2 CORINTIOS 8

1 Bets, bzian, laa no gzodiidz lo to gaá¹le pa lotaa quiayacnieá¹ Dios grë zha ne ngab lo Jesús nëz Macedon nu. 2 Nli nroob grë guieḻnë ne quiayaá¹ zho, per nguieeḻ rac zho. Leá¹ dze ne bded nu beeá¹lo zho tib gon, niicle ne zhis ncuaaá¹e rap zho, per nroob gon ne beeá¹lo zho. 3 Laa naa rnew lo to, sac naazhal goá¹a. Ne nligaa, dib zdoo zho bleeladz zho grë ncuaaá¹e bloogon zho; ncuaaá¹e rgaataa lo zho laa zho bdeeda. 4 Dzigo bnab zho lo no gdeed no diidz ye xgon zho guey lo grë zha ne nacgrë ne, zha ne guieá¹d pe yquiin. 5 Ni lëdsew ga, bzee zdoo no zeeá¹e bdzioá¹ no blozhse psaá¹ zho zho ladznia Dios, laa zho wbig lo no në zho, miá¹e csiaabtaa Dios guic no gnabey no zho, zuá¹ zhow. Ni lalnu goá¹ güeynied guic no guá¹ zho grëtaa miá¹ rii. 6 Niina ne bdzioá¹ no znutaa biabgan zho nëz rii noyuá¹lo zho gon rii, nacne rdzieets no lo Tit siguieḻ me guiaad me nëz lo to i stib; zeeá¹a lozh guá¹lo to gon ne bnabeyle me to i quiayuá¹lo to. 7 Rdziuuá¹bey no to: dib zdoo to rnalo to Dios, zha niini nac to, rieá¹ to zha gnee to Xtiidz Dios lo miech, nguieeḻ rac to ruá¹ to xtsiiá¹ me, ni pseed to rleynie to samiech to. Nana sca, zig nac gon rii, scaque dib zdoo to goḻtsoxco goḻguá¹low. 8 Laa naa bzet lo to nu zha beeá¹ zha Macedon, per guiabde to bod nonabey naa to scapaa guá¹ to. Sinque laa naa bzeta lo to, zeeá¹a gacnaá¹ to gaá¹le ye zha co pquiabladz bdeed gon co. Nu nagoá¹ rdeeda diidz glu to ne nli rleynie to grëraa zha ne nacgrë ne, led loxaque diidzdsew. 9 Goḻwi gaá¹le, zig nac Jesús pa lotaa noxco me ne. Niicle ne me naccheá¹ grëtaa ncuaaá¹e no, per bdeed me diidz goc me zig tib zha ne peet rapd; ga bgaa ne grëtaa guieḻnzaac ne rap me. Laa me beeá¹ miá¹ co sacne rleynie me ne. 10 Wena, tebaa tsoxco to lozh guá¹lo to gon qui. Goḻsoladz gaá¹le, topaa psilo bleebey gaclow wdibiz ga, iá¹e nguieeḻ rac to psilo to. 11 Nana sca, zigne psilo to hor co, scaquegaa niina nguieeḻ goḻgac goḻsiaaḻ lo dziin co. Goḻquiabladz teḻ palaltaa ncuaaá¹e rgaa lo to tib tib to, dib zdoo to goḻdeeda; 12 sac zeeá¹e dib zdoo miech rquiabladz zho cogon zho, teḻ palaltaa miá¹e ygaa lo zho, scaania Diosa. Naá¹le me palal ncuaaá¹e rgaa lo tib tib miech, gnabd me ncuaaá¹e ni quianied zho. 13 Sac nacda ne ygad to grëse ncuaaá¹e rap to lo stib zho, lozh ga guiaaá¹mban to; laa zha yquianie grësew. 14 Led scada. Laa miá¹ rii rac, zeeá¹a grëse ne lalga ncuaaá¹e yquianie ne. Niina ne rgaaw lo to, goḻdeed palala yquiin grë zha ne rapd nrooba; zdziá¹gaa dze na pe guá¹falt lo to, dzigo laa zho gneedz teḻ pe nacgaa ncuaaá¹e quianiede to. Sca none dziuuá¹lsa ne xyudar zha ne nacgrë ne, zeeá¹a zig rne naa ga: lalga ncuaaá¹e yquianie ne. 15 Goḻsoladz gaá¹le, znu rnee lo Xtiidz Dios: “Zha ne ptop nrooba, beeá¹da sobr lo zho; niicle beeá¹faltegaaw lo zha ne ptop zhisa." 16 Xquizh Dios psiaab me guic Tit, zigne rzacaque naa to scaque rzac me to; tibaque nonie to guic no. 17 Zeeá¹e bnab naa lo me siguieḻ me guiaad me lo to i, bzhiguieḻga me; ni nolegaa guic me guiaad me, sac ne nligaa racladz me guiaadso me lo to stib. 18 Nëz rii, no tib bets ne, nroob yudar quiayuá¹ me nogaaz Xtiidz Dios lo miech; zaatne rcaalsataa zha ne no xnëz Dios nu, grëse zho ruá¹bey me, tib meá¹ nziuu nac me lo zho. Me gacgrop Tit, niina ne laa no cxeeḻ Tit lo to i; 19 ni meque bzooblo zho, sënaḻ zhits no zeeá¹e guiosaá¹ no gon rii. Nozhal guiosaá¹a, sac ne nligaa dib zdoo no noxco no zha gac xyudar grë zha ne guieá¹d pe yquiin. Nu rlu gaá¹le pa lotaa meá¹ nroob nac Dios, sac me quiayacnieá¹ ne ne laa dziin rii noyac. 20 Gza no bets co guio, zeeá¹a gzadoḻd zdoo miech guiab zho nend zha lega zhieeá¹ no palal gon rii, sac goá¹ nligaa nroob naca. 21 Dios zobwi gaá¹le mbe lo no, ni racladz no ye miech gaá¹ zho gaá¹le ne nli zha legal nac no. Miá¹ co nagoá¹, nacne sca guio no gza no. 22 Rdziuuá¹bey no stib bets ne nu, rdziaá¹ no nli dib zdoo me rleynie me Dios. Niina ne laa grop zha co guiaad i, ye me guiaadnaḻ zhits zho. Rley me ne laa me guiaadgaá¹ to i, sac ziyon me ye to noxco gacnie to zha ne nacgrë ne. 23 Teḻ naá¹d new cho gnabdiidz lo to dieá¹ cho nac Tit, goḻguiab lo zho tipse nac no grop no me, xyudar naa noyuá¹ me quiaseed no to. Ni teḻ gnabdiidz zho cho nac schop zha ne ziaadnaḻ zhits me i, dzigo goḻguiab grë zha ne ne no nëz rii pxeeḻ zho, dib zdoo zho noxco zho mban zho zigne rdziladz Dios. 24 Goḻguieá¹ sca, gza zho zigne ziaad zho lo to i, niowse goḻcuëzlo zho. Goḻlu gaá¹le ne nli dib zdoo to rleynie to zho, zigne rleynieque to naa; zeeá¹a gacnaá¹ grëraa zha ne nacgrë ne nli miá¹e rnee no zeeá¹e rzodiidz no lo zho zha nac to.