2 CORINTIOS 6

1 Gotsaa gwi ne gaá¹le pa lotaa noxco Dios ne. Gacxe waa, no ne nac no zhinguá¹dziin me laa no rso diidz lo to: goḻguieá¹ goḻgon miá¹e nonee me lo to niina. 2 Lo Xtiidz me, no tib zaatne znu zhobnee: Lëëtse leá¹ dze ne nosilaa naa miech, laa to bnab gacnie naa to. Lëëtse leá¹ dze ne rdeeda diidz gac miá¹e quiambëz to, laa grë xliaadz to blanso lo naa. ¡Ni lëë dze co nu nagoá¹ bdziá¹! ¡Nadzegazh quiambëz me gbig miech lo me, zeeá¹a csilaa me zho! 3 Dziin rii quiadziuuá¹ no, choot quiadziuuá¹ctald xtoḻ miech, choot noguibd sozit zho lo Dios. Zaatne ziotaa no, tibaque noxco no zaacse gac no, zeeá¹a tsod pe yquiaaqui zho gneenë zho Dios. 4 Zigtaa ncuaaá¹e rdziuuá¹ now, zigtaa grëgaa ncuaaá¹e nodieed now, rlu no gaá¹le ne nli xtsiiá¹ me nodziuuá¹ no. Teḻ pe nactaa grë guieḻnë ne nodieed no, teḻ pe nactaa grë xliaadz no, niicle no zaatne rsacsi miech no, per choot rieetede. 5 Blactaa zaatne rguiá¹ zho no, zaatne rsioogyu zho no, zaatne rriee zho ndal zho racntseeb zho lo no. Blactaa rdib rdzaag no rdziuuá¹ no dziin, no zaatne rriee zhimcaalo no dipse guieel, no zaatne retgbin no. 6 Ne nligaa rdzioxco no ndzinli mban no, choot rieetede, wen wen rdziuuá¹bey no zha nac Xtiidz Dios, sca raá¹ miech gaá¹le ne nli Dios pxeeḻ no. Dib zdoo no rleynie no samiech no, wen rac no lo zho, zilu no gaá¹le pa lotaa racnie Espíritu Sant no. 7 Niapse miá¹e nac diidzli miá¹ co rnee no, ni scagaa Dios, nolu me gaá¹le ne nli scaw. Niapse guieḻwen, niapse diidz ndooladz rlu no ne nli lo Dios quiadziuuá¹ no dziin. 8 Choot rsaand miá¹e pso Dios no nodziuuá¹ no, maase niicle miá¹e ruá¹taa miech no. No zaatne ruá¹non zho no, nogaa zaatne rzhidznie zho no; no zaatne rneenë zho no, nogaa zaatne rleynie zho no. Niicle ne diidzli rnee no, per no zho rzac noquidiee no miech. 9 Ruá¹beyd miech cho nac no, saá¹gue Dios ruá¹bey me no. Niicle ne tibaque noxtseeb no lo guieḻgut, per peet gard gac no laa no bii mban; niicle ne rsacsi zho no, per choot gard guet. 10 Niicle ne no hor mban rac zdoo no, per znusaque rneedz Dios tib guieḻbley zdoo no. Nacd no zha dimi, per nroob nac grë guieḻnzaac ne rgaa miech zeeá¹e rnee no lo zho. Rdziaapd no grë ncuaaá¹e rap grëraa miech, per ncuaaá¹e rdziaap no, nroob nona. 11 Bets, bzian, ne no to Corint i, laa no rzodiidznie to, laa no rnee lo to grëse zigne rza zdoo no. Ne nligaa rleynie no to. 12 Teḻne rzac to gard gacpaa ne tipse, per led nod naca. Teḻ no rleynie no to, sinque to goá¹ rieá¹ no laglaase rleynie to no. 13 Ne nligaa peet rqueets naa lo to, laa naa rne lo to zig rnee tib dad lo mëëd. ¡Scaquegaa to, goḻsiguieḻ zaacse goḻgac! 14 Goḻguieá¹, guiabde to tipse gac to grë to zha ne gard sëëb xnëz Dios. Goḻgaá¹ gaá¹le, tib zha ne nole xnëz me, rdzieeld gac zho zig rac zha ne bii no lo doḻ. Zig nacgaa biini, zhaa nac biini, zhaagaa nac lo guieḻcow. 15 Sac goá¹, teḻ Jesús, ¿niacxe tipse nac me grë me meá¹dox? Scaquegaa grë zha ne nole xnëz mew, grieelod tipse gac zho grë zho zha ne no lo doḻ. 16 Teḻ xyadoo Dios, nacda zig nac xyadoo grë mdio. Ni rrieequia goá¹ ne nac xyadoo me, zigne raquiet lo Xtiidz me zaatne rnee: Na gbannie naa to, iá¹e sënie naa to. Naa gliladz to, ni scagaa to, lo naa ygab to. 17 Gacxe waa, rbiire me rnee me: ¡Goḻriee lad grë zha qui, goḻbiche lo zho! Guá¹de to grë ncuaaá¹e ndzinlid ne ruá¹ zho, goḻbig lo naa, naa ycaania to. 18 Naa gac Pxoz to grëse to, scagaa to, laa to gac xpëëd naa. Lëë xtiidz meá¹ ne rnabey to nu.