HECHOS 11

1 Grë zha poxtl ne no Jerusalén, ni grëraa zha ne rliladzle Jesús zha ne no Judé, bin zho sca bliladz gza meá¹zit co Xtiidz Dios. 2 Dzigo zeeá¹e laa Pedr bdziá¹ Jerusalén güey bla zho güeytiḻdiidznie zho Pedr, 3 blisqui zho lo Pedr pe nacne güey Pedr lidz meá¹zit, pe nacne güeytownie Pedr zho. 4 Dzigo psilo Pedr bzodiidz me lo zho zha nacne güey me lidz meá¹ co, rëb me: 5 âGuiedz Jop no naa, tib dze lëëtaque nozodiidznie naa Dios, tibaque zeeá¹e goá¹ naa laa ti lar nroob ziad-zëëb zhan gbaa, nzhidoo gzatap squina laaw ziaad nëz lo naa. 6 Zeeá¹e bdixlo naa bui naa dieá¹ pe quia lo lar co, goá¹ naa niapse ma no lo co, grë ma ntseeb, grë ma ne rzë gzatap ni, grë ma ne rzë zig rzë meeḻ, ni grë ma ne rsiibe. 7 Lo grë ma co nowi naa, zeeá¹e bin naa ti tsi meá¹ co, në lo naa: “Pedr, ma ne racladztaa luu gow luu, zac gut luu ma." 8 Dzigo pquiab naa rep naa: “Miá¹ cogaa nagoá¹ grieelod, wlaltaa gard gow naa grë ma beed qui." 9 Nëchaa me lo naa: “Grë ncuaaá¹e beeá¹layle Dios, nodne gnee luuw ncuaaá¹ beed." 10 ‘Tsoá¹ vuelt sca goá¹ naa lar co. Blulow tib, bluloquew stib, zeeá¹e bioá¹taa goá¹ naaw dzigo laaw biire zey gbaa. 11 ‘Loxaque blozh goá¹ naa lar co, laa tsoá¹ zha bgui blanso ro lidz meá¹ ne blëz naa ga, pxeeḻ meá¹ Cesarea co zho ziaadguib zho naa. 12 Ni laa Espíritu Sant bneeque lo naa, no ganaḻ naa zhits zho, niicle ne zhazit nac zho; nacne bianaḻ naa. Ye gza xoop zha ne ziaḻnie naa nu bzë bio no. 13 ‘Bdziá¹ no lidz meá¹ co, psilo me bzodiidz me lo no zha bzhaac me, në me leá¹ yu no me, zeeá¹e goá¹ me ti xanjl Dios, rëb anjl co lo me cxeeḻ me bla zha ne tsie Jop tsiexi zho naa 14 zeeá¹a gane naa lo me zha grieelo csilaa Dios me lo doḻ grë meá¹lidz me. 15 ‘Laa naa psilo quiane lo me grë meá¹lidz me, zeeá¹e grëse zho laa zho pcaania Espíritu Sant, ni bgaa zho grë guieḻbiini ne rdeed me zigne bgaaque new. 16 Ga nagoá¹ psoladz naa xtiidz Jesús meá¹ ne rnabey ne, zeeá¹e znu në me lo ne: “Nli nisse pchoobnis Juan miech, saá¹gue to zgaa to guieḻbiini ne rneedz Espíritu Sant." 17 Sca nagoá¹ pcaania zho Espíritu Sant, laa zho bgaa guieḻbiini ne rdeed me zigne bgaaque new. ¿Cho nac naa nadieá¹ ne glisqui naa miá¹e ruá¹ Dios? 18 Zeeá¹e blozh bin zho grë miá¹e bnee Pedr ga, peet rëbdraa zho. Psilo zho rleynie zho Dios, rdeed zho xquizh lo me; sac hor coraa bieá¹ zho ye grë meá¹zit zrieelo gbig zho lo Dios, gdeed me ti guieḻmban ndzon ne gdziá¹d dze lozh lo zho. 19 Zeeá¹e sca pquianaḻ zho grë zha ne rliladz Jesús leá¹ dze ne beet zho Xteb ga, nëzrii nëzrec bliaaḻ zho. No zho bdziá¹ haxta Fenicia, no zho bdziá¹ Chipr, nogaa zho bdziá¹ nëz Antioquí. Zaatne bdziiá¹taa zho bnee zho cho nac Jesús, per loxaque lo grë meá¹ladz zho bnee zhow. 20 Niicle ne scaw, lëëque grë zha Israel ne no Chipr, zha ne no Ciren, zeeá¹e laa zho bliladz Jesús güey zho guiedz Antioquí, bnee zho lo grë zha zit co cho nac Jesús. 21 Ni ne nacnie Dios zho, ndal grë miech co bzëëb xnëz Jesús. 22 Grë zha ne no Jerusalén, zeeá¹e gocnaá¹ zhow pxeeḻaque zho Bernabé güey Antioquí. 23 Zeeá¹e bdziá¹ Bernabé Antioquí, rley me goá¹ me scataa quiayuá¹lay Dios grë miech co; dzigo pso me diidz lo zho ib csaand zho zhiwseed Jesús. 24 Ti meá¹ dib zdoo rliladz Dios nac Bernabé, nacnie Espíritu Sant me, ti miech wen nac me; gane zeeá¹e laa me bdziá¹ ga nzianraa zha ne bliladz Jesús. 25 Goc palal dzew, dzigo güey Bernabé guiedz Tars güeyxi me Saul, bdziá¹nie me Saul Antioquí. 26 Dipse ti leá¹ iz blëz zho ga grop zho, blozh pseed zho grë zha ne bliladz Jesús. Ga glopaa psilo ne laa grë zha ne rliladz Jesús brieelë CRISTIAN. 27 Leá¹ iz co blalaa zha ne noteed xtiidz Dios no Jerusalén. Dzigo briee zho ga güey zho Antioquí. 28 Lad co no tib meá¹ lë Agab, psiaab Espíritu Sant guic me bnee me laa ti gbin dox gaá¹ miech nëz Israel. (Ni nligaa scase goca, lëë gbin co biaad leá¹ iz ne zobnabey meá¹ ne lë Claud.) 29 Grë zha ne rliladz Jesús Antioquí, zeeá¹e bin zho sca rëb Agab, nacne bnediidz zho grë zho, teḻ palaltaa ncuaaá¹e rgaa lo zho tib tib zho gdeed zhow gaclo ti gon cxeeḻ zho lo zha Judé. 30 Dzigo ptop zho gon co, zeeá¹e laaw goclo, pxeeḻ zho Bernabé grop Saul güeysaá¹a lo grë zha rnabey ne zo lo zha ne rliladz Jesús nëz Judé.