me ro grë zha Israel, rnee me lo zho lëële meá¹ ne quiambëz zho cxeeḻ Dios ga nac Jesús, ni rlu me lo zho pa lo zhobneew lo Xtiidz Dios.