2 CORINTIOS 11

1 Laa naa rnab lo to, ¡goḻxecw yquiaadiag to miá¹e gne naa nu, niicle teḻ no miá¹e rzac to rquiind! 2 Goḻgacnaá¹ gaá¹le, zigne rzac Dios to scaque rzaac naa to, ib racladzd naa cho guiaadquidie to. Miá¹e racladz naa Jesússe gleynie to, zig ruá¹ wnaa nguieg ne no xtiidz ctsieelnia. Sac teḻ wnaa nguiega, mgui ne no xtiidz zho mgui cose rleynie zho, haxta rdziá¹ dze ne rtsieelnia zho. 3 Sca none grieequia to lo me; per rdzieeb naa goá¹ nend zha yguib meá¹dox yquiil ma to, gondraa to miá¹e rnabey Dios, dzigo laa to gac zig rac grëraa miech ndzinlid. Sac goá¹ teḻ Ev, sca pquiil ma Ev. 4 Laa naa rzet miá¹ rii lo to, sac rieá¹ naa, zha ne riaadtaa i weeá¹ rdeed to diidz rquiaadiag to zhiwseed zho. No zho rzeet Jesús, rzeetgaa zho espíritu, per rzeete zho me zigne biadseed no to; rneegaa zho zha laa miech lo doḻ, per nacda zigne pseedle to glo. 5 Haxta rnee zho, rieá¹raa zho lo grëraa zha ne noteed Xtiidz Dios; saá¹gue naa, naá¹paa naa led scada, zrieelo glu naa lo zho gaá¹le peet rieá¹d zho. 6 Nend nli gacd naa gne naa zigne rneetaa zho, per zeeá¹e rne naa rieá¹paa naa ne diidzli none naa; ni ziyaá¹legaa tow gaá¹le. 7 Rzaac naa lëda ga beá¹ naa, zeeá¹e biaḻ naa biaḻseed naa to Xtiidz Dios; sac rsoladz to gaá¹le ib peet bnabd naa lo to, scase biaḻseed naa to. Niicle mban bdeed naa, per bioxco naa wbig to lo Dios bgaa to guieḻnzaac nroob ne rap to niina. 8 To rieguiaḻ needz ncuaaá¹e nquiin naa, na leḻ grë zha ne nole xnëz Jesús leá¹ dze co, zha co pxeeḻ ncuaaá¹e pquiin naa, rrieequia bla naa xtimi zho ga. 9 Niicle bdziá¹ dze ne peet guieá¹draa lo naa, per ni tib lo to ib psodziind naa; lëëtaque leá¹ dze co biaad bla zha bets ne zha ne ziaad nëz Macedon, zha co biaadnie ncuaaá¹e pquiin naa. Ib peet bnabd naa lo to hor co, ni gdziá¹dgaa dze ne pe gnab naa. 10 Ni goḻgacnaá¹ gaá¹le, ib tedsod sodiidz naa grë miá¹ rii dib nëz Gres i. Ible zuá¹ naaw, led yed naa rquidie, sac goá¹ ruá¹bey naa zha nac Xtiidz Jesús. 11 Per guiabde to togo rlëënie naa to, racladz naa csaá¹ naa to guieḻto; sac Dios zobwi gaá¹le rleynie naa to. 12 Goḻgacnaá¹ sca led scada, sinque laa naa guá¹ miá¹ co, zeeá¹a csioog naa ro zha ne rlozhd gacniats i, rnee zho ye zho quiayuá¹ xtsiiá¹ Dios zigne quiadziuuá¹ now. 13 Saá¹gue no, ndioá¹ no nlid Dios pxeeḻ zho, lega noquidiese zho to i squi no zho, rquiaalo zho zig nacne nli xtsiiá¹ Jesús quiayuá¹ zho. 14 Ni led ncuaaá¹e gzeed zdoo ne ga. Sac ible sca ruá¹ meá¹dox, no hor rzëëb ma rded ma zig tib xmandad Dios. 15 Gacxe waa, ¡zha ne squi ruá¹ xtsiiá¹ ma, miá¹coque ruá¹ zho rquiaalo zho rac zho zig cho miech wen, rquidie zho miech! Per zdziá¹ dze ne laa zho ygaa guieḻnëdox ne tsieguiaḻ zho, zaatne tsietizh zho grëtaa miá¹e noyuá¹ zho i. 16 Laa naa rnab lo to nu stib, goḻquiaadiag miá¹e gne naa, niicle teḻ rzë xtidz naa zig rzë xtiidz zha ne rzhiá¹le guic. Nli lega niats gne naa, per goḻxecw gon tow, sac laa naa guá¹non naa zig ruá¹ grë zha qui. 17 Led Jesúsd rnabey znu gne naa, sinque masaque laa naa guá¹ miá¹ rii, zig ruá¹ tib zha ne riotsle guic. 18 Teḻ squitaa niats rac zha qui lëëque