2 TIMOTEO 3

1 Ni none gacnaá¹ luu gaá¹le, zeeá¹e laa dze ziaadyobpaa nitlo guidzliu, nroob nac guieḻnë ne gaá¹ grë zha ne no xnëz Dios. 2 Zrieequia grë zha ne: gacladz tebaa lose zho yquiin grëtaa ncuaaá¹e no, loxaque dimi gleynie zho, niats gac zho, zdaannie zho ncuaaá¹e ni rapd zho, zneenë zho Dios, gond zho xtiidz pxoz zho, xtiidz xniaa zho; sacd zdoo zho miá¹e guá¹ miech lo zho, laa zho gban zigne notaa guic zho, ib yquiaadiagd zho Xtiidz Dios. 3 Gacnaá¹draa zho pe nac guieḻwleynie, ib yquiad zdoo zho, loxaque diidz gzhixcuaa zho, lëbd zho gnabey zho xcuerp zho, sacsi zho samiech zho, stsidiḻ zho grëse ncuaaá¹e rquiin, 4 zgo zho zha ne ndzieeldiidz zho nia zha ne quiá¹ zho, ni lalnu guieḻto tsod lo zho, loxaque dieá¹ zha gdeed guxt xcuerp zho tso zho, laa ne yguib zho xnëz Dios. 5 Squiaalo zho ye zho rliladz Dios, per lo grë ncuaaá¹e guá¹ zho, ga glu ne rliladzd zho me. Bieá¹, ib ctsieelsad luu grë miech ne sca nac. 6 Sac lëë zha ne nacgrë zho ga, rzëëb yu rietsitnie grë wnaa yozh ne zienaḻ ncuaaá¹e gdeedtaa guxt xcuerp. 7 Tibaque no zho dieeá¹ peraa rseed zho, per ib rioguicd zho miá¹e nac diidzli. 8 Zigne beeá¹ chop zha ne biiḻ diidz dox padzeela, Janes grop Jambres, gocndaan zho lo Moisés; scaque ruá¹ zha co niina, rlëëniedox zho miá¹e nac diidzli. Miech yozha, ndzinlidraa nac guic zho, nacd zho zha ne gliladz Xtiidz Dios; 9 per gacdaquew xtse, zeeá¹e laa diidz guieá¹ gaá¹le pe clas miech nac zho, dzigo lëëque grë ncuaaá¹e yozh ne ruá¹ zho cuee xquieḻto zho; zigne bzhaacaque zha ne sca blëënie Moisés. 10 Saá¹gue luu, naá¹le luu gaá¹le zha nac grë miá¹e pseed naa luu. Wen wen naá¹ luu gaá¹le zha mban naa, pe no guic naa guá¹ naa, zha dib zdoo naa rliladz naa Dios, zha dib zdoo naa rleynie naa samiech naa, rieednied naa zho. 11 Naá¹le luu gaá¹le zha rneedz Dios xfuers naa, rlëëb naa grëtaa miá¹e rteed miech naa, zig beeá¹ zho naa guiedz Antioquí, guiedz Icon ni Listr, blactaa pquianaḻ zho naa; per tibaque gocnie Dios naa, psilaa me naa lo grëtaa guieḻxtseeb co. 12 Ni scagaa naca, grë zha ne rquiabladz gban zigne rnabey Jesús, ible squianaḻ miech zho. 13 Per probsaxe grë zha ne sca quiayuá¹ctal xtoḻ, zha ne sca noquidie miech, zig zie dze laa zho noteedquie zho nëz ne nitlo zho. Quiaguitnie zho miech, ni quiaguitniegaa meá¹dox zho. 14 Saá¹gue luu goá¹, csaand luu grë miá¹e pseed luu. Naá¹ween luu gaá¹le diidzliw, ni ruá¹beygaa luu cho nac grë zha ne bneew lo luu. 15 Ni stiba, zigne ziadroob luu psilo quiaseed luu Xtiidz Dios, ni lëëw bdixbiini guic luu gocnaá¹ luu ne Jesús none gliladz miech parne laa zho lo doḻ. 16 Dib nacse Xtiidz Dios, Espíritu Sant psiaaba guic zha ne pquiaaw, laaw biaaá¹: rseeda ne miá¹e nac diidzli, rsow diidz lo ne guieá¹ ne pa lo quiaxiá¹ ne, rseeda ne zaacse gban ne. 17 Zeeá¹a sca grëse zha ne no xnëz Dios, grieelo wen wen cseed zho, ni guieá¹ zho zha guá¹ zho grëse dziin ne rquiin, dziin ne rieguiaḻ zho guá¹ zho.