lëë zho ruá¹non zho, lozhd gooḻ zho lo to dieá¹ pe nac ncuaaá¹e noyuá¹ zho; goḻquiaadiaggaa miá¹e gne naa nu na gaá¹le: 19 Conque rzac to name nixbiini to, ¿zha nac dzigo rdeed to diidz rquiaadiag to ncuaaá¹e rnee grë zha yozh qui? 20 ¿Pe ib rieá¹de to gaá¹le quianabeyzhoole zho to i, quiasacsi zho to, quiaquidie zho to, quiala zho grë ncuaaá¹e rap to, quiasaá¹win zho to, ya zig zgap zho lo to? 21 ¡Haxta rtoladz naa goá¹, sac laa ne naa squi nabey to leḻ zhale squitaa no! Grë ncuaaá¹e riats zho i nac zho, ye naa zrieelo sca guá¹niats naa naa (znu nagoá¹ rac zha ne rzhiá¹ guic). 22 ¿Teḻne riats zho rnee zho zha Israel nac zho? Yecxe naa waa zha Israel nac naa. ¿Teḻne rnee zho lo dii ne bzooblo Dios ga ziaad zho? Ye naa lo dii co ziaḻ naa. ¿Teḻne rnee zho Abraham nac xmeá¹gol zho? Meá¹ cocxe waa nac xmeá¹gol naa. 23 ¿Teḻne niats rac zho rnee zho xtsiiá¹ Jesús quiayuá¹ zho? Gacnaá¹ zho gaá¹le, naasi xtsiiá¹paa me quiayuá¹ naa. Nroob dziin ne ziyuá¹ naa, blactaa ncuaaá¹e zadeed naa, pe zhidaa zigo miech naa ladzguiib, blactaa zineedz dooguid zho naa, blactaa zaatne zadedlaa naa lo guieḻgut. 24 Gaayle vuelt zisacsi zhiwxtis zha Israel naa, gaḻptsibguieega nia dooguid bneedz zho naa. 25 Tsoá¹le vuelt zineedzyag zho naa, stib vuelt bneedzquie zho naa. Tsoá¹le vuelt zadzieelo naa rdedquie barcw ne no naa leá¹ nisdoo; tib vuelt, tib dze tib guieel bzhoobse naa lo nisdoo. 26 Pa lotaa grë dan ne ziya naa. Nzian vuelt ne bdedlaa naa niet naa: zaatne bdedlaa naa lo nis guiubee, zaatne bdedlaa naa lo ngbaan, zaatne bdedlaa naa lo grë meá¹zit, zaatne bdedlaa naa lo grë meá¹ladz naa. Ziyoxtseeb naa lo guieḻgut, zigtaa zaatne nac leá¹ guiedza, zaatne nac dana, zaatne nac lo nisdoow, zigtagaa lo grë zha ne laglaase rquiaalo rliladz Jesúsa. 27 Blactaa rdib rdzaag naa ruá¹ naa dziin, blactaa guieel ni niip raaguiesd naa, blactaa zaatne retgbin naa, zaatne retnis naa, zaatne rcuan naa, zaatne mbanse rcuub naa ni guieá¹d lar ne piix naa. 28 Ni zhaaque tibaque nonie guic naa dieá¹ yo to, grëse to ne nac to zha ne nole xnëz Dios, zha no to tib tib guiedz zaatne squi blansole Xtiidz Dios. 29 Zeeá¹e ron naa cho tib to racladz guiaaá¹ zdoo, mban rac naa zeeá¹e rrieelod gane naa lo zho; zeeá¹e rongaa naa cho tib to quiayuá¹ctal xtoḻ stib zho, ni rrieelod galisqui naaw lo zho, scaque mban rac zdoo naa. 30 Grë miá¹e bne naa nu, nacda guieḻniats; teḻne rieguiaḻpaa guá¹niats naa naa, mazd gzet naa grë miá¹e rlu gaá¹le peet gacd guá¹ naa naase. 31 Zig bzhaac naa tib vuelt zeeá¹e bia naa Damasc, leá¹ dze co zob tib gobernador nac dziin lo rey Aret. Bnabey gobernador co xmeá¹guiib me pquianap zho gzase puert ne rap biedz nroob ne ndze igo ro guiedz co; naá¹ me naaz zho naa ngo zho naa ladzguiib. Per brieelod naaz zho naa, sac grë zha ne nole xnëz Jesús ga, zeeá¹e bin zhow dzigo bloo zho naa tib leá¹ chicuid pteed zho naa tib ro ventan ne quia cho biedz nroob co. Sca bdeeda diidz brie naa ga, biabd naa ladznia gobernador co. Ni Dios goá¹, meá¹ ne nac Pxoz Jesús, meá¹ ne rieguiaḻ dziuuá¹non ne gzataa dze, me zobwi gaá¹le diidzli rne naa.